MATHAYO 28:2 - Kîrîîkanîro Kîîyerû

² Warîmwe nthîgûrû yainaina na inya mûno. Mûraîka wa Mwathani eendama kuuma îgûrû, aathi aingiritia iiga rîra rîakunîkîrîte mûromo wa nthiko ya Yiesû, arîkarîra îgûrû.

MATHAYO 28:2 ပူးပေါင်းရင်းမြစ်များ

MATHAYO 27:60

aukamata authûngîria nthikooni yake eenjîîte bantû rwaraani rwa iiga. Rîru aingiritia iiga rîînene mûno aakunîkîra na rîo mûromo wa nthiko, aathi.

MATHAYO 27:66

Bakûthi baarûmîîria mûûra rûteere rwa iiga rîra rîakunîkîrîte nthiko bûra rîtategategua barega kûmenya. Baatiga acikaarî ba kûmîkaria.

NJOANA 20:1

Rûûni rûkîîrî mûno ntugû ya mbere ya kiumia, Maria Mûmagindari aathi nthikooni îra Yiesû aathikîîtwe. Oona iiga rîra rîakunîkîrîte mûromo wa nthiko rîrî rîrutarute oogo.

NGÛGÎ 16:26

Nthûti îmwe, nthîgûrû yainaina na inya mûno, mûcingi wa nceera wainaina. Na warîo mîrango yonthe yarugûka na nyororo cionthe ira agwate baathaîkîîtwe na cio ciakandûkana.

NGÛGÎ 5:19

Îndî ûtugû bûbu mûraîka wa Mwathani aaya abarugûrîra. Abeera,

1 TIMOTHEO 3:16

Na gûtarî kîûria, kîriga kîra tûgwûrîrîtwe gûkonia kîîngai i gîa kûrigaria. “Oonekanire arî na mwîrî ta wa muntû na Kîrundu Ûmûtheru oonania mara aaragia na mara aarûthaga maarî ma mma. Araîka ibaamwonaga. Na athingati baake baatûmîîria mantû maake kîrî antû ba mîgongo yonthe na eetîgua n'antû ba nthîgûrû yonthe. Aathûkua, eetithua îgûrû mwagooni.”

1 PETÛRÛ 1:12

Iroria biagwûrîîrwe bionua ngûgî îra biarutaga yarî ya kûbûguna, îtaarî ya kûbiguna birî bio. Na îgiitaani rîrî tûrî ibwîrîîtwe mantû mama i bara baabûtûmîîrie ntheto îmbega kwa inya ya Kîrundu Ûmûtheru ûra aatûmirwe kuuma îgûrû. Mantû mama i ma kûrigaria mûno. Wana araîka ba Ngai ibeendaga kûmamenya.

KÛGWÛRÎRWA 11:19

Ndoona nyomba ya Ngai gûku îgûrû yarugûrwa, kathandûkû kara kaarî na maathana gaatua kwonekana. Ndoona gwatua kwenia, ndeegua gîtuma, nkwa yatua kwaria, nthîgûrû yatua kwinaina, na gwatua kuura mbura ya maiga.