MATHAYO 26:37 - Kîrîîkanîro Kîîyerû

³⁷ Yiesû aathûkia Petûrû na aana bara baîrî ba Cabendi aathi na bo. Yiesû aagwatwa i kîeba na kîîthikîîro.

MATHAYO 26:37 ပူးပေါင်းရင်းမြစ်များ

MATHAYO 17:1

Nyuma ya ntugû ithanthatû Yiesû aathûkia Petûrû, Njakubu, na mûruagina Njoana, abatongoreeria baathi baatwa kîrîmaani kîîraaya mûno. Na baarî gûku bonka.

MATHAYO 20:20

Mwekûrû wa Cabendi aathi kîrî Yiesû arî na aana baake baîrî. Aaturîria Yiesû maru akîenda amûrûthîra ûntû.

MATHAYO 4:18

Yiesû atambîîte na rûteere rwa îria rîa Gariiri oona ategi ba makûyû baîrî bakîamba neeti ciao bagwata makûyû. Baarî Simioni, ûra kaîrî eetagwa Petûrû, na mûruagina Enderea.

MATHAYO 4:21

Yiesû akûthiyathiyanga mbere, eethîra antû bangî baîrî. Wana bo baarî muntû na mûruagina. Baarî Njakubu na Njoana. Îthe eetagwa Cabendi. Baarî îtarûûni na îthe bagîtumaga neeti ciao. Yiesû abeeta.

MAARIKO 5:37

Yiesû ateetîgîîria kûthiyania na muntû ûngî, tatiga Petûrû, Njakubu, na mûruagina Njoana.

RUKA 22:44

Yiesû naarî na kîeba mûno. Aathi na mbere kûromba Ngai mûno îrûngû rîgîîtîgaga ta bûra nthanta cia nthakame iruaga.]

NJOANA 12:27

Yiesû auga, “Inkwîgua ngîtangîka mûno nkorooni yakwa, îndî mbuge ata? Mbuge, ‘Baaba nduta kînyamaaraani gîkî kîîyîîte kagiitaani gaka’? Îndî na rîo gîkî i kîo gîtûmi kîra gîatûmire mbûya nthîgûrû. Ndaayire n'ûntû bwa kagiita gaka.