MATHAYO 6:10 - Kîrîîkanîro Kîîyerû

¹⁰ Ûnene bwaku bûûye, kwenda gwaku kûrûthagwe gûkû nthîgûrû ta bûra kûrûthagwa îgûrû.

MATHAYO 6:10 ပူးပေါင်းရင်းမြစ်များ

MATHAYO 12:50

Kaîrî Yiesû auga, “Ûra wonthe arûthaga bûra Baaba ûra arî îgûrû eendaga kûrûthwa, ûyu n'we mûruayia, n'we mwarayia, na n'we taata.”

MATHAYO 16:28

Na mma ga nkûbwîra, bamwe ba baba barûngi aaga batiikua batooneete Mwana wa Muntû akîîya na ûnene bwake.”

MATHAYO 26:42

Yiesû aacooka kûromba kaîrî auga, “Baaba, weegua gûtiûmbîka ndutarutîrwa gîkombe gîkî mbere yakwa na nwa mwanka nkînyue, kwenda gwaku ikûrûthîke.”

MATHAYO 3:2

Augaga, “Îrireeni meeyia meenu n'ûntû ûnene bwa îgûrû bûkûthengeera.”

MATHAYO 4:17

Kuuma îgiita rîru, Yiesû aanjîîria gûtûmîîria akiugaga, “Îrireeni meeyia meenu n'ûntû ûnene bwa îgûrû bûkûthengeera.”

MATHAYO 7:21

Yiesû auga, “Ti muntû wonthe ûra ambîtaga ‘Mwathani, Mwathani,’ akaathi ûneneeni bwa îgûrû nwanga ûra arûthaga bûra Baaba ûra arî îgûrû eendaga kûrûthwa.

MAARIKO 11:10

Ûnene bûra bûûyîîte, bwa kîûyûyû gîetû, Ndaundi, i bûûthaarime. Ocana kîrî ûra arî îgûrû mûno mûno!”

MAARIKO 3:35

Ûra arûthaga bûra Ngai eendaga kûrûthwa n'we mûruayia, mwarayia kana taata.”

RUKA 19:11

Antû bathikîîrîîtie mantû mamu, Yiesû aathi na mbere kûbaarîria agîtûmagîra ngerekano. Na n'ûntû aarî akubî gûkinya Njerusaremu, antû baathûgaanagia ûnene bwa Ngai bûrî akubî mûno. Yiesû abaa ngerekano akîbaruta mathûgaanioni mamu baarî na mo.

RUKA 19:38

Baugaga, “N'ûmûthaarime mûnene ûra aayîîte kwa riîtwa rîa Mwathani! Ûkiri ibwîgue bûrî îgûrû na ûkumio kîrî Ngai!”

RUKA 22:42

akiugaga, “Baaba, ûkeegua wenda, ruta gîkombe gîkî gîa kînyamaara mbere yakwa. Îndî rûtha bûra ûkwenda, ti bûra nkwenda.” [

NJOANA 4:34

Yiesû abeera, “Irio biakwa i kûrûtha kwenda kwa ûra aantûmire, mwanka nthirie ngûgî îra aampeere.

NJOANA 6:40

I kwenda kwa ûra aantûmire atî, muntû wonthe ûra akoonana na Mwana na amwîtîgie oone mwoyo wa tene na tene, na naani nkamûriûkia ntugû ya mûthia.”

NJOANA 7:17

Muntû ûra arî na wendo bwa kûrûtha bûra Ngai eendaga, akaamenya weegua ndîrutana ûrutani kuuma kîrî Ngai, kana i mantû maakwa na bwakwa.

NGÛGÎ 13:22

Ngai akûruta Saûrû ûneneeni, aatuîkithia Ndaundi mûnene. Ngai auga, ‘Indaroonire Ndaundi wa Njesii n'we muntû arî nkoro îkari ta yakwa. Akaarûtha bunthe bûra nkeenda arûtha.’

NGÛGÎ 21:14

Tûkwona gûtirî bu tûkîrûtha agarûra mathûgaania maake, twarekana n'we twauga, “Kwenda kwa Mwathani ikûrûthîke!”

NGÛGÎ 22:14

“Aambîîra, ‘Ngai wa biûyûûyû bietû akûthuurîîte ûmenya bûra eendaga kûrûthwa, woona ûra Mwagîru na wîgua akîaria naawe.

AROOMA 12:2

Bûtikaathingatîîre bûra bara barî ba nthîgûrû barûthaga. Îpaani Ngai kaanya abûgarûre abwe mathûgaanio mangî. Rîru i rîo bûkaûmba kûmenya bûra eendaga kûrûthwa, bûra bwega, bûra bûmûkenagia, na mûkarîre wa mwîtîgîri ûmûkûrû.

