MATHAYO 6:2 - Kîrîîkanîro Kîîyerû

² “Wateethia muntû arî na thîîna ûtikaugîîrie kîrî antû ta bûra eebwithia barûthaga *sinagoogiini kana njîraani, kaingo bakaathîîrua n'antû. Na mma ga nkûbwîra kîewa kîao nwa gîku.

MATHAYO 6:2 ပူးပေါင်းရင်းမြစ်များ

MATHAYO 15:7

Biû eebwithia baba! Isaaya naaroragia mantû meenu bwega rîra aandîkire,

MATHAYO 16:3

Na rûkîîrî buugaga, ‘Îmunthî gûkaura n'ûntû kûrî na matu maayirû.’ Ibwiyî kûraitha mwonekere wa matu bûkamenya bûra gûgaakara, îndî bûtikûûmba kûmenya bûra mantû mara magûtuîkîka ntugûûni ino makwonania.

MATHAYO 22:18

Yiesû aamenya baamûûragia ûgu barî na mûbango ûmûthûûku. Abaûria, “Eebwithia baba, i kî n'ûntû bûkûngeria?

MATHAYO 23:5

“Mantû monthe mara barûthaga, barûthaga mo kaingo boonwa n'antû. Baneneagia tûthandûkû tûra twogagîîrwa ûthiû tûgeekîrwa *Maandîko Maatheru, na bakaraayithia nkûrûki ya wîthîre mîthia ya nguo ira beekagîra bakîromba, kwonania wagîru bwao.

MATHAYO 23:6

Rîra barî biathooni kana *masinagoogiini, beendaga gûkara itîîni bia mbere bia gîtîîyo.

MATHAYO 24:51

Aaya amûnyamaarie mûno amûgiitîre îgamba ta mwîbwithia, amûgere nja kûra ûkeegua kûrî na kîrîro na kîeba kîînene mûno.”

MATHAYO 5:18

Na mma ga nkûbwîra, mûthiro wa îgûrû na nthîgûrû ûtakinyîîte, gûtirî gatemwa nwa kamwe kana gacuncî nwa kaniini ka watho gakaûra mwanka mantû monthe maingîke.

MATHAYO 6:16

Yiesû auga, “Bwatîîrîra kûrîa n'ûntû bwa maromba, bûtikang'onyarie moothiû meenu ta bûra eebwithia barûthaga kaingo boonia antû ibatîîrîrîte kûrîa n'ûntû bwa kûromba Ngai. Na mma ga nkûbwîra kîewa kîao nwa gîku.

MATHAYO 6:3

Rîra ûkweyana ûteethio, wana njara yaku ya ûmotho îtikaamenye bûra njara ya ûrîo îkûrûtha,

MATHAYO 6:5

Yiesû eera arutwa baake, “Bwakara kûromba bûtigaakare ta eebwithia, n'ûntû beendaga kûromba barûngi *masinagoogiini na makomanooni ma njîra kaingo boonwa n'antû. Na mma ga nkûbwîra, kîewa kîao nwa gîku.

MATHAYO 7:5

Woû mwîbwithia! Amba wîrute mûgogo riitho kaingo ûûmba kwona bwega gakaracû kara karî riitho rîa mûcoore waku bwega, ûmûruta ko.

MAARIKO 12:39

Rîra barî *masinagoogiini beendaga gûkara itîîni bia mbere bia gîtîîyo. Na baathi biathooni beendaga gûkara ara arî gîtîîyo.

MAARIKO 7:6

Yiesû abacookeria abeera, “Isaaya naaroriirie mantû meenu bwega, biû eebwithia baba! Aandîkire auga, ‘Antû baba baankumagia na tûnyua akî, nkoro ciao irî kûraaya mûno naani.

RUKA 11:41

Teethagiani nkîa na bira bûrî na bio, na into bionthe bigaatuîka biitheru kîrî biû.

RUKA 11:43

“Bûkoona thîîna, Abarisai, n'ûntû bwendaga gûkara itîîni bia mbere bia gîtîîyo rîra bûrî *masinagoogiini, na kwendaga antû babûkeethagia na gîtîîyo bwarîîkana na bo.

RUKA 12:33

Endiani into bienu bionthe bûteethie nkîa. Bûtikeebaigîreeni ûtonga bûra bûkaathira. Îbaigîreeni ûtonga bwa îgûrû n'ûntû bu bûtithiraga, bûtiywa i mwamba, na bûtiînyangua i ndugunye.

RUKA 12:56

Eebwithia baba! Ibwiyî kûraitha mwonekere wa nthîgûrû na matu bûkamenya bûra gûgaakara, îndî bûtikûûmba kûmenya bûra mantû mara magûtuîkîka ntugûûni makwonania.”

RUKA 13:15

Mwathani amûcookeria amwîra, “Eebwithia baba! N'ûû wacienu atarugûragîra ng'ombe yake kana îng'ooi rîake athi kûnyuithia ntugû ya Sabatû?

RUKA 20:46

“Îmenyeereeni kîrî aarimû ba watho. Beendaga kûthi beekîrîte nguo indaaya na gûkeethagua n'antû na gîtîîyo baarîîkana na bo. Beendaga gûkara itîîni bia mbere bia gîtîîyo rîra barî *masinagoogiini. Na baathi biathooni beendaga gûkara ara arî gîtîîyo.

