MATHAYO 26:53 - Kîrîîkanîro Kîîyerû

⁵³ Nûkûthûgaania nkîendire ntigîîta Baaba ûra arî îgûrû nkamwîra aandeetere njûûrî nkûrûki ya îkûmi na ciîrî cia araîka na akandeetera?

MATHAYO 26:53 ပူးပေါင်းရင်းမြစ်များ

MATHAYO 25:31

Yiesû eera arutwa baake, “Rîra Mwana wa Muntû akaaya arî na mwago wake wa ûnene na arî na araîka bonthe, akaaya akare nthî gîtîîni gîake kîa ûnene.

MATHAYO 4:11

Nkoma yarekana n'we yathi. Araîka baaya bapa Yiesû ûteethio.

MAARIKO 5:15

Bakûthi kîrî Yiesû kwîbonera, beethîra muntû ûyu aatûûraga arî na mbûûtû ya irundu biithûûku akari nthî, eekîrîte nguo, na kîongo gîake gîtarî ûntû. Baatua kwîgua ûguaya.

MAARIKO 5:9

Yiesû amûûria, “Wîtagwa ata?” Muntû ûyu amwîra, “Mbîtagwa ‘Mbûûtû,’ n'ûntû ntirî ninka tûrî mûkondo.”

RUKA 8:30

Yiesû amûûria, “Wîtagwa ata?” Muntû ûyu amwîra, “Mbîtagwa Mbûûtû.” Aarî na irundu mûkondo.

NJOANA 10:18

Gûtirî we agûntunya uu, i niû nkwenda ningwa. Ndî na watho bwa kuunenkanîra na nkauthûkia kaîrî. I Baaba aambîrîîte ndûthe ûgu.”

NJOANA 18:36

Yiesû eera Piraatû, “Niû ntirî mûnene wa gûkû nthîgûrû. Ûkeegua ndî we, athingati baakwa bakîrûa boona nkîgwatwa n'Ayaundi. Îndî îîndî na rîo, niû ntirî mûnene wa gûkû nthîgûrû.”

2 ATHESARONIKE 1:7

Biû bûkûnyamaarua, Ngai agîtûnogokia akabûnogokia na biû, rîra Mwathani Yiesû akaaya kuuma îgûrû arî na araîka baake barî inya.

NJUNDA 1:14

Enoki, kîûyûûyû gîetû kîa mûgwanja kuuma kîrî Andamu, naaroreetie mantû ma antû baba rîra augire, “Thikîîriani! Mwathani akaaya na atheru baake ngiri itatarîka