AEBEESO 6:6

Na ti kuuga bûbarutagîre ngûgî na nkoro îmbega warîra babûrûngamîîrîîte kaingo bûbakenia. Rîonthe barutagîreeni ngûgî ta nkombo cia Kîrîstû. Rûthagaani kwenda kwa Ngai na nkoro yonthe.

AKOROSAI 1:13

Naatûrutire inyaani ya ûra aathanaga mwinduuni atwira ûneneeni bwa Mwana wake ûra eendeete mûno.

AKOROSAI 1:9

N'ûntû bwa ûgu, tûkwîgua mantû meenu wana tiû itûbûrombagîra rîonthe. Tûrombaga Ngai atûme bûmenye bunthe bûra eendaga. Na itûmûûragia abwe ûûme bunthe na atûme bûmenye mantû ma gîîkîrundu.

1 ATHESARONIKE 4:3

Ngai eendaga bûkaraga bûrî baatheru na bûtakûruta ngûgî cia ûmaramari.

1 ATHESARONIKE 5:18

Cookagîriani Ngai nkaatho mantûûni monthe, n'ûntû ûgu i bu eendaga bara barî ba Kîrîstû Yiesû barûtha.

AIBIRANIA 1:14

Kwoogu araîka i ba ûû? Bo n'irundu bira Ngai atûmaga birî aruti ngûgî, biteethia bara akaa rûgai rwa wonokio.

AIBIRANIA 10:36

Nwa mwanka bûtuîke aûmîîria kaingo bûrûtha bûra Ngai akwenda, na kaingo abwaa kîra aaugire akabwaa.

AIBIRANIA 10:7

Ndauga, ‘Mbûyîîte kûrûtha kwenda gwaku, Ngai, wata bûra mantû maakwa maandîkîîtwe îbukuuni rîa *Maandîko Maatheru.’ ”

AIBIRANIA 13:21

aroobwaa bira bionthe biega bûrûthe kwenda gwake. Arootûma tûrûthaga bûra bûmûkenagia, n'ûntû bwa Yiesû Kîrîstû. We arookumua tene na tene. Aameni.

1 PETÛRÛ 2:15

Ngai eendaga bûrûtha mantû meega kaingo bûtûma bara baaragia waa batiga kwaria mantû maataku îgûrû rîenu.

1 PETÛRÛ 4:2

I kîo n'ûntû bûtabatîîrue bwathîkîra mawîrirîîria maathûûku. Ntugû cienu cionthe ira itigeere cia gûtûûra gûkû nthîgûrû bûbatîîrue bûrûtha bûra Ngai eendaga kûrûthwa.

KÛGWÛRÎRWA 11:15

Mûraîka wa mûgwanja aaringa karumbeeta gaake. Akûringa, ndeegua tûyû twagondoka gûku îgûrû, twauga, “Wathani bwa nthîgûrû îîndî i bwa Mwathani wetû na Kîrîstû mûthuure wake. Akaathana tene na tene.”

KÛGWÛRÎRWA 12:10

Ndeegua kayû kaagondoka gûku îgûrû kauga, “Îîndî i kagiita ka Ngai wetû kwonokania, kwonania inya yake, ûnene bwake, na wathani bwa mûthuure Kîrîstû, n'ûntû ûra athitangaga aruayia na aarayia akwîngatua. Arabathitangaga kîrî Ngai wetû mûthenya na ûtugû.

KÛGWÛRÎRWA 19:6

Ndacooka ndeegua gîtuma ta gîa tûyû twa kîrîndî gîa antû baingî mûno, kana ta gîtuma kîa muuro ûûyîîte, kana ta gîtuma gîa nkwa îgondokeete. Ndeegua kwaugwa, “Arerûûya! Mwathani wetû, Ngai mwene inya, n'we aathanaga.

KÛGWÛRÎRWA 20:4

Ndacooka kaîrî ndoona itî bia ûnene. Itî bibu biakarîrîtwe n'antû beetîgîîtue beewa inya ya kûgiitîra antû îgamba. Na ndoona mîoyo ya antû bara baûragirwe n'ûntû bwa kwîgua barî eetîgua ntûmwaani ya Yiesû na kiugooni kîa Ngai. Antû babu i bara bataagonga nyamû îra kana mûbuanaano wa yo. Na bateekîrwa rwano rwa nyamû înu moothiû maao kana njara ciao. Ndoona baatuîka antû barî mwoyo kaîrî, baathana na Kîrîstû mîanka ngiri îmwe.