MATHAYO 5:45 - Kîrîîkanîro Kîîyerû

⁴⁵ Bûkarûtha ûgu i rîo bûgaatuîka aana ba Abaagu ûra arî îgûrû, n'ûntû we n'we atûmaga riûa rîake rîthararîra baathûûku na beega na akaurithîria mbura bara barûthaga bûra kwagîrîte na bara batarûthaga bûra kwagîrîte.

MATHAYO 5:45 ပူးပေါင်းရင်းမြစ်များ

MATHAYO 5:9

Kîthaarimo i kîrî bara bareetaga ûkiri, bageetwa aana ba Ngai.

RUKA 6:35

Endagaani anthû beenu na barûthagîreeni bwega. Koobithanagiani bûtakwîrîgîîra kûrîgwa, na kîewa kîenu ûkeegua kîrî kîînene. Bûgaatuîka aana ba ûra arî îgûrû mûno. We n'ûmwega kîrî bara batarî nkaatho na bara bathûûku.

NJOANA 13:35

Weegua bûkeendanaga, gûtirî we atakîmenya bûrî arutwa baakwa.”

NGÛGÎ 14:17

Îndî rîonthe Ngai noonanagia arî oogo kuumania na mantû meega mara abûrûthagîra ta kuurithia mbura kuuma îgûrû, gûkûria imera kagiita ka bio, kûbwaa biakûrîa, na kûbûûyûria gîkeno nkorooni cienu.”

AEBEESO 5:1

Tuatiani Ngai n'ûntû bûrî aana baake bara eendeete.

APIRIPI 2:15

kaingo bûtuîka aana ba Ngai baatheru batarî na mabîtia. Bûtûûraga na antû batarûthaga bûra kwagîrîte, antû ba meeyia. Werû bwa mûkarîre wenu ûbathararagîra ta bûra werû bûthararaga mwinduuni.

1 NJOANA 3:9

Ûra acierwe i Ngai atikaraga akîîyagia n'ûntû mûkarîre wa Ngai ûrî ndeni yake. Na n'ûntû Ngai n'we Îthe, ûra acierwe i Ngai atiûmba gûkara akîîyagia.