MATHAYO 27:2 - Kîrîîkanîro Kîîyerû

² Bamûthaîka njara baathi n'we bamwirîra Piraatû ûra aarî ngabana.

MATHAYO 27:2 ပူးပေါင်းရင်းမြစ်များ

MATHAYO 20:19

Na bakamûnenkanîra kîrî antû batarî Ayaundi bamûnyûrûnte, bamûringe ibooko, bamwambe. Îndî akaariûka ntugû ya ithatû.”

MATHAYO 28:14

Babeera, “Weegua mantû mama magaakinyîîra ngabana tûkamwoneeria wabu i bu kûrî kaingo bûtoona thîîna.”

RUKA 13:1

Kagiitaani wagaku antû bamwe ba bara baarî agu beera Yiesû mantû ma antû ba kuuma Gariiri, bara Piraatû aûragithiirie bakîrutîra Ngai kîgongwana kîao barî ara kîgongwana kîa nyamû kîarutagîrwa.

RUKA 20:20

Kwoogu atongoria baanjîîria gûcûa kaanya ga kûgwatithia Yiesû. Baatûma athigaani kûûria Yiesû biûria bia kûmûtega na bio beetuîkithîîtie n'antû baagîru. Beendaga kwîgua bûra agaacookia biûria kaingo boona bwa kûmûthitanga na bu kîrî ngabana wa Rooma, amûgwata.

RUKA 23:1

Gîkundi gîa antû bonthe bara baagambithagia Yiesû bamwira kîrî Piraatû.

RUKA 23:12

Kuuma ntugû înu, Eronde na Piraatû baatuma ûcoore n'ûntû ibaameneene mbereeni.

RUKA 3:1

Mwankaani wa îkûmi na îtaano mûnene ûra eetagwa Tiberias Kaisaria waakîathanaga, Pontio Piraatû n'we aarî ngabana wa Njundea. Eronde aarûngamîîrîîte gîteere kîa Gariiri. Na mûruagina ûra eetagwa Piripû n'we aarûngamîîrîîte gîteere gîa Îturea na gîa Turakonitis. Rûcania n'we aarûngamîîrîîte gîteere gîa Abirini.

NJOANA 18:12

Acikaarî babu barî na mûtongoria wao na aruti ngûgî ba atongoria ba Ayaundi, baagwata Yiesû bamûthaîka njara.

NJOANA 18:24

I rîo Anas augire Yiesû airwe arî mûthaîke woogû kîrî mûthînjîri ûra mûnene wa Ngai eetagwa Kayabas.

NJOANA 18:28

Gûkwereerûka, Yiesû aarutwa gwa Kayabas, airwa kambîîni ya ngabana. Ayaundi bara baamwirîîte bo bataathûngîra kambîîni, n'ûntû bakîthûngîîre kwayaga gûtuîka bakûgîa mûgiro na batikîrîa kîatho gîa *Pasaka.

NGÛGÎ 12:6

Ûtugû, mbere ya ntugû îra Eronde aabangîîte kûgiitîra Petûrû îgamba, ta wîthîre Petûrû aamaami gatîgatî ga acikaarî baîrî athaîkîîtwe na nyororo ciîrî. Na ikwarî na acikaarî bangî mûrangooni.

NGÛGÎ 21:33

Mûnene aathi ara Paûrû aarî. Aaruta watho auga agwatwe athaîkwe na nyororo ciîrî. Rîru aûria, “Muntû ûyû n'ûû na n'ata arûthîîte?”

NGÛGÎ 22:25

Bakîmûthaîka njara kaingo bamûringa ibooko, Paûrû aûria mûrûngamîîri ûmwe wa acikaarî aarûngi agu akubî n'we, “Watho ibwîtîgîîrîîtie Mûrooma aringwa ibooko atakûrî kûgiitîrwa îgamba?”

NGÛGÎ 22:29

Acikaarî bara baathiîte kûringa Paûrû ibooko bakwîgua ûgu baacooka nyuma warîru. Mûnene aamaka athaikithîîtie Paûrû na arî Mûrooma.

NGÛGÎ 24:27

Mîanka îîrî îkûthira, Pokias Bestas aatuîka ngabana bantû a Berîksi. Na n'ûntû Berîksi neendaga gûkenia Ayaundi, akîthi aatiga Paûrû waarî nceera.

NGÛGÎ 28:20

Kwoogu gîku i kîo gîtûmîîte mbwîta mbûmenyithia atî, nthaîkîîtwe na nyororo ino n'ûntû bwa wîrîgîîro bûra Aisiraeri barî na bu.”

NGÛGÎ 3:13

Ngai wa Îburaîmu, Isaka na Njakubu, ta we Ngai wa biûyûûyû bietû n'we eete Yiesû, mûruti ngûgî wake ûkumio bûbu. Na Yiesû ûyu nwa we ûra bwanenkanîîrie kîrî Piraatû, bwamûkaana wana Piraatû we wengwa akûgiita îgamba auga arekue.

NGÛGÎ 4:27

“Wabu Eronde, Pontio Piraatû, antû batarî Ayaundi, na antû ba Isiraeri beethîrana amwe aaga taûni îno baregana na mûruti ngûgî waku ûmûtheru, Yiesû, ûra wathuurire atuîka *Mesia.

NGÛGÎ 9:2

amûûria amwe baarûa ciakûmûmenyithania *sinagoogiini cia Ndamasiki. Eendaga baarûa inu kaingo oona muntû arî mûthingati wa njîra ya Mwathani naagu Ndamasiki, amûreeta Njerusaremu arî ûmûthaîke, nwîgue i mûka aarî kana i muntû mûrûme.

1 TIMOTHEO 6:13

Ngai ûra eeyaga into bionthe mwoyo na Kîrîstû Yiesû ûra eeyanire ûkûûyî bwake bwega mbere ya Pontio Piraatû, ndîkwîra bakîîgagua,

2 TIMOTHEO 2:9

Na n'ûntû bwa gûtûmîîria ntheto îmbega, i kîo gîgûtûma nnyamaara ûûgû mwanka nkathaîkwa taka kûrî watho mbunîîte. Îndî amwe na ûgu kiugo kîa Ngai gîtithaîkîka.

AIBIRANIA 13:3

Ririkanagaani bara barî nceera, taka bûrî amwe na bo ku. Na ririkanagaani bara bakûnyamaara taka bûkûnyamaara na biû.