MATHAYO 3:17 - Kîrîîkanîro Kîîyerû

¹⁷ Kayû kauma îgûrû kauga, “Ûyû i Mwana wakwa ûra mbendeete mûno. Nankenagia mûno.”

MATHAYO 3:17 ပူးပေါင်းရင်းမြစ်များ

MATHAYO 12:18

“Ûyû i mûruti ngûgî wakwa ûra nthuurîîte, ûra mbendeete, na nankenagia. Nkamwîkîra Kîrundu wakwa, na agaatûmîîria antû batarî Ayaundi, abamenyithie mantû ma kûgiitîrwa îgamba.

MATHAYO 17:5

Petûrû akîaragia woogu, îtu rîîyerû rîaya rîabakunîka. Beegua kayû kauma ku kauga, “Ûyû i Mwana wakwa na immwendeete mûno. Nankenagia mûno, mûthikagîîrieni!”

MAARIKO 1:11

Kayû kauma îgûrû kauga, “Woû ûrî Mwana wakwa ûra mbendeete mûno. Nûnkenagia mûno.”

MAARIKO 9:7

Îtu rîaya rîabakunîka. Kayû kauma gûku îtuuni kauga, “Ûyû i Mwana wakwa na immwendeete mûno. Mûthikagîîrieni.”

RUKA 3:22

Kîrundu Ûmûtheru amwîndamîîra akari ta îcea. Kayû kauma îgûrû kauga, “Woû ûrî Mwana wakwa ûra mbendeete. Nûnkenagia mûno.”

RUKA 9:35

Beegua kayû kauma îtuuni rîru kauga, “Ûyû n'we Mwana wakwa ûra nthuurîîte. Mûthikagîîrieni!”

NJOANA 5:20

Îthe amwonagia monthe mara mongwa we wengwa arûthaga, n'ûntû namwendeete. Na atirî mbarû îîndî, akamwonia mangî maanene nkûrûki ya mama, na biû bûrigare.

NJOANA 5:37

Na kinya Baaba wengwa ûra aantûmire naankûûyîîre. Îndî tika biû bweegua bûra aaragia kana bwona bûra akari.

AEBEESO 1:6

Kwoogu îîndî ga tûkumagieni Ngai n'ûntû bwa gûtwaa kîewa gîa ûtugi, kîra aatûnenkeere kîa ûtheri gûkûrûkîîra kîrî Mwana wake ûra eendeete.

AKOROSAI 1:13

Naatûrutire inyaani ya ûra aathanaga mwinduuni atwira ûneneeni bwa Mwana wake ûra eendeete mûno.

2 PETÛRÛ 1:17

Ngai Îthe naamûtîîyire na oonania bûra arî mwago ûgana rîra kayû kaumire kîrî we, Ngai ûra arî mwago ûmûnene, kauga, “Ûyû i Mwana wakwa ûra mbendeete, nankenagia mûno.”

1 NJOANA 5:9

Itwîtîgagia ûkûûyî bûra antû beeyanaga. Îndî ûkûûyî bwa Ngai bûra eeyanaga bwa Mwana wake i bu bûnene.

KÛGWÛRÎRWA 14:2

Ndeegua kayû kaaria kuuma îgûrû. Gaakari ta mûrurumo wa muuro ûmûnene mûno, kana ta nkwa îkûruruma, kana ta mûkondo wa antû bakîringa wandîndî îra ya ndigi inyingî.