MATHAYO 5:18 - Kîrîîkanîro Kîîyerû

¹⁸ Na mma ga nkûbwîra, mûthiro wa îgûrû na nthîgûrû ûtakinyîîte, gûtirî gatemwa nwa kamwe kana gacuncî nwa kaniini ka watho gakaûra mwanka mantû monthe maingîke.

MATHAYO 5:18 ပူးပေါင်းရင်းမြစ်များ

MATHAYO 10:15

Na mma ga nkûbwîra, rîra ntugû ya îgamba îgaakinya antû ba taûni cia Sondomu na Ngomoora ûkeegua barî kaaba nkûrûki ya antû ba taûni ta înu.”

MATHAYO 10:23

Bûkaaya kûnyamaarua ntûûra îmwe, bûtoorooke bûthi îngî n'ûntû na mma ga nkûbwîra, ûtiîgua bûgûkomania ntûûra cia Isiraeri cionthe mbere ya Mwana wa Muntû aaya.

MATHAYO 10:42

Na mma ga nkûbwîra, ûra agaakundia nwa rûûyî rûûtheri ûmwe wa athingati baba baakwa baniini n'ûntû bwa bûra barî athingati baakwa, i mma atiaga kîewa.”

MATHAYO 11:11

Na mma ga nkûbwîra, kîrî aana bonthe bara baaciarwa n'aka, gûtirî ûngî ooneka arî mûnene ta Njoana Mûbaatithania. Îndî kinya ûra oonekaga arî mûniini kîrî bara barî ba ûnene bwa îgûrû, n'ûmûnene nkûrûki yake.

MATHAYO 13:17

Na mma ga nkûbwîra, n'iroria biingî mûno na antû baingî mûno ba Ngai beendeete mûno kwona mara bwonaga, îndî bataamoona na bateegua mara bwîgagua.”

MATHAYO 16:28

Na mma ga nkûbwîra, bamwe ba baba barûngi aaga batiikua batooneete Mwana wa Muntû akîîya na ûnene bwake.”

MATHAYO 17:20

Yiesû abeera, “N'ûntû bwa bûra wîtîgio bwenu bûrî bûûniini. Na mma ga nkûbwîra, bunka bûrî na wîtîgio wana ûkeegua ibûgana ta gapîndî kaniini nwa bûtûme kîrîma ta gîkî gîkûûka aaga gîkathi bantû angî. Gûtirî bu bûrema. [

MATHAYO 18:18

Yiesû abeera, “Na mma ga nkûbwîra, bunthe bûra bûkaarega gûkû nthîgûrû ibûkaaregwa kinya îgûrû. Na monthe mara na mo bûgeetîgîîria gûku nthîgûrû mageetîgîîrua kinya îgûrû.

MATHAYO 18:3

Abeera, “Na mma ga nkûbwîra, bûtikinya ûneneeni bwa îgûrû nwanga bûkagarûka bûgakara ta twana tûniini.

MATHAYO 19:23

Yiesû eera arutwa baake, “Na mma ga nkûbwîra, n'ata kûrî inya gîtonga kûthi ûneneeni bwa îgûrû.

MATHAYO 19:28

Yiesû abeera, “Na mma ga nkûbwîra, rîra Mwana wa Muntû agaakarîra gîtî kîa ûnene mwagooni wa nthîgûrû înjerû, wana biû arutwa baakwa bûgaakarîra itî bia ûnene bûgiitîre îgamba mîîrîga ya Isiraeri îrî îkûmi na îîrî.

MATHAYO 21:21

Yiesû abeera, “Na mma ga nkûbwîra, bunka muntû atarî na nkanja ageetîgia bûra akuuga bûgaatuîkîka, nwa arûthe manene nkûrûki ya ûgu bwona ndarûtha mûkûyû. Nwa wone weera kîrîma ta gîkî, ‘Kûûka ûkagwe îriani,’ na gûgakarîka woogu.

MATHAYO 21:31

Yiesû aûria *athînjîri bara banene ba Ngai na akûrû bara baarî agu, “N'ûrîkû kîrî aana babu barî baîrî aarûthire bûra îthe eendaga kûrûthwa?” Bamûcookeria bamwîra, “N'ûra mûkûrû.” Yiesû abeera, “Na mma ga nkûbwîra, arûngithia ûgooti na marwaya i bo bakaathi ûneneeni bwa Ngai mbere yenu.

