MATHAYO 5:5 - Kîrîîkanîro Kîîyerû

⁵ Kîthaarimo i kîrî bara babooreeru, bakeewa nthîgûrû îtuîke yao.

MATHAYO 5:5 ပူးပေါင်းရင်းမြစ်များ

MATHAYO 11:29

Thûkiani gîcooki gîakwa bwîkîre mbûrutane bûnogoke nkoro n'ûntû niû ndî ûmûbooreeru na indînyiîtie.

MATHAYO 21:5

“Îra antû ba taûni ya Cayûni, ‘Cûûba bwone mûnene wenu aayîîte. Neendeete ûkiri na akamatîîtwe n'îng'ooi, gatigiri, kayaû ka îng'ooi.’ ”

AROOMA 4:13

Ngai akwa Îburaîmu na nciarwa ciake wîrane abeera akabaa nthîgûrû yonthe rûrî rûgai rwao, ataabaa wîrane bûbu n'ûntû bwa kwîgua Îburaîmu naathingataga watho. Aabeere bu n'ûntû bwa kwîgua Ngai aathûkiirie Îburaîmu arî muntû ûmwagîru kuumania na wîtîgio bwake.

AGARATIA 5:23

ûbooreeru, na kûrega mîîrî yetû îtwatha bûra îkwenda. Na gûtirî watho bûûmba kûrega kûgwatanîra na mantû ta mamu.

AEBEESO 4:2

Rîonthe îgaguani bwînyiîtie na bûrî abooreeri. Bûtikeegue bûrî antû ba mûthûûro. Onanagiani wendo kîrî bara bangî, kinya bara babûbîtagîria.

AKOROSAI 3:12

Biû bûrî antû ba Ngai bara aathuurire. Bûrî baatheru na bûrî eendwa baake. Kwoogu îgaguani bûrî na nkoro cia kwîganagîîrua kîao. Îgaguani bûrî antû ba kûrûthaga mantû meega na ba kwînyithia, bûrî antû ba ûkiri na bûkîûmagîîria mantû.

1 TIMOTHEO 6:11

Îndî woû, muntû wa Ngai, îbûmbe gataaria na mantû ta mamu. Ûmia wone ûrî na wagîru bwa nkoro, ûngai, wîtîgio, wendo, kûûmîîria na kwînyithia.

2 TIMOTHEO 2:25

agîkaanagia bara bakûthûgaania mwanya n'we eenyiîtie n'ûntû kwaûmbîka Ngai akaa antû babu kaanya ga kwîrira bakamenya ûmma.

TITO 3:2

Beere muntû atikaarie mantû maathûûku îgûrû rîa ûra ûngî. Ibatûûranie na ûkiri bakîîganagua kîao, na boonanagie kwînyithia kîrî woora muntû.

NJAKUBU 1:21

Kwoogu bûtikaarûthe mantû ma rûko kana mûkarîre wenu wîgua ûrî wa mantû maathûûku. Îtîgîîriani kiugo kîa Ngai kîra aandîîte nkorooni cienu bwînyiîtie. Kîaûmba kwonokia mîoyo yenu.

NJAKUBU 3:13

N'ûû wacienu arî na ûûme na ûmenyo? Weegua kûrî we noonanie na mûtûûrîre wake ûmwega na mantû meega mara arûthaga arî na kwinyithia kuumania na ûûme bûra arî.

1 PETÛRÛ 3:15

Îndî nkorooni cienu thûkagiani Kîrîstû Mwathani wenu arî ûmûtheru. Na îgaguani rîonthe bwîthuuranîrîte gûcookeria kîûria ûra aûmba kûbûûria mantû ma wîrîgîîro bwenu bwa gîîkîrîstû, bûra bûrî na bu.

1 PETÛRÛ 3:4

Ûthongi bwenu bûbatîîrue bwîgua bûrî ûthongi bwa gîînkoro bûra bûtoonekaga na meetho. Bu n'ûthongi bwa kuumania na kîrundu kîa ûbooreeru, kîrundu gîa ûkirîîria. Bu bûtithiraga rî kana rî na kîrî Ngai bûrî gîtûmi kîînene mûno.