MATHAYO 3:7 - Kîrîîkanîro Kîîyerû

⁷ Njoana akwona *Abarisai na *Asandukai baingî baayîîte ababaatithia, abeera, “Rûciaro rûrû rwa njoka! N'ûû aabweniirie abwîra bwakuthûka mûthûûro wa Ngai ûra ûûyîîte?

MATHAYO 3:7 ပူးပေါင်းရင်းမြစ်များ

MATHAYO 12:24

*Abarisai bakwîgua mantû mamu bauga, “I Bericebuuri, mûnene wa irundu biithûûku amweyaga inya ya kwîngatia irundu biithûûku, na t'ûngî.”

MATHAYO 12:34

Biû rûciaro rwa njoka! N'ata bûûmba kwaria mantû meega na bûrî antû baathûûku? Kanyua kaaragia mantû mara mooyûri nkoro.

MATHAYO 15:12

Arutwa ba Yiesû baathi kîrî we bamwîra, “Nûkûmenya Abarisai batirakenua i bûra uugire?”

MATHAYO 16:1

*Abarisai bamwe na *Asandukai baathi kîrî Yiesû. Bakîmûgeria bamwîra aringe kîama, kîrî rwano rwa kwonania inya îra arî n'yo kuuma îgûrû.

MATHAYO 16:6

Yiesû abeera, “Îmenyeereeni îgûrû rîa ndawa îra *Abarisai na Eronde batûmagîra kwimbithia mîgaate.”

MATHAYO 22:15

*Abarisai baathi baabanga bûra bakaageria gûtega Yiesû na rwaria rwake.

MATHAYO 22:23

Ntugû weenu *Asandukai bamwe baathi kîrî Yiesû. Na wîtîgio bwa Asandukai n'atî, gûtiûmbîka muntû ûmûkuû ariûka. Bakûthi beera Yiesû,

MATHAYO 22:34

*Abarisai beethîrana amwe bakwona Yiesû aacookeria *Asandukai biûria mwanka baakangaa.

MATHAYO 23:33

“Biû, njoka ino! Rûciaro rwa njoka imbîî! Ntikwona bûra bûtagîtuîrwa kûthi îcamaarîro.

MATHAYO 5:20

Na ga nkûbwîra, twanga bûkaagîra bûgakûrûka aarimû ba watho na *Abarisai, bûtiikûrûka ûneneeni bwa îgûrû.”

MAARIKO 12:13

*Abarisai bamwe na bamwe ba bara baarî ba Eronde ibaatûmîîtwe kûgeria gûtega Yiesû na mîgambo yake.

MAARIKO 12:18

Asandukai bamwe baathi kîrî Yiesû. Na wîtîgio bwa Asandukai n'atî, gûtiûmbîka muntû ûmûkuû ariûka. Bakûthi beera Yiesû,

MAARIKO 8:15

Yiesû abakaania abeera, “Îmenyeereeni îgûrû rîa ndawa îra *Abarisai na Eronde batûmagîra kwimbithia mîgaate.”

RUKA 16:14

*Abarisai bakwîgua ûgu, baanjîîria kûthekeera Yiesû n'ûntû ibeendeete mbia.

RUKA 18:11

Mûbarisai akûrûngama, aaromba na wîkumia auga, ‘Ingûgûcookeria nkaatho Ngai n'ûntû niû ntirî mwîyia ta antû bara bangî, kana ta mûrûngithia ûgooti ûûra! Niû ntienagîîria antû nthûkia into biao, ntiîyagia na ntithûngagîîra.

RUKA 7:30

Îndî *Abarisai na aarimû ba watho, n'ûntû bo bateenda Njoana ababaatithia i yerekeeria rîa Ngai baareganire na rîo.

NJOANA 1:24

Atûmwa babu baatûmîîtwe n'Abarisai

NJOANA 8:44

Biû bûrî ba abaagu, Nkoma. Bwendaga kûrûtha mantû wamara abaagu eendaga kûrûtha. Atûîre arî mûûragani kuuma wo tene, na gûtirî rîo aaria ûmma, n'ûntû ûmma bûtirî ndeni yake. Na rîra aaragia ûrongo, aaragia kûringana na bûra akari, n'ûntû we i mûûrongo, na n'we kaumo ka ûrongo bunthe.

NJOANA 9:40

*Abarisai bamwe baarî agu bakwîgua Yiesû auga ûgu, bamûûria, “Gookuuga tûrî ntûngi na tiû?”

NGÛGÎ 15:5

Îndî eetîgîri bamwe ba gîkundi kîa *Abarisai baarûngama bauga, “Nwa mwanka bara batarî Ayaundi bataanagwe na barutanwe kwathîkîra watho bwa Musa.”

NGÛGÎ 20:31

Kwoogu karagaani bwîmenyeereete. Na ririkanagaani mbîtûûrîîte meethori mîanka îthatû, mûthenya na ûtugû, ntakûnoga i gûkaania wakîra ûmwe wacienu.

NGÛGÎ 26:5

Bambiyî kwa îgiita rîraaya mûno na bakeenda nwa bakûûyîîre atî ndatûûraga ndî *Mûbarisai. Na kûringana na ndini yetû, gîkundi kîa Abarisai i kîo kîrî mawatho maûmo mûno.

NGÛGÎ 5:17

Mûthînjîri ûra mûnene wa Ngai na antû baake bonthe, *Asandukai, baatua kwîgua atûmwa rûriitho.

AROOMA 1:18

Ngai oonagia antû mûthûûro wake kuuma îgûrû n'ûntû bwa wîyia kana ûntû bunthe bûûthûûku bûra antû barûthaga bagatûma ûmma bûrega kûmenyekana.

AROOMA 5:9

Wona Kîrîstû aatûmire twagîrithua i Ngai na gîkuû gîake, twagûtwonokia atagîtwonokia kuuma kîrî mûthûûro wa Ngai!

1 ATHESARONIKE 1:10

Na ibakwîrana kinya bûra bweteereete Mwana wake ûra aariûkiirie acooka kuuma îgûrû. Mwana wake i Yiesû ûra atwonokagia mûthûûro ûra ûûyîîte wa Ngai.

AIBIRANIA 11:7

I wîtîgio bwatûmire Nuu aaka cabina îra yoonokiirie antû ba mûciî wake. Nuu neetîgiirie Ngai akûmwîra mantû matoonekanîîte mbereeni. Kuumania na wîtîgio bwake, Nuu aareganire na mantû ma nthîgûrû, aatuîka ûmwagîru kîrî Ngai n'ûntû bwa wîtîgio.

AIBIRANIA 6:18

Kwoogu Ngai eeyanire wîrane bwake na kûthiîtia aathiîtia. Mantû mama marî maîrî matiigarûka, n'ûntû Ngai atirongwaga. Na kwoogu tiû bara tûtoorookerete gwake atûrigîîria, itwîkîrîtwe wîru bûûnene. Tûgwete twarikia wîrîgîîro bûra twetwe.

1 NJOANA 3:10

Bûbu i bu tûûmba kûmenya na bu aana ba Ngai na ba Nkoma. Muntû ûra atarûthaga bûra kwagîrîte, ûra ateendaga eetîgîri bara bangî, ûyu t'wa Ngai.