MATHAYO 23:36

Na mma ga nkûbwîra, mantû mamu monthe magaacooka nthuke îno.”

MATHAYO 24:2

Yiesû abeera, “Ibûkwona mwako ûyû unthe? Na mma ga nkûbwîra, gûtirî iiga rîgaatigwa rîrî îgûrû ya rîra rîngî, monthe imakaanyagaarua.”

MATHAYO 24:47

Na mma ga nkûbwîra, mûnene wake amûtuîkithagia mûrûngamîîri wa into biake bionthe.

MATHAYO 25:12

“Mûgûrani abeera, ‘Arî. Na mma ntibwiyî.’ ”

MATHAYO 25:40

“Mûnene akaabeera, ‘Na mma ga nkûbwîra, ûntû bunthe bwarûthîra wakîra ûmwe wa antû baakwa bara beegagua bakîenda ûteethio i ta niû bwarûthagîra.’

MATHAYO 25:45

“Mûnene akaabacookeria abeere, ‘Na mma ga nkûbwîra, rîra bwaregaga gûteethia antû baakwa nwa bara baniini na bakîendaga ûteethio i ta niû bwaregaga gûteethia.’

MATHAYO 5:26

Na mma ga ngûkwîra, ûtiuma ku ûtamûrîîte mwanka ndururu ya mûthia.”

MATHAYO 6:16

Yiesû auga, “Bwatîîrîra kûrîa n'ûntû bwa maromba, bûtikang'onyarie moothiû meenu ta bûra eebwithia barûthaga kaingo boonia antû ibatîîrîrîte kûrîa n'ûntû bwa kûromba Ngai. Na mma ga nkûbwîra kîewa kîao nwa gîku.

MATHAYO 6:2

“Wateethia muntû arî na thîîna ûtikaugîîrie kîrî antû ta bûra eebwithia barûthaga *sinagoogiini kana njîraani, kaingo bakaathîîrua n'antû. Na mma ga nkûbwîra kîewa kîao nwa gîku.

MATHAYO 8:10

Yiesû aarigara mûno eegua ûgu. Eera bara baamûthingatîîte, “I mma ga nkûbwîra, ntoona muntû arî na wîtîgio bûûnene ta bûbû. Wana Isiraeri ationeka nwa ûmwe.

MAARIKO 10:15

Na mma ga nkûbwîra, ûra atakîthûkia ûnene bwa Ngai na wîtîgio ta bwa kaana kaniini atithûngîra ku.”

MAARIKO 10:29

Yiesû abeera, “Na mma ga nkûbwîra, gûtirî muntû aumîîte mûciî, kana atigîîte aruagina kana aaragina, kana gina, kana îthe, kana twana, kana mînda n'ûntû bwakwa na bwa ntheto îmbega

MAARIKO 11:23

Na mma ga nkûbwîra, ûkeegua muntû atarî na nkanja nkorooni yake, ûkeegua eetîgîîtie bûra akuuga bûgaatuîkîka, akeera kîrîma ta gîkî, ‘Kûûka ûkagwe îriani,’ gûkarîka woogu auga.

MAARIKO 12:43

Yiesû eera arutwa baake, “N'amma ga nkûbwîra, ntigwa îno nkîa îkûruta nkûrûki ya bara bangî bonthe.

MAARIKO 13:30

Na mma ga nkûbwîra, mantû mamu monthe magaatuîkîka rûciaro rûrû rûtarî rûthiru.

MAARIKO 14:18

Bakîrîyaga, Yiesû abeera, “Na mma ga nkûbwîra, ûmwe wenu akambîndîra njûri, ûmwe kîrî biû bûkûrîyanîra naani îîndî tûrî aaga.”

MAARIKO 14:25

Na mma ga nkûbwîra, ntiinyua ndibei îno ya matunda ma mûcabiibû kaîrî, tatiga rîra nkaamînyua îrî înjerû ûneneeni bwa Ngai.”

MAARIKO 14:30

Yiesû amwîra, “Na mma ga ngûkwîra, ûtugû bûbû bwa îmunthî mbere ya ngûkû îkurura maita maîrî, ûgankaana maita mathatû.”

