36 Rîru baakara nthî bamûkaria.
Îgûrû ya kîongo gîake ibaaringaringîrîte kabaaû mûtharabaani ga kwonania kîra gîatûmîîte Yiesû aambwa. Baandîkîîte, “ ûyû i yiesû, mûnene wa ayaundi.”
Mûtongoria wa njûûrî ya acikaarî na bara baarî n'we agu bakarîîtie Yiesû, bakwona nthîgûrû yainaina na bûra gwakarîkire baagwatwa i kîmako kîînene mûno. Bauga, “Na mma muntû ûyû araarî Mwana wa Ngai.”
Mûtongoria wa njûûrî ya acikaarî aarûngi agu mbere rungu rwa mûtharaba wa Yiesû. Akwona bûra Yiesû aakuyangire auga, “Na mma muntû ûyû araarî Mwana wa Ngai.”
Piraatû aarigara akwîgua Yiesû naarî agûkua. Atoonaga taka ûkîûmba kwîgua Yiesû aarî agûkua na mpwî ûgu. Eeta ûmwe wa anene ba acikaarî ûra aakarîîtie Yiesû amûûria.
