MATHAYO 5:22 - Kîrîîkanîro Kîîyerû

²² Îndî naani ga nkûbwîra, ûra akaathûûrîra ûra ûngî nakagambithua. Na ûra akeera ûra ûngî ‘Ûrî wa ûtheri!’, arî na îgamba na kîama. Na ûra ageeta ûra ûngî, ‘Kîaa gîkî!’, nakaathi îcamaarîro.

MATHAYO 5:22 ပူးပေါင်းရင်းမြစ်များ

MATHAYO 10:17

Bwîmenyeere n'ûntû antû bakabûthitanga biamaani biao na babûringithie ibooko *masinagoogiini maao.

MATHAYO 10:28

Bûtigaakuthûke bara baûmba kûûraga mwîrî akî, îndî bataûrage mwoyo. Kuthûkaani ûra aûmba kûûraga mwîrî na akathiria mwoyo na mwanki wa îcamaarîro.

MATHAYO 12:24

*Abarisai bakwîgua mantû mamu bauga, “I Bericebuuri, mûnene wa irundu biithûûku amweyaga inya ya kwîngatia irundu biithûûku, na t'ûngî.”

MATHAYO 17:5

Petûrû akîaragia woogu, îtu rîîyerû rîaya rîabakunîka. Beegua kayû kauma ku kauga, “Ûyû i Mwana wakwa na immwendeete mûno. Nankenagia mûno, mûthikagîîrieni!”

MATHAYO 18:21

Petûrû aathi kîrî Yiesû amûûria, “Mwathani, i maita magana mbagîrîtwe kûrekera mûruayia ambîyia? Ti maita mûgwanja?”

MATHAYO 18:35

“Ûgu i ta bu Baaba ûra arî îgûrû akaabûrûtha weegua muntû atiirekera ûra ûngî na nkoro yake yonthe mabîtia mara amûrûthîrîte.”

MATHAYO 23:15

“Bûkoona thîîna, biû aarimû ba watho na Abarisai, eebwithia baba! Bûriûngaga mwanka mûringo wa îria bûgîcûa muntû bûgarûra atuîka wenu. Na bwatiga bûkwona agûtuîka wenu bûmwînyangagia nkûrûki yenu agatuîka mwana wa îcamaarîro.

MATHAYO 23:33

“Biû, njoka ino! Rûciaro rwa njoka imbîî! Ntikwona bûra bûtagîtuîrwa kûthi îcamaarîro.

MATHAYO 25:41

“Rîru mûnene acooke eere bara na bo ûkeegua barî bwa ûmotho, ‘Biû bûrî baarume! Umaani aaga ndî bûthi mwankiini ûra ûtooraga rî kana rî, ûra Nkoma na araîka baake bathuuranîrîtwe.

MATHAYO 26:59

Athînjîri bara banene ba Ngai na kîama kîra kîarî oogo baacûa antû bagûtuîrîîra Yiesû kaingo aûragwa.

MATHAYO 3:17

Kayû kauma îgûrû kauga, “Ûyû i Mwana wakwa ûra mbendeete mûno. Nankenagia mûno.”

MATHAYO 5:34

Îndî naani ga nkûbwîra, ûtikaathiîtie wana gûkari ata. Ûtikaathiîtie na îgûrû n'ûntû i noogo Ngai aathanaga arî,

MATHAYO 5:44

Îndî naani ga nkûbwîra, endagaani anthû beenu na rombagîraani bara babûnyamaaragia.

MAARIKO 14:55

Athînjîri babu banene ba Ngai na njûri ya Ayaundi yonthe baacûa ûntû bûûthûûku bwa kuuga Yiesû ararûtha kaingo bamûtuîra kûûragwa, îndî baaga.

MAARIKO 15:1

Rûûni rûkîîrî mûno, *athînjîri bara banene ba Ngai, akûrû, aarimû ba watho, na kîama kîonthe baabanga bûra bakaûragangithia Yiesû. Bamûthaîka njara bamwirîra Piraatû ûra aarî ngabana.

