MATHAYO 26:38 - Kîrîîkanîro Kîîyerû

³⁸ Abeera, “Inkwîgua ndî na kîeba mûno nkorooni yakwa akubî kinya kîmbûraga. Karagaani aaga na bûtikaamaame.”

MATHAYO 26:38 ပူးပေါင်းရင်းမြစ်များ

MATHAYO 25:13

Yiesû aarîîkia na kwîra arutwa baake, “Kwoogu rîonthe karagaani bwîmenyeereete n'ûntû bûtiiyî ntugû kana îthaa rîra Mwana wa Muntû akaaya.”

MAARIKO 14:34

Eera Petûrû, Njakubu na Njoana, “Nkorooni yakwa inkwîgua ndî na kwîthikîîra kûûnene mûno. Ndîîgua taka gûkaambûraga. Karagaani aaga na bûtikaamaame.”

NJOANA 12:27

Yiesû auga, “Inkwîgua ngîtangîka mûno nkorooni yakwa, îndî mbuge ata? Mbuge, ‘Baaba nduta kînyamaaraani gîkî kîîyîîte kagiitaani gaka’? Îndî na rîo gîkî i kîo gîtûmi kîra gîatûmire mbûya nthîgûrû. Ndaayire n'ûntû bwa kagiita gaka.

AROOMA 8:32

Ûkoona Ngai ataarega na Mwana wake aamûrutire arî kîgongwana gîetû twinthe, twa bira bingî bionthe atagîtwa ûtheri amwe na Kîrîstû.

2 AKORINTHO 5:21

Kîrîstû ataarî na meeyia. Îndî Ngai aamûtuîkithiirie kîgongwana kîa meeyia n'ûntû bwetû kaingo ndeni yake twîgua tûrî baagîru kîrî Ngai.

AGARATIA 3:13

Îndî kinya ûkeegua watho ibwatûreeteere kîrumi, Kîrîstû naatûthambiirie kîrumi gîku rîra aarumirwe arî we bantû eetû. Maandîko marîtwîra ûûgû, “Muntû wonthe ûra acuuragua mûtîîni n'ûmûrume i Ngai.”

1 PETÛRÛ 2:24

Kîrîstû naathûkiirie meeyia meetû na mwîrî wake arî we rîra aakuire mûtharabaani kaingo tûkua kîrî meeyia, tûtûûra tûkîrûthaga mantû mara maagîrîte. Bworeetue kuumania na gûtonyangwa kûra Kîrîstû aatonyangirwe.

1 PETÛRÛ 3:18

Kinya Kîrîstû naanyamaariirue aakua rîmwe na rîa mûthia n'ûntû bwa meeyia meetû. Muntû ûmwagîru aakua n'ûntû bwa antû batarî baagîru kaingo abûreeta kîrî Ngai. Aûragirwe arî mwîrîîni wa kîîwîthîre aariûkua arî na mwîrî wa gîîkîrundu.

1 PETÛRÛ 4:7

Mûthia wa mantû monthe ûkûthengeera. Kwoogu menyagîîraani meeciiria meenu. Karagaani bûkîthûgaanagia bwega kaingo bûûmba kûromba Ngai.