MATHAYO 25:34 - Kîrîîkanîro Kîîyerû

³⁴ “Rîru eere bara ûkeegua barî bwa ûrîo, ‘Ncûûni, biû Baaba athaarimîîte bûthûkie ûnene bûra aabûthuuranîîre bûrî rûgai rwenu kuuma wo nthîgûrû îkûûmbwa.

MATHAYO 25:34 ပူးပေါင်းရင်းမြစ်များ

MATHAYO 13:35

Na wabu ûroria bûra kîroria kîaroriirie bwaûyûra, rîra kîaugire, “Nkaaragia na bo ngîtûmagîra ngerekano. Nkaagwetaga mantû mara mataiyîkeene kuuma nthîgûrû yaûmbirwe.”

MATHAYO 19:29

Na muntû wonthe ûra atigîîte mûciî wake, kana aruagina, kana aaragina, kana îthe, kana gina, kana twana, kana mûnda n'ûntû bwakwa akoona wega maita îgana, na akoona mwoyo wa tene na tene.

MATHAYO 20:23

Yiesû abeera, “Gîkombe kîra nkaanyua bûgakînyua, îndî ti niû mbagîrîtwe nthuura mbuga i ngania agaakara rûteere rwakwa rwa ûrîo kana rwa ûmotho. Naagu kûthuuranîrîtwe gûkarwa i bara Baaba ataarîîte.”

MATHAYO 21:5

“Îra antû ba taûni ya Cayûni, ‘Cûûba bwone mûnene wenu aayîîte. Neendeete ûkiri na akamatîîtwe n'îng'ooi, gatigiri, kayaû ka îng'ooi.’ ”

MATHAYO 25:21

“Mûnene wake amwîra, ‘I bwega mûno, mûrutî ngûgî mwîtîgua! N'ûntû ûgûtuîka mwîtîgua na biikai, ngakwaa biingî. Ncû ûkeneere na woû ngîkeneera.’

MATHAYO 25:23

“Mûnene wake amwîra, ‘I bwega mûno, mûruti ngûgî mwîtîgua! N'ûntû ûgûtuîka mwîtîgua na biikai, ngakwaa biingî. Ncû ûkeneere na woû ngîkenera.’

MATHAYO 25:40

“Mûnene akaabeera, ‘Na mma ga nkûbwîra, ûntû bunthe bwarûthîra wakîra ûmwe wa antû baakwa bara beegagua bakîenda ûteethio i ta niû bwarûthagîra.’

MATHAYO 25:41

“Rîru mûnene acooke eere bara na bo ûkeegua barî bwa ûmotho, ‘Biû bûrî baarume! Umaani aaga ndî bûthi mwankiini ûra ûtooraga rî kana rî, ûra Nkoma na araîka baake bathuuranîrîtwe.

MATHAYO 27:37

Îgûrû ya kîongo gîake ibaaringaringîrîte kabaaû mûtharabaani ga kwonania kîra gîatûmîîte Yiesû aambwa. Baandîkîîte, “ ûyû i yiesû, mûnene wa ayaundi.”

MATHAYO 3:2

Augaga, “Îrireeni meeyia meenu n'ûntû ûnene bwa îgûrû bûkûthengeera.”

MATHAYO 5:19

Kwoogu muntû ûra aunaga watho bûra bûniini na akarutana bara bangî kûrûtha ta we, agaatuîka ûmûniini ûneneeni bwa îgûrû. Îndî ûra aathîkagîra na akarutana bara bangî gûtuîka aathîki agaatuîka mûnene ûneneeni bwa îgûrû.

MAARIKO 10:17

Kagiita kamwe Yiesû athiîte, muntû ûmwe aaya kîrî we na rwîro amûturîria maru amwîra, “Mwarimû ûmwega, n'ata ndûtha nkathi mwoyooni wa tene na tene?”

MAARIKO 10:40

Îndî ti niû mbagîrîtwe nthuura mbuga i ng'ania agaakara rûteere rwakwa rwa ûrîo kana rwa ûmotho. Naagu kûthuuranîrîtwe gûkarwa i bara Ngai ataarîîte.”

RUKA 11:28

Yiesû amwîra, “Bu nwa bu kûrî, îndî i bathaarime nkûrûki bara beegagua kiugo kîa Ngai bagakîathîkîra!”