MAARIKO 14:9

Na mma ga nkûbwîra, bantû onthe ara ntheto îmbega îgaatûmîîrua gûkû nthîgûrû, ûûgû mûka ûyû aarûtha bûkeeranagwa n'ûntû bwa kûmûririkana.”

MAARIKO 3:28

“Na mma ga nkûbwîra, antû nwa barekerwe meeyia maao monthe na mantû maathûûku monthe mara baaria îgûrû rîa Ngai.

MAARIKO 6:11

Îndî bûkaaya kûthi taûni nna bûkarega kûgwatwa ûgeni, kana antû bakarega kûbûthikîîria, bûkiuma ku bûtige bwabaturaturîra tîîri ya mbayo cienu rûrî rwano rwa kûboonia bûtirî ngwatanîro na bo.”

MAARIKO 8:12

Yiesû eegua ûgu aara nkoro. Aûria, “I kî rûciaro rûrû rûkwendera kwona kîama? Na mma ga nkûbwîra, gûtirî kîama rûkoona!”

MAARIKO 9:1

Yiesû abeera, “Na mma ga nkûbwîra, bamwe ba baba barûngi aaga batiikua batooneete ûnene bwa Ngai bûra bûkaaya bwonanie inya ya bu.”

MAARIKO 9:41

“Ûra akaabûkundia rûûyî riîtwaani rîakwa akiugaga arîbûkundia n'ûntû bûrî ba Kîrîstû, muntû ta ûyu atiaga kîewa.”

RUKA 11:51

kwanjîîria na nthakame ya Abeeri mwanka nthakame ya Cakaria ûra aûragîîrwe gatîgatî ga kîthînjîro na nyomba ya Ngai. Yîî, na ga nkûbwîra, mantû mamu monthe makaarandûkwa antû ba nthuke îno.

RUKA 12:37

Aruti ngûgî bara beetagîîra mûnene wao mwanka rîra akaaya eethîre batamaami, ibakenaga. Na mma ga nkûbwîra, mûnene eeraga aruti ngûgî ta babu ibakare nthî, akeethuuranîra akabaûrîra irio arî we.

RUKA 13:35

Ata rî, ntûûra yenu îgaatigwa îrî îganjo. Na ga nkûbwîra, bûtimbona kaîrî mwanka rîra bûkauga, ‘N'ûmûthaarime ûra aayîîte kwa riîtwa rîa Mwathani.’ ”

RUKA 16:17

I ûûthû îgûrû na nthîgûrû kûtherekeria bikaûra kîrî gatemwa nwa kamwe kaniini ka watho kûûra.

RUKA 18:17

Na mma ga nkûbwîra, ûra atathûkia ûnene bwa Ngai na wîtîgio ta bwa kaana kaniini atithûngîra ku.”

RUKA 18:29

Yiesû abeera, “Na mma ga nkûbwîra, gûtirî muntû atigîîte mûciî wake, kana mwekûrû wake, kana aruagina, kana aciari baake, kana twana twake n'ûntû bwa ûnene bwa Ngai,

RUKA 23:43

Yiesû amwîra, “Îmunthî ga ngûkwîra, ûkeegua ûrî amwe naani îkenero.”

RUKA 4:24

Na mma ga nkûbwîra, kîroria gîtitîîyagwa kwao.

NJOANA 1:51

Yiesû abeera, “Na mma ga nkûbwîra, bûkoona îgûrû rîarugûka, na araîka ba Ngai bakîîndamaga na bagîîtagîîria gûkûrûkîîra kîrî Mwana wa Muntû.”

NJOANA 10:1

Yiesû abeera, “Na mma ga nkûbwîra, ûra atathûngagîra kiugûûni kîa ng'ondu na mwîrîga, îndî nwanga akauna rwinci, ûyu i mwamba na i mûtunyani.

NJOANA 10:7

Yiesû abeera kaîrî, “Na mma ga nkûbwîra, i niû mwîrîga wa ng'ondu.

NJOANA 12:24

Na mma ga nkûbwîra, mpîndî ya ngano îtiumana îtagwîte nthîgûrû îkara taka yakua. Yakua i rîo yumanaga.