RUKA 6:24

“Îndî bûkoona thîîna mûno, biû bara bûrî itonga, kûganîrwa kwenu nwa gûku.

RUKA 6:42

N'ata ûûmba kwîra mûcoore waku, ‘Ga nkûrute gakaracû riitho,’ na ûtikwona mûgogo ûra ûrî riitho rîaku? Woû mwîbwithia! Amba wîrute mûgogo riitho rîaku kaingo ûûmba kwona bwega gakaracû kara karî riitho rîa mûcoore waku, ûmûrute ko.”

NJOANA 13:29

Na n'ûntû Njundas n'we aarî mwaigi wa kîondo kîra beekagîra mbia, bamwe ba arutwa baathûgaaniirie Yiesû naamwîrîîte athi agûre bira biendekanaga n'ûntû bwa kîatho, kana akae nkîa ûteethio.

NJOANA 5:41

“Ntiîtîgîîria gûkumua i muntû niû.

NJOANA 5:44

N'ata biû bûmbîtîgangia weegua bûkenaga rîra bûgûkumanîîria bûrî bwingwa bûtagûtindanîra na gûcûa gûkumua i Ngai ûra gûtarî ûngî ta we?

NJOANA 7:18

Ûra aaragia mantû na bwake n'ûkumio eegagua agîîcûîra. Îndî ûra we acûagîra ûra amûtûmîîte ûkumio, ûyu i muntû wa mma na naagîrîte.

NGÛGÎ 10:2

Aarî muntû aatîîyîte Ngai na aamûkuthûkaga amwe na antû ba mûciî wake bonthe. Naateethagia nkîa mûno na aarombaga Ngai rîonthe.

NGÛGÎ 10:31

Aambîta, ‘Koronerias!’ Aambîîra, ‘Ngai neegîîtue maromba maaku na atiriganîrîtue n'ûteethio bûra ûteetheetie na bu nkîa.

NGÛGÎ 10:4

Koronerias akwona mûraîka aamaka. Amûûria, “N'ata, Mwathani?” Mûraîka ûyu amwîra, “Ngai atiriganîrîtue i maromba maaku na ûteethio bûra ûteetheetie na bu nkîa.

NGÛGÎ 11:29

Eetîgîri ba Antiokia baagwatanîra bauga wakîra muntû arute gîntû kûringana na bûra inya yake îgana batûme ûteethio kîrî eetîgîri ba Njundea.

NGÛGÎ 24:17

“Nyuma ya mîanka îmingî indacookire Njerusaremu mbirîrîte antû beetû bara nkîa ûteethio na nkîrutîra Ngai kîgongwana.

NGÛGÎ 9:36

Kûrî mwekûrû ûmwe wa taûni yeetagwa Njopa aarî mwîtîgîri, eetagwa Tabiitha. (Na Kîîngiriki i bûmwe na Ndorokas. Ndorokas i ‘Nthia’.) Aarî mwekûrû aarûthaga mantû meega na aateethagia nkîa rîonthe.

AROOMA 12:8

Ûkaaya kwîgua wetwe kîewa gîa gwîkîra bara bangî wîru, îrute kûrû wîkanagîre wîru. Na ûkaaya kwîgua wetwe kîewa gîa kweyana, eyanaga ûtagûtara. Ûkaaya kwîgua wetwe kîewa gîa ûtongoria, tongoria na wendi. Na ûkaaya kwîgua wetwe kîewa gîa kwîgagîîrua bara bangî kîao, kîonanagie ûrî na wîru.

1 AKORINTHO 13:3

Kana wana nkaa nkîa into biakwa bionthe, kana nkeeruta nkabîîthua, ntarî na wendo bûbu gûtirî bu bûnteethia na bu.

AGARATIA 2:10

Bûra baatwîrire tûririkane kûrûtha, i tûririkanage bara batarî na bio. Na wana niû nwa bu ndoonaga itwagîrîte kûrûtha.

AEBEESO 4:28

Mwamba natige kwiya. Narute ngûgî oone mbia kaingo aûmba gûteethia bara bakwenda ûteethio.

1 ATHESARONIKE 2:6

Na tika twendaga biû kana antû bangî batûkumia.

1 TIMOTHEO 6:18

Îra itonga birûthage mantû meega, bituîke itonga bia mantû meega. Bitigakûûne na ibiîgue birî na wîru bwa kwenda gûtûmagîra na antû bara bangî into bira birî na bio.

PIREMONI 1:7

Wendo bwaku, mûruayia, ibûtûmîîte nkena mûno na bwambîkîra wîru mûno ndaririkana bûra ûbooreereetie nkoro cia antû ba Ngai.

AIBIRANIA 13:16

Bûtikaariganîrueni i kûrûtha mantû meega na teethanagiani na bira bûrî na bio, n'ûntû mantû ta mamu imakenagia Ngai, marî ta kîgongwana.

1 PETÛRÛ 4:11

Weegua muntû eetwe kîewa gîa kwaria, neerage antû biugo bia kîîngai. Na weegua muntû eetwe kîewa gîa gûteethia bara bangî, nateethanie na inya îra Ngai amwete. Mantû monthe mabatîîrue marûthwa na njîra îra îgaatûma Ngai akumua gûkûrûkîîra kîrî Yiesû Kîrîstû. Mwago na inya ya Ngai biroonekaga tene na tene. Aameni.