MATHAYO 6:1 - Kîrîîkanîro Kîîyerû

¹ Yiesû auga, “Îmenyeereeni rîra bûkûrûtha mantû meega bûtigaakare taka bûkwîbonania kîrî antû. N'ûntû bwarûtha ûgu bûtiona kîewa kuuma kîrî Abaagu ûra arî îgûrû.

MATHAYO 6:1 ပူးပေါင်းရင်းမြစ်များ

MATHAYO 16:27

“Mwana wa Muntû arî akubî kûûya na araîka baake arî na mwago wa Îthe. Eengeerie kûûya atuîre woora muntû kûringana na ngûgî yake îra arûthîîte.

MATHAYO 16:6

Yiesû abeera, “Îmenyeereeni îgûrû rîa ndawa îra *Abarisai na Eronde batûmagîra kwimbithia mîgaate.”

MATHAYO 23:13

Yiesû abeera, “Bûkoona thîîna, biû aarimû ba watho na Abarisai, eebwithia baba! Bûrigagîîria bara bangî bathi ûneneeni bwa îgûrû na tika biû bûkaathi ku. Bûtirekaga bara bakûthûngîra bathûngîra. [

MATHAYO 23:5

“Mantû monthe mara barûthaga, barûthaga mo kaingo boonwa n'antû. Baneneagia tûthandûkû tûra twogagîîrwa ûthiû tûgeekîrwa *Maandîko Maatheru, na bakaraayithia nkûrûki ya wîthîre mîthia ya nguo ira beekagîra bakîromba, kwonania wagîru bwao.

MATHAYO 25:40

“Mûnene akaabeera, ‘Na mma ga nkûbwîra, ûntû bunthe bwarûthîra wakîra ûmwe wa antû baakwa bara beegagua bakîenda ûteethio i ta niû bwarûthagîra.’

MATHAYO 5:16

Ta ûgu i ta bu werû bwenu bûbatîîrue bûmûrîkîra antû kaingo boona mantû mara bûrûthaga i mantû meega, bakumia Abaagu ûra arî îgûrû.”

MATHAYO 5:46

Bwenda wabara babwendeete bonka akî rî, i bûrîkû bûûnene bûra bûgaatûma bwewa kîewa? Anga wana arûngithia ûgooti batirûthaga ûgu?

MATHAYO 5:48

Nwa mwanka bûtuîke baagîru ta bûra Abaagu ûra arî îgûrû arî ûmwagîru.”

MATHAYO 6:16

Yiesû auga, “Bwatîîrîra kûrîa n'ûntû bwa maromba, bûtikang'onyarie moothiû meenu ta bûra eebwithia barûthaga kaingo boonia antû ibatîîrîrîte kûrîa n'ûntû bwa kûromba Ngai. Na mma ga nkûbwîra kîewa kîao nwa gîku.

MATHAYO 6:9

Rombagaani ûûgû, ‘Baaba wetû ûra ûrî îgûrû, riîtwa rîaku rîgongagwe.

MAARIKO 8:15

Yiesû abakaania abeera, “Îmenyeereeni îgûrû rîa ndawa îra *Abarisai na Eronde batûmagîra kwimbithia mîgaate.”

RUKA 11:35

Kwoogu îmenyeere wîgue ûkari ta muntû wa werû na ti ta muntû wa mwindu.

RUKA 12:1

Antû ngiri inyingî beethîrana amwe mwanka baatua gûkinyangana. Yiesû aanjîîria na kwîra arutwa baake, “Îmenyagîîreeni kîrî ndawa ya *Abarisai ya kwimbithia mîgaate. Ndawa înu i wîbwithia bwao.

RUKA 12:15

Yiesû eera antû, “Îmenyeereeni bûtigaatanûkîre into. Muntû atiûmba gûtûûrua mwoyo n'ûtonga bwake.”

RUKA 16:15

Yiesû abeera, “Biû bwîtuîkithagia antû beega kaingo bwonwa n'antû, îndî Ngai naiyî mathûgaania meenu. Mantû mara antû boonaga marî meega, Ngai amoonaga marî maathûûku.

NJOANA 12:43

Beendire gûkenia antû bantû a gûkenia Ngai.

NJOANA 5:44

N'ata biû bûmbîtîgangia weegua bûkenaga rîra bûgûkumanîîria bûrî bwingwa bûtagûtindanîra na gûcûa gûkumua i Ngai ûra gûtarî ûngî ta we?

NGÛGÎ 3:12

Petûrû akwona antû beethîrana agu abaûria, “Antû ba Isiraeri, i mbi yabûrigaria? Ka bûkwona ta inya yetû kana wega bwetû bwatûma muntû ûyû abua n'ûntû bwatûkûnîîra meetho ûûgû?

AGARATIA 6:12

Antû bara bakwenda kûbûkinyîîria bûtaanwa i bara beendaga kwonwa barî beega meethooni ma antû. Na gîtûmi kîra gîgûtûma barûtha ûgu i kîmwe akî. Na kîo i kaingo batanyamaarua n'ûntû bwa mûtharaba wa Kîrîstû.

AIBIRANIA 11:26

Oonire i kaaba akanyaamaara n'ûntû bwa kwîrîgîîra Kîrîstû ûra aayîîte, kîrî kwîgua arî na ûtonga bwa Miisiri bunthe. Na gîtûmi i kwîgua neeteereete kwewa kîewa.

AIBIRANIA 2:1

Gîku i kîo gîtûmaga wîgua nwa mwanka tûrûmîîre mantû mara tweerirwe, kaingo tûtabîtia njîra.

AIBIRANIA 6:10

Ngai agiitaga magamba bûra kwagîrîte. Atiiriganîrua i bûra bûmûrutîrîte ngûgî bûgana, bwonania wendo bwenu kîrî we na gûteethagia antû baake, wata ûgu bûthiîte na mbere kûrûtha.

2 NJOANA 1:8

Kwoogu bwîmenyeere bûtikaaye gûta kîra bwîcereretie kaingo bûkeewa kîewa kîenu kîûyûri.