MATHAYO 6:28 - Kîrîîkanîro Kîîyerû

²⁸ “Na i kî îîndî n'ûntû bûkwîmakîra bûkîûragia i kû bûkaaruta nguo? Taraithaani maûa mara maumaga kîthakaani bwone bûra makûrangaga. Mo matirutaga ngûgî kana matuma nguo.

MATHAYO 6:28 ပူးပေါင်းရင်းမြစ်များ

MATHAYO 10:10

na bûtigaakamate mbooro. Bûtigaakamate nguo îngî tatiga îra muntû eekîrîte kana iraatû bingî tatiga bira muntû eekîrîte. Na bûtigaakamate mîraagi ya gwîkinyîîria n'yo, n'ûntû mûruti ngûgî nabatîîrue amenyeerwa.

MATHAYO 6:25

Yiesû auga, “Ka mbwîreeni, bûtikeemakîre bûkîûragia i mbi bûkaarîa, i mbi bûkaanyua, kana i kû bûkaaruta nguo cia gwîkîra. Anga mwoyo t'uu ûrî gîtûmi nkûrûki ya irio na mwîrî na uu nkûrûki ya nguo?

MATHAYO 6:27

N'ûû wacienu aûmba kwîbongeera ntugû nwa îmwe ya mwoyo wake n'ûntû bwa kwîmakîra?

MATHAYO 6:31

Kwoogu bûtikeemakîre bûkîûragia, ‘I mbi tûkaarîa?’ kana, ‘I mbi tûkaanyua?’ kana, ‘I kû tûkaaruta nguo?’

RUKA 10:41

Mwathani amûcookeria amwîra, “Mariitha, nûkwînyamaaria ûkîîthangîkia na mantû maingî!

RUKA 12:11

“Wana babûthitanga biamaani bia *masinagoogi kana kîrî mangabana na anene, bûtikaûrie n'ata bûkauga kana n'ata bûgaacookia.

RUKA 12:22

Yiesû eera arutwa baake, “Bûtikeemakîre bûkîûragia i mbi bûkaarîa, kana bûûria i kû bûkaaruta nguo cia gwîkîra.

RUKA 12:27

“Taraithaani maûa mara maumaga kîthakaani bwone bûra makûrangaga. Mo matirutaga ngûgî kana matuma nguo. Na ka mbwîreeni, wana mûnene Soromoni ûra nkuma yake yaiyîkeene mûno, ûthongi bwa nguo ciake bûtigîkinyîîra ûthongi bwa maûa ta mama.

RUKA 3:11

Njoana abacookeria abeera, “Ûra arî na caati ciîrî nanenkere îmwe muntû ûra atarî n'yo. Na ûra arî na irio narûmie ûra atarî na bio.”

APIRIPI 4:6

Bûtikaamakue n'ûntû nwa bûrîkû, rombagaani rîonthe thîîna yaya. Îragaani Ngai mara bûkwenda abûrûthîra. Cookagîriani Ngai nkaatho rîra bûkûromba.

1 PETÛRÛ 5:7

Mweyageeni mathîîna meenu monthe n'ûntû n'we abûmenyagîîra.