MATHAYO 25:31 - Kîrîîkanîro Kîîyerû

³¹ Yiesû eera arutwa baake, “Rîra Mwana wa Muntû akaaya arî na mwago wake wa ûnene na arî na araîka bonthe, akaaya akare nthî gîtîîni gîake kîa ûnene.

MATHAYO 25:31 ပူးပေါင်းရင်းမြစ်များ

MATHAYO 16:27

“Mwana wa Muntû arî akubî kûûya na araîka baake arî na mwago wa Îthe. Eengeerie kûûya atuîre woora muntû kûringana na ngûgî yake îra arûthîîte.

MATHAYO 19:28

Yiesû abeera, “Na mma ga nkûbwîra, rîra Mwana wa Muntû agaakarîra gîtî kîa ûnene mwagooni wa nthîgûrû înjerû, wana biû arutwa baakwa bûgaakarîra itî bia ûnene bûgiitîre îgamba mîîrîga ya Isiraeri îrî îkûmi na îîrî.

MATHAYO 25:6

“Ûtugû gatî kanene kwaugîîrua na inya kweerwa, ‘Yîî, n'ûyu mûgûrani aayîîte! Mûthagaaneeni.’

MATHAYO 26:64

Yiesû amwîra, “Ûkuuga. Na ga nkûbwîra bûkoona Mwana wa Muntû akari rûteere rwa ûrîo rwa ûra arî inya. Na bûkoona aayîîte na matu kuuma îgûrû!”

MAARIKO 14:62

Yiesû auga, “Yîî, i niû. Na îgiita rîkaaya bûkoona Mwana wa Muntû akari rûteere rwa ûrîo rwa Ngai, mwene inya. Na bûkoona aayîîte na matu, kuuma îgûrû!”

MAARIKO 8:38

“Ûra akambîgua îgi kana eegue ûrutani bwakwa îgi rûciarooni rûrû rwa ûthûngîîri, rwa meeyia, Mwana wa Muntû nakaamwîgua îgi rîra akaaya na araîka baatheru, arî na mwago wa Îthe.”

RUKA 22:69

Na kuuma îîndî, Mwana wa Muntû agaakara nthîgûrû rûteere rwa ûrîo rwa Ngai, mwene inya.”

RUKA 9:26

“Ûra akambîgua îgi kana eegue ûrutani bwakwa îgi, Mwana wa Muntû nakaamwîgua îgi rîra akaaya na araîka baatheru arî na mwago wa Îthe.

NJOANA 1:51

Yiesû abeera, “Na mma ga nkûbwîra, bûkoona îgûrû rîarugûka, na araîka ba Ngai bakîîndamaga na bagîîtagîîria gûkûrûkîîra kîrî Mwana wa Muntû.”

NGÛGÎ 1:11

Araîka babu baaria na bo. Babeera, “Antû ba Gariiri, n'ata bûkûrûtha aaga bûkari bûkûnîîrîîte îgûrû meetho? Yiesû wooyu bwona aathûkua kuuma kîrî biû eetitithua îgûrû akaaya kaîrî na njîra ta înu bwona eetia n'yo.”

1 ATHESARONIKE 3:13

Inkûromba nkoro cienu ciîgue irikîîte, irî intheru, na itarî na mabîtia nwa aniini meethooni ma Ngai Baaba, rîra Mwathani wetû Yiesû Kîrîstû akaaya na atheru baake bonthe.

1 ATHESARONIKE 4:16

Rîra Mwathani akaaya kuuma îgûrû gûkeeguîka kayû ga kûruta watho, kayû ka mûraîka ûra mûnene, na ga karumbeeta ka Ngai. Na ûntû bwa mbere, i bara baakuire beetîgîîtie Kîrîstû bakaariûka.

AIBIRANIA 1:8

Îndî îgûrû rîa Mwana, Ngai augîîte, “Wathani bwaku, woû Ngai, bûtikooro bûthira rî kana rî. Wathanaga ûgîtûmagîra ûmma.

AIBIRANIA 9:28

i ta bu Kîrîstû aakuire rîmwe arî kîgongwana gîa kûthiria meeyia ma antû baingî. Na akaaya rîa maîrî, îndî tika akeegua aayîîte kwîruta n'ûntû bwa meeyia. Akeegua areeterete bara bamweteereete wonokio.

NJUNDA 1:14

Enoki, kîûyûûyû gîetû kîa mûgwanja kuuma kîrî Andamu, naaroreetie mantû ma antû baba rîra augire, “Thikîîriani! Mwathani akaaya na atheru baake ngiri itatarîka

KÛGWÛRÎRWA 1:7

Ga nkûbwîra, Yiesû naayîîte na matu, na gûtirî we atakîmwona. Wana bara baamûûragire bakamwona akîîya. Antû ba mîgongo yonthe ya nthîgûrû bakamûrîrîra. Na ûgu i bu gûgaakara! Aameni.

KÛGWÛRÎRWA 20:11

Ndacooka ndoona gîtî kîa ûnene. Kîarî gîtî kîînene, kîîyerû. Na ikwarî na ûra aagîkarîrîte. Îgûrû na nthîgûrû bitoonwa kaîrî.

KÛGWÛRÎRWA 3:21

“Ûra akaûmbana agaakaranîîra naani gîtîîni gîakwa kîa ûnene, ta bûra na niû ndakaranîîre na Baaba gîtîîni gîake kîa ûnene nkûûmbana.