MATHAYO 5:30 - Kîrîîkanîro Kîîyerû

³⁰ Kana ûkaaya kwîgua njara yaku ya ûrîo îtûmaga wîyia, mîgiite. I kaaba wagîîte gacuncî kamwe ka mwîrî waku kîrî mwîrî waku unthe ûgereetwe mwankiini wa îcamaarîro.”

MATHAYO 5:30 ပူးပေါင်းရင်းမြစ်များ

MATHAYO 11:6

Kîthaarimo i kîrî ûra aambîtîgîîtie atarî na nkanja.”

MATHAYO 13:21

Na n'ûntû batiîgagua beebînjîrîte barika bwega, batikarangaga. Mathîîna mabagwata kana baanyamaarua n'ûntû bwa wîtîgio bwao bacookaga waara akûrû nthûti îmwe.

MATHAYO 16:23

Yiesû aûndûka amwîra, “Taaria aaga ndî, Saitaani, n'ûntû nûkûndigîîria ntiraingia kwenda kwa Ngai. Mathûgaanio maaku ti ma kîîngai i ma kîîmuntû.”

MATHAYO 17:27

Îndî n'ûntû ntikwenda tûthûûrana na antû baba, thûkia ndwano ûthi îriani. Îkûyû rîra ûkaagwata ûraithe kanyua ka rîo ûkeethîra mbia ku. Mbia inu ûthûkie cio ûthi ûndîîrîîre na woû ûkîrîa ciaku na wacio.”

MATHAYO 18:8

Weegua i njara yaku kana kûgûrû gwaku gûgûtûma wîyia, giita ûte! I kaaba ûkathi mwoyooni wa tene na tene ûrî na njara îmwe kana ûrî na kûgûrû kûmwe, nkûrûki ya ûkara ûrî na njara irî ciîrî kana magûrû marî maîrî na mûthiani ûgerwa mwankiini ûra ûtooraga rî kana rî.

MATHAYO 22:13

Mûnene eera aruti ngûgî baake, ‘Mûthaîkeeni njara na magûrû bûmûgere nja mwinduuni.’ Gûku ûkeegua kûrî na kîrîro na kîeba kîînene mûno.

MATHAYO 25:20

Ûra eetwe taranta itaano, amûreetera cingî itaano. Amwîra, ‘Niû, mûnene, wanenkeere itaano ndathi ndabaitania ciakinya îkûmi. Îka, mûnene.’

MATHAYO 26:31

Yiesû abeera, “Ûtugû bûbû bwa îmunthî, biû bwinthe bûkaathi bûntige ninka n'ûntû kwandîkîîtwe *Maandîkooni Maatheru, ‘Nkaaringa mûrîîthi mmûûrage, ng'ondu inyagaaranie.’

MATHAYO 5:22

Îndî naani ga nkûbwîra, ûra akaathûûrîra ûra ûngî nakagambithua. Na ûra akeera ûra ûngî ‘Ûrî wa ûtheri!’, arî na îgamba na kîama. Na ûra ageeta ûra ûngî, ‘Kîaa gîkî!’, nakaathi îcamaarîro.

MATHAYO 5:29

Ûkaaya kwîgua riitho rîaku rîa ûrîo rîtûmaga wîyia, rîtûre. I kaaba wagîîte gacuncî kamwe ka mwîrî waku kîrî mwîrî waku unthe ûgereetwe mwankiini wa îcamaarîro.

MAARIKO 9:43

Weegua i njara yaku îtûmaga wîyia, mîgiite! I kaaba ûkathi mwoyooni wa tene na tene ûrî na njara îmwe, kîrî ûkara na cio irî ciîrî, na îndî ûthi îcamaarîro mwankiini ûtooreka. [

RUKA 12:5

Îndî ga nkûbwîra kûrî ûmwe wenka ûra bûbatîîrue bûkuthûka. Kuthûkagaani Ngai n'ûntû arî na inya ya kûûraga muntû akamûgera mwankiini wa îcamaarîro. Yîî na ga nkûbwîra, ûyu n'we bûbatîîrue bûkuthûka.

RUKA 17:2

Muntû ta ûyu i kaaba akoogeerwa iiga rîa kûthia nkingo akagerwa îriani bantû atûma nwa ûmwe wa baba baniini beeyia.

AROOMA 9:33

wata bûra kwandîkîîtwe *Maandîkooni Maatheru, “Ga nkûbwîra, nkaiga iiga Kîrîmaani gîa Cayûni na antû baingî bagaatiira iiga rîru bataratare bagwe. Ûra akaarîîtîgia rîtimwîkîrithia nthoni.”

1 AKORINTHO 8:13

Kwoogu ûkaaya kwîgua irio bira ndîyaga bitûmaga mûruayia kana mwarayia ataratara wîtîgioni, ntibirîa kaîrî rî kana rî, kaingo ntatûma bataratara wîtîgioni.

AGARATIA 5:11

Î niû naani, aruayia na aarayia, ûkaaya kwîgua ntûmagîîria mantû ma ntaano nkauga antû bataanagwe rî, i kî îîndî n'ûntû nnyamaaragua? Ûkaaya kwîgua n'ûmma, ûgu i bu ndûthaga, ntûmîîri îno ntûmagîîria ya mûtharaba wa Kîrîstû îtireeta thîîna nwa aniini.

1 PETÛRÛ 2:8

Kaîrî kwandîkîîtwe Maandîkooni Maatheru, “Antû baingî bagaatiira iiga rîru bataratare bagwe.” Antû batarataraga n'ûntû bwa kûrega kwathîkîra kiugo kîa Ngai. Na ûgu i bu Ngai aababangîîre.