MATHAYO 6:22 - Kîrîîkanîro Kîîyerû

²² Yiesû auga, “Riitho i ta rîo taa ya mwîrî. Ûkaaya kwîgua gûtarî bu riitho rîaku rîkari, mwîrî waku unthe ûkaamûrîkîrwa i werû.

MATHAYO 6:22 ပူးပေါင်းရင်းမြစ်များ

MATHAYO 5:15

Naka muntû atimuntagia taa amîkunîkîra. Amîtûûgagîîria bantû aûkîîru kaingo îmûrîkîra bonthe bara barî nyomba înu.

NGÛGÎ 2:46

Baarîîkanaga nyomba ya Ngai wakîra ntugû. Baarîyanagîra mûgaate amwe mîciî mwanya mwanya, bagîcookagia nkaatho cia mma bakeneete n'ûntû bwa Ngai kûbaa irio.

2 AKORINTHO 11:3

Îndî kîmako gîakwa n'atî meeciiria meenu maûmba kûbîtithua njîra bûgatiga kwathîkîra Kîrîstû ta bûra bûmwathîkagîra bûrî baatheru na bwîrutîîte. Bûkarûtha ûgu bûkara ta Awa ûra eeneerue na ûûme i njoka.

AEBEESO 6:5

Nkombo athîkagîraani anene ba aaga nthîgûrû bara bûrutagîra ngûgî na bakuthûkageeni mûno. Barutagîreeni ngûgî na nkoro îmbega ta Kîrîstû bûkûrutîra ngûgî.

AKOROSAI 3:22

Naabi nkombo, athîkagîraani anene beenu ba aaga nthîgûrû mantûûni monthe. Na ti kuuga bûbaathîkagîre warîra babûrûngamîîrîîte kaingo bûbakenia. Baathîkagîreeni na nkoro imbega bûgîkuthûkaga Ngai.