RUKA 11:50

Na nthuke îno îkaarandûkwa nthakame ya iroria bionthe îra yeetûûrirwe kuuma kîambîrîria kîa nthîgûrû,

RUKA 12:32

“Biû, eendwa baakwa baakai, bûtigaakuthûke n'ûntû Abaagu ûra arî îgûrû nagûkeneera kûbwaa ûnene bûbû.

RUKA 19:38

Baugaga, “N'ûmûthaarime mûnene ûra aayîîte kwa riîtwa rîa Mwathani! Ûkiri ibwîgue bûrî îgûrû na ûkumio kîrî Ngai!”

NJOANA 1:49

Nathanieri amwîra, “Rabai, woû ûrî Mwana wa Ngai na i woû Mûnene wa Isiraeri!”

NJOANA 12:13

gîakamata nkîndû kîathi kûmûthagaana gîkiugagîîria na inya gîkauga, “Ocana! N'ûmûthaarime ûra aayîîte kwa riîtwa rîa Mwathani! N'ûmûthaarime ûra akaathana Isiraeri!”

NJOANA 17:24

“Baaba, ndîkûromba ûtûma baba ûmpete beegua barî naani ara ûkeegua ndî, kaingo boona mwago ûra mbonaga, mwago ûra wampeere. Wampeere uu n'ûntû wambendire mbere ya ûûmba nthîgûrû.

NJOANA 19:15

Antû bamuugîîria na inya bamwîra, “Naûragwe! Naûragwe! Mwambe!” Piraatû abaûria, “Ka bûkwenda mbamba mûnene wenu?” Athînjîri ba Ngai bara banene, bamwîra, “Gûtirî mûnene ûngî twiyî tatiga Kaisaarî wenka!”

NGÛGÎ 15:18

amamenyithania kuuma wo tene.’ ”

NGÛGÎ 3:26

Ngai agûtûma mûruti ngûgî wake, aamûtûmire kîrî biû mbere kaingo abûthaarima atûma woora ûmwe wacienu agarûka arekana na mantû maathûûku mara arûthaga.”

AROOMA 8:17

Na woona tûrî aana baake agatwa rûgai rwa ithaarimo bira atwaigîrîte. Bionthe bira Ngai eete Kîrîstû bigaatuîka bietû na tiû. Îndî weegua wana tiû tûkaagîa mwago ta wake, nwa mwanka tûnyamaarue ta bûra Kîrîstû aanyamaariirue.

1 AKORINTHO 15:50

Ga nkûbwîra, aruayia na aarayia, mîîrî îno ya nyama na nthakame îtithi ûneneeni bwa Ngai. Na gîntû kîoraga gîtigîa mwoyo ûra ûtathiraga.

1 AKORINTHO 2:9

Îndî na rîo wata bûra kwandîkirwe *Maandîkooni Maatheru, “Gûtirî muntû oona, gûtirî muntû eegua, na gûtirî muntû aaromenya kîra Ngai aathuuranîrîte bara bamwendeete.”

1 AKORINTHO 6:9

Ka bûtaiyî bara barûthaga mantû mataagîrîte batiewa rûgai rwa ûnene bwa Ngai? Bûtikeebenie. Gûtirî we kîrî bara barûthaga mantû mama akeewa rûgai rwa ûnene bwa Ngai—mûmaramari, mûrombi ngai cia ûrongo, mûthûngîîri, ûra amaamaga na antû arûme ta we, mwamba, mwîrirîîria, mûtogooni, ûra aatuuyagîîra ûra ûngî, na mûtunyani.

AGARATIA 5:21

kwîrirîîria, ntogoona, biatho bitaagîrîte, na mantû mangî ta mamu. Ka mbûkaanieni kaîrî wata bûra mbûkaanîîtie na tene ndabwîra atî, antû bara barûthaga mantû ta mamu batiewa rûgai ûneneeni bwa Ngai.

AEBEESO 5:5

Menyaani bwega gûtirî we akaathi ûneneeni bwa Kîrîstû na Ngai arî mûmaramari, kana arûthaga mantû mataagîrîte, kana arî mwîrirîîria (n'ûntû wîrirîîria bûthûkagia kaanya ka Ngai).

1 ATHESARONIKE 2:12

Twabwîkagîra wîru na tûkabûûmîîria tûkabwîra bwîgue bûrî ba mîkarîre ya gûtîîya Ngai ûra abwîtîîte ûneneeni bwake, ta ku mwagooni wake.

