MATHAYO 3:12 - Kîrîîkanîro Kîîyerû

¹² Agwete ncûûgi na njara akîendaga kûthi rwaraani acûûga ngano ciake aiga îkûmbîîni, abîîthia maûngû na mwanki ûtakîora.”

MATHAYO 3:12 ပူးပေါင်းရင်းမြစ်များ

MATHAYO 13:30

Gaikûranie mwanka îgiita rîa maketha rîkinye. Rîakinya mbîîre akethi baakwa, “Mbere ambaani bwîthîranie nthangarî bûmîoge îgacinue mwanki, rîru bûkethe ngano bûgîîkagîra îkûmbîîni.” ’ ”

MATHAYO 13:41

Mwana wa Muntû agaatûma araîka baake kîrî antû beethîranie kîonthe kîra kîreetaga wîyia na eeyia bonthe

MATHAYO 13:42

babagere kîrûngûrûûni kîa mwanki kûra ûkeegua kûrî na kîrîro na kîeba kîînene mûno.

MATHAYO 13:43

Rîru i rîo bara baagîrîte bagaayica ûneneeni bwa Îthe ta riûa. Ûra arî na matû neegue!”

RUKA 3:16

Njoana abacookeria abeera, “Niû ndîbûbaatithia na rûûyî. Îndî ûra aayîîte nyuma yakwa arî îgweta nkûrûki yakwa. Niû ningwa ntiagîrîte ûntû kinya mmûtharia ndigi cia iraatû biake. We akaabûbaatithia na Kîrundu Ûmûtheru na mwanki.

RUKA 3:17

Nagwete ncûûgi na njara akîendaga kûthi rwaraani acûûga ngano ciake aiga îkûmbîîni, abîîthia maûngû na mwanki ûtakîora.”

NJOANA 15:2

Rwong'i rwakwa runthe rûra rûtaciaraga narutemaga, na rûra rûciaraga narutheragia kaingo rûciara nkûrûki.