RUKA 12:5

Îndî ga nkûbwîra kûrî ûmwe wenka ûra bûbatîîrue bûkuthûka. Kuthûkagaani Ngai n'ûntû arî na inya ya kûûraga muntû akamûgera mwankiini wa îcamaarîro. Yîî na ga nkûbwîra, ûyu n'we bûbatîîrue bûkuthûka.

RUKA 22:66

Gûgûkea rûûni, kîama gîa akûrû, *athînjîri bara banene ba Ngai, na aarimû ba watho baarîîkana amwe. Yiesû aareetwa.

NJOANA 11:47

*Athînjîri bara banene ba Ngai na Abarisai baarûtha mûceemanio wa kîama. Baûrania, “N'ata tûkûrûtha? Muntû ûyû nakûringa biama biingî mûno.

NJOANA 15:25

Îndî na rîo, gûkarîkîîte ûgu kaingo bûra kwandîkîîtwe *Maandîkooni maao Maatheru bûûyûra; ara kwandîkîîtwe, ‘Baammeneete woogû mana maatheri.’

NJOANA 7:20

Kîrîndî kîamûûria, “Nûrî na nkoma? N'ûû akwenda gûkûûraga?”

NJOANA 8:48

Beera Yiesû, “T'ûmma tuugire, twauga ûrî Mûsamaria, na i nkoma ûrî na cio?”

NGÛGÎ 17:18

Gîkundi gîa antû baûme mûno beetagwa Epekurio na kîîngî gîetagwa Stoiki baanjîîria gûturia Paûrû mbaara. Bamwe baao baûragia, “N'ata kîthege gîkî îîndî gîgûtûringîra gîtuma aaga gîkiuga?” Bangî bauga, “Arîkara ta mantû ma ngai ingî ingeni agûtûmîîria.” Babu baugire ûgu n'ûntû Paûrû aatûmagîîria mantû ma Yiesû na kûriûka gwake.

NGÛGÎ 22:30

Rûûni mûnene neendaga kûmenya gîtûmi kîa Ayaundi kûthitanga Paûrû. Kwoogu auga Paûrû atharue. Aaruta watho auga *athînjîri bara banene ba Ngai na kîama kîonthe barîîkane. Rîru auga Paûrû aareetwa, aarûngamua mbere yao bonthe.

NGÛGÎ 23:1

Paûrû abacûûba, abeera, “Aruayia, mwanka îmunthî, meethooni ma Ngai ntûîre nkîîgagua nkorooni yakwa ntirî na îgamba.”

NGÛGÎ 24:20

Kana tatiga antû baba barî aaga bakwîre weegua kûrî mabîtia boona ndî na mo nkûgambithua i kîama.

NGÛGÎ 4:15

Bauga barutwe nja batigwe baaranîrie. Akîama babu bagûtigwa baûrania,

NGÛGÎ 5:21

Atûmwa baathîkîra ûgu mûraîka aabeerire, baaraûka nyomba ya Ngai baanjîîria kûrutana antû. Mûthînjîri ûra mûnene wa Ngai na antû baake beeta akîama na akûrû bonthe ba Isiraeri amwe. Rîru baatûmana atûmwa bagîîrwa nceera.

NGÛGÎ 5:27

Bakûbareeta, atûmwa baarûngamua mbere ya akîama. Mûthînjîri ûra mûnene wa Ngai abaûria,

NGÛGÎ 6:12

Beengîîra antû, akûrû, na aarimû ba watho baagwata Stibini bamwira kîrî akîama.

NGÛGÎ 6:15

Bara bonthe baarî gûku kîamaani nwaka boona ûthiû bwa Stibini bwagarûka. Baakara bamûkûnîrîîte meetho, boona bwakara ta bwa mûraîka.

NGÛGÎ 7:37

I Musa wooyu eerire Aisiraeri, ‘Ngai akabûthuurîra kîroria kuuma wakîrî biû, wata bûra aanthuurire.’

