MATHAYO 25:41 - Kîrîîkanîro Kîîyerû

⁴¹ “Rîru mûnene acooke eere bara na bo ûkeegua barî bwa ûmotho, ‘Biû bûrî baarume! Umaani aaga ndî bûthi mwankiini ûra ûtooraga rî kana rî, ûra Nkoma na araîka baake bathuuranîrîtwe.

MATHAYO 25:41 ပူးပေါင်းရင်းမြစ်များ

MATHAYO 13:40

“Wata bûra nthangarî îîthîranagua îkabîîthua, i ta bu ûkeegua gûkari kîrî bara barî ba ûra mûûî, Nkoma, rîra kagiita ka mûthiro wa nthîgûrû gagaakinya.

MATHAYO 13:42

babagere kîrûngûrûûni kîa mwanki kûra ûkeegua kûrî na kîrîro na kîeba kîînene mûno.

MATHAYO 13:50

Bara bataagîrîte bagerwe kîrûngûrûûni kîa mwanki kûra ûkeegua kûrî na kîrîro na kîeba kîînene mûno.”

MATHAYO 18:8

Weegua i njara yaku kana kûgûrû gwaku gûgûtûma wîyia, giita ûte! I kaaba ûkathi mwoyooni wa tene na tene ûrî na njara îmwe kana ûrî na kûgûrû kûmwe, nkûrûki ya ûkara ûrî na njara irî ciîrî kana magûrû marî maîrî na mûthiani ûgerwa mwankiini ûra ûtooraga rî kana rî.

MATHAYO 25:42

Ndarî na yûûra na bûtangaagûra. Ndarî na bûûta na bûtankundia rûûyî.

MATHAYO 25:46

“Bakaathi îkaanûkiani rîtakîthira rî kana rî, îndî bara baagîru bakaathi mwoyooni wa tene na tene.”

MATHAYO 3:12

Agwete ncûûgi na njara akîendaga kûthi rwaraani acûûga ngano ciake aiga îkûmbîîni, abîîthia maûngû na mwanki ûtakîora.”

MATHAYO 4:10

Îgûkinyia agu Yiesû amîîra, “Tigana naani, Saitaani, n'ûntû kwandîkîîtwe Maandîkooni Maatheru, ‘Ûtikaagonge kana ûtûmîkîra ûngî, tatiga Mwathani Ngai waku wenka.’ ”

MATHAYO 5:22

Îndî naani ga nkûbwîra, ûra akaathûûrîra ûra ûngî nakagambithua. Na ûra akeera ûra ûngî ‘Ûrî wa ûtheri!’, arî na îgamba na kîama. Na ûra ageeta ûra ûngî, ‘Kîaa gîkî!’, nakaathi îcamaarîro.

MATHAYO 7:23

Naani nkaabeera ntakûbaitha, ‘Umaani aaga ndî, ntibwiyî, eeyia baba.’ ”

RUKA 13:27

“Mwene mûciî akaabwîngatia abwîre, ‘Ntibwiyî. Umaani aaga ndî eeyia baba.’

RUKA 16:24

Gîtonga gietana kîauga, ‘Itû aba, Îburaîmu baaba, mbîgua kîao! Tûma Racaarû ûmwîre atombeke mûthia wa kaara gaake rûûyîîni aaye aandurie rûrîmî, n'ûntû nkwinya i kîrîrîmbî gîkî.’

NJOANA 8:44

Biû bûrî ba abaagu, Nkoma. Bwendaga kûrûtha mantû wamara abaagu eendaga kûrûtha. Atûîre arî mûûragani kuuma wo tene, na gûtirî rîo aaria ûmma, n'ûntû ûmma bûtirî ndeni yake. Na rîra aaragia ûrongo, aaragia kûringana na bûra akari, n'ûntû we i mûûrongo, na n'we kaumo ka ûrongo bunthe.

2 ATHESARONIKE 1:7

Biû bûkûnyamaarua, Ngai agîtûnogokia akabûnogokia na biû, rîra Mwathani Yiesû akaaya kuuma îgûrû arî na araîka baake barî inya.

2 ATHESARONIKE 1:9

Na îkaanûkia rîra akaabaa ûkeegua rîrî kûbeenyangia kûrû, abaathûre baume ara Mwathani arî, ara inya yake îra îrî mwago îrî.

AIBIRANIA 6:8

Na kûrî antû bangî na bo bakari ta gûntû kûra kuumaga mîîgua na nkamba. Gûku i gûntû kwa ûtheri. Ku kûrî ûgwatiini bwa kûrîrîkwa i Ngai, na mûthiani i gûkaabîîthua.

2 PETÛRÛ 2:4

Rîra araîka beeyiirie Ngai ataabacaamîra. Aabaingîîre îcamaarîro. Na gûku i ku bakaraga bathaîkîîtwe na nyororo mwinduuni beeteereete ntugû ya kûgiitîrwa îgamba.

1 NJOANA 3:10

Bûbu i bu tûûmba kûmenya na bu aana ba Ngai na ba Nkoma. Muntû ûra atarûthaga bûra kwagîrîte, ûra ateendaga eetîgîri bara bangî, ûyu t'wa Ngai.