MATHAYO 5:12 - Kîrîîkanîro Kîîyerû

¹² Rîra bakûbûrûtha ûgu, kenaani. Gwîruani mûno n'ûntû kîewa kîenu îgûrû i kîînene. Ûgu i ta bu baanyamaariirie bara baarî iroria mbere yenu.”

MATHAYO 5:12 ပူးပေါင်းရင်းမြစ်များ

MATHAYO 16:27

“Mwana wa Muntû arî akubî kûûya na araîka baake arî na mwago wa Îthe. Eengeerie kûûya atuîre woora muntû kûringana na ngûgî yake îra arûthîîte.

MATHAYO 6:16

Yiesû auga, “Bwatîîrîra kûrîa n'ûntû bwa maromba, bûtikang'onyarie moothiû meenu ta bûra eebwithia barûthaga kaingo boonia antû ibatîîrîrîte kûrîa n'ûntû bwa kûromba Ngai. Na mma ga nkûbwîra kîewa kîao nwa gîku.

RUKA 13:34

Yiesû auga, “Biû antû ba Njerusaremu, bûûragîîte iroria na bwaringanga bara Ngai aabûtûmîîre na maiga! I maita magana mbendaga kûbwîthîrania amwe ta ngûkû bûra îîthîranagia tûcwi twa yo îgatûguîkîra na mathabu ma yo, îndî naabi bûkarega!

RUKA 6:23

“Kenaani bwona ûgu bûtûûbatûûbe i gîkeno! Kîewa kîenu îgûrû i kîînene. Nwa ta bu biûyûûyû biao biarûthire iroria.

RUKA 6:35

Endagaani anthû beenu na barûthagîreeni bwega. Koobithanagiani bûtakwîrîgîîra kûrîgwa, na kîewa kîenu ûkeegua kîrî kîînene. Bûgaatuîka aana ba ûra arî îgûrû mûno. We n'ûmwega kîrî bara batarî nkaatho na bara bathûûku.

NGÛGÎ 16:25

Ûtugû gatî kanene, Paûrû na Sairas ibaarombaga na ibainagîra Ngai nyîmbo, agwate bara bangî bathikîîrîîtie.

NGÛGÎ 5:41

Atûmwa bauma gûku bakeneete mûno n'ûntû bwa kwîgua boonirwe baagîrîte ba kûnyamaarua n'ûntû bwa riîtwa rîa Yiesû.

AROOMA 5:3

Na t'ûgu bunka, itûkenaga kinya tûrî mathîînaani n'ûntû itwiyî mathîîna mara twonaga imatûmaga tûkagîa na kûûmîîria.

1 AKORINTHO 3:8

Gîtûmi kîa ûra aandaga mbeû na ûra amîîtûûragîria rûûyî i kîmwe, na woora ûmwe waciao akeewa kîewa gîake i Ngai n'ûntû bwa ngûgî yake.

2 AKORINTHO 4:17

Tûthîîna tûra tûrî na tu i tûniini, na i twa kagiita gaakai. I tûthîîna twa gûtûthuuranîra tûthi mwagooni wa tene na tene ûra tûtaganaania na tu n'ûntû ûkeegua ûrî mwago ûmûnene mûno.

APIRIPI 1:29

Ngai atibûthaarimîîte na kaanya ga gwîtîgia Kîrîstû gonka. Abûthaarimîîte kinya na kaanya ga kûnyamaarua n'ûntû bwa Kîrîstû.

APIRIPI 2:17

Na wana kinya ûkeegua inkwîrwa mbûragwe mbûyûrîîrie kîgongwana kîa ngûgî yenu kîra bûrutagîra Ngai n'ûntû bwa wîtîgio bwenu nwa nkene. Na kwoogu ingûkeneera bûgîkeneera bwinthe.

AKOROSAI 1:24

Inkeneete i bûra nnyamaaraga n'ûntû bwenu nkîûyûrîîria kûnyamaara kûra mwîrî wa Kîrîstû ûbatîîrue ûnyamaara kinya îîndî. Mwîrî wa Kîrîstû i kanica. Na mathîîna mama mwîrî wakwa wonaga, wonaga mo n'ûntû bwa kanica.

AKOROSAI 3:24

Wata bûra bûkûmenya bûkeewa rûgai i Mwathani rûrî kîewa. Ririkanagaani atî, i Mwathani Kîrîstû bûkûrutîra ngûgî.

1 ATHESARONIKE 2:15

Ayaundi baûragire Mwathani Yiesû, iroria, na batwîngatia. Batikenagia Ngai na bakararagia muntû wonthe.

AIBIRANIA 10:34

Na ibweegagua kîao bara baarî nceera. Bwatunywa into bienu bwonaga ta ûntû bwa gûkeneera, n'ûntû ibwiyî bûrî na into biega nkûrûki bia gûtûûra tene na tene kûra îgûrû.

AIBIRANIA 11:26

Oonire i kaaba akanyaamaara n'ûntû bwa kwîrîgîîra Kîrîstû ûra aayîîte, kîrî kwîgua arî na ûtonga bwa Miisiri bunthe. Na gîtûmi i kwîgua neeteereete kwewa kîewa.

AIBIRANIA 11:33

Wîtîgio bwao ibwatûmire barûa na nthîgûrû ira ingî baicinda. Baatûûraga ûtûûro bwagîru na beewa mawîrane i Ngai. Ngai naaboonokagia kuuma kîrî tûnywa twa cimba,

AIBIRANIA 11:6

Gûtarî wîtîgio gûtirî we akenia Ngai. Muntû wonthe ûra aayaga kîrî Ngai nwa mwanka eetîgie Ngai natûîre mwoyo na nathaarimaga bara bamûcûaga na mantû meega.

NJAKUBU 1:2

Aruayia na aarayia, thûkagiani kîrî gîkeno kîînene rîra bûkwona magerio ma mîthemba yonthe

NJAKUBU 5:10

Aruayia na aarayia, bûkeenda kûthûkia ngerekano îmbega ya bara baûmîîrie mathîîna baûmba gweteera, ririkanaani iroria bira biaragia riîtwaani rîa Mwathani.

1 PETÛRÛ 4:13

Kenagaani bwona ûgu, n'ûntû ûgu i ta kwonania bûrî kîmwe na Kîrîstû kûnyamaaruani gwake kaingo bûkena mûno rîra akaaya yîya rîa maîrî arî na mwago wake.