AROOMA 12:10

Endanagaani ta antû ba mûciî ûmwe. Tîîyagaani bara bangî nkûrûki ya bûra bwîtîîyaga.

1 AKORINTHO 6:6

Kûrîtuîkîka mwîtîgîri arîthitanga ûra ûngî kootiini kîrî antû batarî eetîgîri!

1 ATHESARONIKE 4:6

Bûtikaabîtîrie bara bangî ûntûûni bûbû. Wata bûra twabûkaaniirie twabwîra, Ngai agaakaanûkia bara bonthe barûthaga meeyia ta mamu.

TITO 3:2

Beere muntû atikaarie mantû maathûûku îgûrû rîa ûra ûngî. Ibatûûranie na ûkiri bakîîganagua kîao, na boonanagie kwînyithia kîrî woora muntû.

AIBIRANIA 12:25

Îmenyeereeni bûtikaarege kwathîkîra kayû ka Ngai rîra akwaria. Aisiraeri bara baaregire kwathîka bakwîgua kayû gaake akîaria arî gûkû nthîgûrû batoona wega. I thîîna îgana ata tûkoona twarega kûmwathîkîra akîaria arî îgûrû?

AIBIRANIA 5:9

Na n'ûntû ûtûûro bwake bwatuîkire bûtaarî na mabîtia, n'we aatuîkire kaumo ka wonokio bwa tene na tene kwa bara bonthe bamwîtîgîîtie.

NJAKUBU 2:20

Woû ûtakîîte mûno! Nûkwenda nkwonie wîtîgio bwa muntû atakûrûtha mantû meega bûtirî gîtûmi?

NJAKUBU 3:6

Na kaîrî rûrîmî rûkari ta mwanki. Rûgwataga mwanki wa îcamaarîro rûgatambia ûthûûku rûgateereera mwîrî wa muntû unthe na rûkeenyangia ûtûûro bwake bunthe.

1 PETÛRÛ 2:23

Aarumwa ataarumaga bara baamûrumaga. Na aanyamaarua ataugaga akoonia ûntû babu baamûnyamaaragia. Eenenkanagîra kîrî Ngai ûra agiitaga îgamba na njîra ya mma.

1 PETÛRÛ 3:9

Bwarûthîrwa ûthûûku bûtikaarîithie. Bwarumwa bûtikaarume bara babûruma. Bûbatîîrue bûthaarimaga bara bakaabûrûthagîra mantû ta mamu. Menyaani atî, bweetirwe i Ngai bûrûthaga ûgu kaingo bûthaarimwa,

1 NJOANA 2:9

Muntû ûra augaga arî werûûni na atiendeete mwîtîgîri ûra ûngî, ûyu i mwinduuni arî kinya îîndî.

1 NJOANA 3:10

Bûbu i bu tûûmba kûmenya na bu aana ba Ngai na ba Nkoma. Muntû ûra atarûthaga bûra kwagîrîte, ûra ateendaga eetîgîri bara bangî, ûyu t'wa Ngai.

1 NJOANA 5:16

Muntû akaaya kwona mwîtîgîri ûra ûngî akîrûtha wîyia bûtaûmba kûreeta gîkuû, namûrombere Ngai ûra akamwaa mwoyo. Kûrî wîyia bûûmba kûreeta gîkuû. Ntikuuga bûrombe n'ûntû bwa wîyia ta bûbû.

NJUNDA 1:9

ûntû kinya mûraîka ûra mûnene, Mikaeri, ataarûtha rîra baakararanagîria kiimba kîa Musa na Nkoma. Mikaeri ataûmîîria kûmîrûma kana amîîra mûgambo ûmûthûûku. Bûra Mikaeri aamîîrire n'atî, “Mwathani aroogûkaania!”

KÛGWÛRÎRWA 20:14

Ndoona Gîkuû na Nthiko biagerwa îriani rîa mwanki. Îria rîa mwanki i rîo rîreetaga îkua rîa maîrî.