MATHAYO 3:6 - Kîrîîkanîro Kîîyerû

⁶ Bara baumbûraga meeyia maao, Njoana aababaatithagîria rûûyîîni rwa muuro wa Njorondani.

MATHAYO 3:6 ပူးပေါင်းရင်းမြစ်များ

MATHAYO 3:11

Niû ndîbûbaatithia na rûûyî kwonania bûkwîrira meeyia meenu. Îndî ûra aayîîte nyuma yakwa arî îgweta nkûrûki yakwa. Niû ningwa ntiagîrîte wa kûmûkamatîra iraatû. We akaabûbaatithia na Kîrundu Ûmûtheru na mwanki.

MAARIKO 1:5

Antû baingî mûno kuuma taûni ya Njerusaremu na gûntû kûngî gûku nthîgûrû ya Njundea baaya baumbûra meeyia maao, Njoana ababaatithia muurooni wa Njorondani.

RUKA 1:16

Akaagarûra antû ba Isiraeri bacooke kîrî Mwathani Ngai wao.

RUKA 3:16

Njoana abacookeria abeera, “Niû ndîbûbaatithia na rûûyî. Îndî ûra aayîîte nyuma yakwa arî îgweta nkûrûki yakwa. Niû ningwa ntiagîrîte ûntû kinya mmûtharia ndigi cia iraatû biake. We akaabûbaatithia na Kîrundu Ûmûtheru na mwanki.

NGÛGÎ 1:5

Njoana aabaatithaniirie na rûûyî. Îndî bûkaabaatithua na Kîrundu Ûmûtheru nyuma ya ntugû inkai ciyîîte.”

NGÛGÎ 11:16

Ndaririkana mîgambo îra Mwathani aariirie auga, ‘Njoana aabaatithaniirie na rûûyî. Îndî bûkaabaatithua na Kîrundu Ûmûtheru.’

NGÛGÎ 19:18

Baingî ba bara beetîgiirie baumbûra mbere ya antû mantû maathûûku monthe mara baarûthîîte.

NGÛGÎ 22:16

Kwoogu i mbi îngî weteereete? Ûkîîra ûbaatithue na ûthambue meeyia maaku riîtwaani rîake.’

1 AKORINTHO 10:2

Bonthe baabaatithîîrue îtuuni na îriani baatuîka athingati ba Musa.

AKOROSAI 2:12

I taka bwathikanîîrue amwe na Kîrîstû kûbaatithuani kwenu na kûbaatithuani gûku bwariûkanîrua amwe n'we n'ûntû bwa gwîtîgia inya înene ya Ngai ûra aamûriûkiirie.

AIBIRANIA 6:2

ûbaatithio, kwaiganîîra njara, kûriûka kuuma kwa bara bakuû, na kûgiitîrwa îgamba.

AIBIRANIA 9:10

Maathana ma *kîrîîkanîro gîîkûrû magweteete mantû ma irio, biakûnywa na mîthemba mwanya mwanya ya kûthamba. Mama i maathana maakoneetie mantû ma mwîrî mara maabatîîrue kûthingatwa mwanka rîra Ngai aarîîkanîîre na antû kîrîîkanîro kîngî kîîyerû.

NJAKUBU 5:16

Kwoogu umbûranagîraani meeyia meenu na rombanagîraani kaingo bworua. Îromba rîa muntû ûmwagîru rîrî inya ya kûrûtha mantû maanene.

1 PETÛRÛ 3:21

Rûûyî rûru i ta ûbaatithio bûra tûkûbaatithua na bu îîndî tûkoonokua. Îndî ingî ûbaatithio i mûkûûrani na kûthamba rûko rûkathira mwîrî. Ûbaatithio bungwa i muntû kûromba Ngai na nkoro îmbega amûgarûra kuumania na kûriûka kwa Yiesû Kîrîstû.

1 NJOANA 1:9

Îndî tûkaaya kuumbûra meeyia meetû kîrî Ngai, we i mwîtîgua na wa ûmma. Agatûrekera na atûthambie maûthûûku monthe.