NJOANA 13:16

“Na mma ga nkûbwîra, nkombo t'yo nene kîrî ûra amîandîkîîte. Na mûtûmwa t'we mûnene kîrî ûra amûtûmîîte.

NJOANA 13:38

Yiesû amûûria, “Nûkwîbîtîgia wabu nwa wîrute ûkaûragwa n'ûntû bwakwa? Na mma ga ngûkwîra, mbere ya ngûkû îkurura, ûgaankaana maita mathatû.”

NJOANA 14:12

Na mma ga nkûbwîra, ûra akaambîtîgia akaarûtha mantû ta mara ndûthaga. Naka mantû mara akaarûtha i mo ûkeegua marî manene nkûrûki ya maakwa, n'ûntû nthiîte kîrî Baaba.

NJOANA 16:20

Na mma ga nkûbwîra, bûkaarîra bûminûke, îndî kîrîndî gîgaakena. Biû bûkaagwatwa i kîeba, îndî nyumaani bûgaakena.

NJOANA 16:23

Na ntugû înu yakinya gûtirî ûntû bûkaambûûria. Na mma ga nkûbwîra, Baaba akabûrûthîra bûra bunthe bûkaamûûria kwa riîtwa rîakwa.

NJOANA 21:18

Na mma ga ngûkwîra, rîra warî mwana, wekagîra nguo ûkathi wanaara ûkeenda. Îndî rîra ûgaatindira ûgaatambûrûkia njara wogwe cio i muntû ûngî akwire naara ûtakwenda.”

NJOANA 3:11

Na mma ga ngûkwîra, twaragia mara twiyî, na tûkûûyagîîra mara twona, îndî bûtiendaga gwîtîgia ûkûûyî bwetû.

NJOANA 3:3

Yiesû amwîra, “Na mma ga ngûkwîra, twanga muntû agaciarwa îciarwa rîa maîrî, atiûmba kûthi ûneneeni bwa Ngai.”

NJOANA 3:5

Yiesû amûcookeria amwîra, “Na mma ga ngûkwîra, twanga muntû agaciarwa kaîrî na njîra ya rûûyî na ya gîîkîrundu, atiûmba kûthûngîra ûneneeni bwa Ngai.

NJOANA 5:19

Yiesû eera Ayaundi babu, “Na mma ga nkûbwîra, gûtirî bu Mwana aûmba kûrûtha arî we na bwake. Aiyî kûrûtha wabûra bunka oonaga Îthe akîrûtha. Bûra Îthe wa Mwana arûthaga i bu Mwana arûthaga.

NJOANA 6:26

Yiesû abeera, “Na mma ga nkûbwîra, bûtigûncûa n'ûntû bwa biama, îndî bûrîncûa n'ûntû bwa mîgaate îra bûrarîîre bwabaa.

NJOANA 6:32

Yiesû abeera, “Na mma ga nkûbwîra, ti Musa aabwere mûgaate kuuma îgûrû. Baaba nwa we eeyanaga mûgaate ungwa wa kuuma îgûrû.

NJOANA 6:47

Na mma ga nkûbwîra, muntû ûra eetîgagia akoona mwoyo wa tene na tene.

NJOANA 6:53

Yiesû abeera, “Na mma ga nkûbwîra, twanga bûkarîa nyama cia mwîrî wa Mwana wa Muntû na bûkanyua nthakame yake, bûtiona mwoyo wa tene na tene.

NJOANA 8:34

Yiesû abeera, “Na mma ga nkûbwîra, mwîyia wonthe i nkombo ya wîyia.

NJOANA 8:51

Na mma ga nkûbwîra, muntû ûra aathîkagîra ûrutani bwakwa atiikua rî kana rî.”

NJOANA 8:58

Yiesû abeera, “Na mma ga nkûbwîra, mbere ya Îburaîmu aciarwa nwa ndarî oogo.”

1 PETÛRÛ 1:25

Îndî kiugo kîa Mwathani kîo gîgaatûûra tene na tene.” Na kiugo gîku i ntheto îmbega îra bwatûmîîrue.

KÛGWÛRÎRWA 20:11

Ndacooka ndoona gîtî kîa ûnene. Kîarî gîtî kîînene, kîîyerû. Na ikwarî na ûra aagîkarîrîte. Îgûrû na nthîgûrû bitoonwa kaîrî.