MATHAYO 27:23 - Kîrîîkanîro Kîîyerû

²³ Piraatû abaûria, “I kî? I mabîtia marîkû arûthîîte?” Îndî amwe noogu kîrîndî kîathi na mbere kûyoga nkûrûki gîkîmwîraga, “Nambwe!”

MATHAYO 27:23 ပူးပေါင်းရင်းမြစ်များ

MATHAYO 27:22

Piraatû abaûria, “Aabu n'ata bûkwenda ndûtha na Yiesû ûyû agwîtwa Kîrîstû?” Bonthe bauganîîria rîmwe bamwîra, “Nambwe!”

MATHAYO 27:24

Piraatû akwona mantû makûrema na antû ibeendaga kûreeta thîîna, aathûkia rûûyî aathamba njara mbere yao bonthe bakîonaga. Auga, “Niû ntirî na meeyia îgûrû rîa gîkuû kîa muntû ûyû. N'îgûrû rîenu!”

RUKA 23:4

Piraatû eera *athînjîri bara banene ba Ngai na kîrîndî kîra kîîngî, “Niû ntikwona mabîtia mara muntû ûyû arûthîîte.”

NGÛGÎ 13:28

Wana bakwaga gîtûmi kîega gîa gûtûma aûragwa, beerire Piraatû arute watho Yiesû aûragwe.

NGÛGÎ 23:10

Gîtuma kîanenea mûno. Mûnene wa acikaarî aanjîîria gûkuthûka akîonaga taka Paûrû aûmba gûtandûranua. Kwoogu aaruta watho, eera acikaarî baake bathi bamûthûkie bamûrute kîrî antû, bamûcookie kambîîni.

NGÛGÎ 7:57

Akîama baûkia gîtuma, bainga matû. Bonthe baumbuthûkania na Stibini