MATHAYO 26:70 - Kîrîîkanîro Kîîyerû

⁷⁰ Îndî Petûrû aakaana mbere ya bonthe bara baarî agu. Auga, “Wana ntikûmenya bûra ûkuuga.”

MATHAYO 26:70 ပူးပေါင်းရင်းမြစ်များ

MATHAYO 26:51

Mûrutwa ûmwe wa Yiesû aatambûrûkia njara, aacomoora rûyiû aatema mûruti ngûgî ûmwe wa mûthînjîri ûra mûnene wa Ngai, amûgiita gûtû.

MATHAYO 26:56

Îndî gûtirî ûntû n'ûntû gwakarîka ûgu kaingo Maandîko mara maandîkîîtwe n'iroria maûyûra.” Arutwa baake bonthe bamûtoorooka, baugia rwîro.

MATHAYO 26:58

Petûrû amûthingata arî gataaria mwanka baakinya. Aathûngîra aakara nthî amwe na aruti ngûgî eeteera oona bûra gûgaakara.

MATHAYO 26:69

Petûrû akari ome kîaragooni, mwarî ûmwe mûruti ngûgî wa mûthînjîri ûyu amwona. Aathi akubî n'we auga, “Wana woû ibûkûrî na Yiesû ûra wa kuuma Gariiri.”

MATHAYO 26:71

Petûrû aûkîîra aathi mwîrîgaani wa kîarago, eethîra antû bangî oogo. Mwarî ûngî tatiga ûyu wa mbere amwona. Eera bara baarûngi agu, “Muntû ûyû ibakûrî na Yiesû wa Nasareethi.”

RUKA 22:57

Îndî Petûrû aakaana auga, “We, mûka, niû wana ntimwiyî.”

AROOMA 11:20

Bûbu n'ûmma. Mpong'i inu ciatemirwe n'ûntû bwa kûrega gwîtîgia. Ûrikîîtue kîrî mûceituuni ûyu n'ûntû bwa wîtîgio bwaku. Kwoogu ûtigeekumie, ûbatîîrue ûkaraga wînyiîtie.

1 AKORINTHO 10:12

Kwoogu, ûra akûthûgaania narikîîte wîtîgioni abatîîrue eemenyeera atikaaye kûthûngîra wîyiani.

KÛGWÛRÎRWA 21:8

Îndî iguaya, bara batarî wîtîgio, bara barûthaga mantû mara mataankenagia, aûragani, bara barutaga ngûgî cia ûmaramari, arogi, bara bagongaga ngai cia ûrongo, na bara bonthe baaragia ûrongo, babu bonthe bakaagerwa îriani rîra rîa mwanki wa ûbiriti, ta rîo îkua rîa maîrî.”