MATHAYO 27:4 - Kîrîîkanîro Kîîyerû

⁴ Abeera, “Imbîyîîtie ntûmîîte nthakame îtarî na ûthûûku îîtûûrwa.” Bamwîra, “Aabu? Ga tûkûmaka n'ûgu tiû? Înu i thîîna yaku.”

MATHAYO 27:4 ပူးပေါင်းရင်းမြစ်များ

MATHAYO 27:19

Na kaîrî akari waagu aakari ara aagiitagîra magamba, mwekûrû wake naatûmanîîte amwîra, “Menya ûûria muntû ûyu. I muntû ûmwagîru n'ûntû ûtugû indararootire kîrooto kîîthûûku n'ûntû bwake.”

MATHAYO 27:54

Mûtongoria wa njûûrî ya acikaarî na bara baarî n'we agu bakarîîtie Yiesû, bakwona nthîgûrû yainaina na bûra gwakarîkire baagwatwa i kîmako kîînene mûno. Bauga, “Na mma muntû ûyû araarî Mwana wa Ngai.”

RUKA 23:22

Rîa mathatû, Piraatû abaûria, “Ka muntû ûyû arûthîîte mabîtia marîkû? Ntikwona bûra arûthîîte bûra bûûmba gûtûma aûragwa! Kwoogu nkauga aringwe ibooko mmûrekeerie athi.”

RUKA 23:41

Rîetû tiû twagiitîrwa kûringana na bûra tûrûthîîte. Îndî we gûtirî ûthûûku arûthîîte.”

RUKA 23:47

Mûtongoria wa acikaarî akwona bûra gwakarîkire aakumia Ngai. Auga, “Na mma muntû ûyû araarî ûmwagîru!”

NJOANA 19:7

Na bo bamwîra, “Tûrî na watho buugîîte muntû ta we abuîrîîte kûûragwa, n'ûntû bwa kwîbîta Mwana wa Ngai.”

NGÛGÎ 13:28

Wana bakwaga gîtûmi kîega gîa gûtûma aûragwa, beerire Piraatû arute watho Yiesû aûragwe.

AROOMA 3:19

Itwiyî atî, ûntû bunthe bwandîke *wathooni bwaandîkirwe n'ûntû bwa bara baathagwa i watho. Na watho buugîîte mantû mamu kaingo antû bonthe batoona bwa kwîgwatia na kaingo gûtuîka kîrîndî kîa nthîgûrû kîonthe gîkaagiitîrwa îgamba i Ngai.

1 TIMOTHEO 4:2

Moorutani ta mamu maumanagia na eebwithia bara bo ngûgî yao îrî ya kwenania akî batakwîgua nkoro ciao îkîbagambithia nwa aniini.

TITO 1:16

Baugaga ibaiyî Ngai, îndî mantû mara barûthaga matigwatanagîra na ûntû bûbu. N'antû baathûûku mûno, aregi kwathîkîra Ngai na gûtirî ûntû bwega baûmba kûrûtha.

AIBIRANIA 7:26

Ûyu n'we mûthînjîri wa Ngai ûra aagîrîte kîrî tiû. I mûtheru, atirî mabîtia na atirî meeyia. N'ûmwathûrane na eeyia eetithua kûra îgûrû mûno.

1 PETÛRÛ 1:19

Aabûkûûrire na nthakame ya goro ya Kîrîstû. Kîrîstû aarî ta kagondu gatarî ûthûûku.

1 NJOANA 3:12

Tûtigaakare ta Kaini ûra wa Nkoma, ûra aûragire mûruagina. I mbi yatûmire amûûraga? N'ûntû Kaini aarûthaga ûthûûku, îndî mûruagina aarûthaga bûra kwaagîrîte.

KÛGWÛRÎRWA 11:10

Bara batûûraga nthîgûrû baakeneera ûgu mûno, na kweyana beeyana biewa n'ûntû bwa bûra akûûyî babu baabareetagîra thîîna barî mwoyo.