2 TIMOTHEO 2:12

Weegua tûkaathi na mbere na kûûmîîria, tûkaathana amwe n'we. Twauga tûtimwiyî, wana we akauga atitwiyî.

2 TIMOTHEO 4:8

Îîndi kîewa kîa nthûmbî ya ûnene, nthûmbî ya wagîru, ikîmbeteereete n'ûntû bwa kûûmbana. I kîo kîewa kîra nkeewa i Mwathani, Mûgambithania ûmwagîru rîra ntugû îgaakinya. Ti ninka akaa kîewa gîku. Akaa wana bara bangî bonthe bamweteereete na wîrû acooka.

AIBIRANIA 1:14

Kwoogu araîka i ba ûû? Bo n'irundu bira Ngai atûmaga birî aruti ngûgî, biteethia bara akaa rûgai rwa wonokio.

AIBIRANIA 11:16

Îndî baarî na bata na nthîgûrû îîngî îmbega, nthîgûrû ya îgûrû. Kwoogu Ngai atibeegagua îgi bamwîta Ngai wao, n'ûntû nabathuuranîrîte ntûûra yao.

AIBIRANIA 4:3

Tiû bara tûmîîtîgîîtie twaûmba kûthi bantû agu a kûnogoka. Îndî îgûrû rîa antû babu, Ngai augîîte, “Nkûthûûra ndathiîtia ndauga, ‘Batikooro bakinya kûra mbathuuranîrîte kûrî kînogoko kîao.’ ” Ngai naugire ûgu wana weegua kînogoko gîku kîathuuranîîrwe kuuma wo rîra nthîgûrû yaûmbirwe.

AIBIRANIA 9:26

Ûkeegua Kîrîstû aakari ta we, kuuma rîra nthîgûrû yaûmbirwe nwa mwanka akîanyamaara maita maingî mûno. Kîrîstû we aayire îgiita rîrî tûrî rîra rîengeerie kûthira, kaingo eeruta rîmwe na gûtarî kaîrî, kûthiria meeyia.

NJAKUBU 2:5

Nthikîîriani, eendwa, aruayia na aarayia. Ngai aathuurire nkîa ituîka itonga n'ûntû bwa wîtîgio bûra irî, kaingo ithûkia rûgai rwa ûnene bûra Ngai eeyanire wîrane kîrî bara bamwendeete.

1 PETÛRÛ 1:9

Na mûthiani maumithio mara bûkoona n'ûntû bwa gwîtîgia Yiesû Kîrîstû i wonokio bwa mîoyo yenu.

1 PETÛRÛ 3:9

Bwarûthîrwa ûthûûku bûtikaarîithie. Bwarumwa bûtikaarume bara babûruma. Bûbatîîrue bûthaarimaga bara bakaabûrûthagîra mantû ta mamu. Menyaani atî, bweetirwe i Ngai bûrûthaga ûgu kaingo bûthaarimwa,

KÛGWÛRÎRWA 13:8

Antû bonthe bamîgonga bara baatûîre nthîgûrû, bara mariîtwa maao mataandîkwa îbukuuni rîa mwoyo mbere ya nthîgûrû yûmbwa. Îbuku rîru rîa mwoyo, i rîra rîa Kagondu kara kaûragirwe.

KÛGWÛRÎRWA 17:8

Nyamû îno nîarî mwoyo, îndî îtirî mwoyo îîndî. Îkaarîûka yume îrinyaani rîra rîorokeru mûno. Yariûka, bara batûîre nthîgûrû, bara mariîtwa maao mataandîkwa îbukuuni rîa mwoyo mbere ya kûûmbwa kwa nthîgûrû bakaarigara bamîona. Îndî îkaathirua.

KÛGWÛRÎRWA 19:16

Aandîkîîtwe nguoni na kîerooni, ‘Mûnene wa anene na Mwathani wa aathani.’

KÛGWÛRÎRWA 21:7

ûra akaûmbana. Ngaatuîka Ngai wake n'we atuîke mwana wakwa.

KÛGWÛRÎRWA 5:10

Ûtûtuîkithîîtie antû ba ûnene bwaku, tûrî athînjîri baaku, tûkaathana nthîgûrû.”