MATHAYO 5:7 - Kîrîîkanîro Kîîyerû

⁷ Kîthaarimo i kîrî bara barî kîao, Ngai akabeegua kîao.

MATHAYO 5:7 ပူးပေါင်းရင်းမြစ်များ

MAARIKO 11:25

Na rîonthe bûkîromba, îgaguani bûrekanîrîte bûra bunthe muntû aûmba kwîgua abîtîrîtie ûra ûngî na bu, kaingo Abaagu ûra arî îgûrû n'we akaabûrekera mabîtia meenu. [

RUKA 6:35

Endagaani anthû beenu na barûthagîreeni bwega. Koobithanagiani bûtakwîrîgîîra kûrîgwa, na kîewa kîenu ûkeegua kîrî kîînene. Bûgaatuîka aana ba ûra arî îgûrû mûno. We n'ûmwega kîrî bara batarî nkaatho na bara bathûûku.

AROOMA 11:30

Kûrî rîra biû bara bûtarî Ayaundi bûtaathîkagîra Ngai. Îndî îîndî n'Ayaundi batamwathîkagîra îîndî îra biû abwîgîîtue kîao.

1 AKORINTHO 7:25

Bara bûtagûreene kana bûtarî bagûre ntirî na yathana kuuma kîrî Mwathani, îndî ka mbwîreeni bûra nkwona bwagîrîte. Na ibwagîrîtwe bûmbîtîgia n'ûntû bwa bûra Mwathani ambîgîîtue kîao.

2 AKORINTHO 4:1

I Ngai atwete ngûgî îno tûruta n'ûntû bwa kîao gîake. I ntûma tûtakuyaga nkoro.

AEBEESO 4:32

Nwa mwanka bûteethanagie na bwîganague kîao. Rekanagîraani ta bûra Ngai aabûrekeere ndeni ya Kîrîstû.

AKOROSAI 3:12

Biû bûrî antû ba Ngai bara aathuurire. Bûrî baatheru na bûrî eendwa baake. Kwoogu îgaguani bûrî na nkoro cia kwîganagîîrua kîao. Îgaguani bûrî antû ba kûrûthaga mantû meega na ba kwînyithia, bûrî antû ba ûkiri na bûkîûmagîîria mantû.

1 TIMOTHEO 1:13

Wana kinya ûkeegua mbereeni ndarî muntû wa kûmûcambagia, kûnyamaaragia athingati baake na mûbitina mûno, Ngai nambîgiirue kîao n'ûntû kagiita gaku ntaiyî ûmma na ntaarî na wîtîgio.

1 TIMOTHEO 1:16

Îndî Ngai nambîgiirue kîao kaingo Kîrîstû Yiesû oonania naani kûûmîîria gwake kûra gûtarî mûthia, îrî ta ngerekano nyumaani kîrî bara bangî bonthe, bara bakîmwîtîgia akabaa mwoyo wa tene na tene.

AIBIRANIA 4:16

Kwoogu itwîgue tûrî na ûcamba tûthengeere gîtî kîa ûnene kîa Ngai ûra eeyanaga ûtugi kaingo atwîgua kîao na atwa ûtugi bwa gûtûteethia rîra tûrî thîînaani.

AIBIRANIA 6:10

Ngai agiitaga magamba bûra kwagîrîte. Atiiriganîrua i bûra bûmûrutîrîte ngûgî bûgana, bwonania wendo bwenu kîrî we na gûteethagia antû baake, wata ûgu bûthiîte na mbere kûrûtha.

NJAKUBU 2:13

n'ûntû muntû ûra ateeganagua kîao, wana we Ngai atimwîgua kîao akîmûgiitîra îgamba. Îndî ûra eeganagua kîao naateegua ûguaya bwa îgamba.

NJAKUBU 3:17

Îndî ûûme bwa kuuma kîrî Ngai i bûûtheru, ibwendeete ûkiri, ûbooreru, kûthikanagîîria na kûûyûrwa i kîao. Bûciaraga mantû meega, bûtirî kîmenyano na bûtiîtuîkithagia kîra muntû atarî.

1 PETÛRÛ 2:10

Kûrî rîo bûtaarî antû ba Ngai, îndî îîndî bûrî antû baake. Na kûrî rîo bûtaakinyagîrwa i kîao kîa Ngai, îndî îîndî ikîbûkinyîîrîîte.