MATHAYO 25:10 - Kîrîîkanîro Kîîyerû

¹⁰ “Aarî babu bakûthi kûgûra, mûgûrani aaya baathi wikiini na bara baarî oogo. Bakûthûngîra kûra kîatho kîathuuranîrîtwe, mûrango waingwa.

MATHAYO 25:10 ပူးပေါင်းရင်းမြစ်များ

MATHAYO 24:42

“Kwoogu îmenyeereeni n'ûntû bûtiiyî i rî Mwathani akaaya.

MATHAYO 24:43

Na bûmenye ûkeegua mwene mûciî namenyaga rîra mwamba akaaya nakaria nyomba yake atikaiywe.

MATHAYO 24:44

Kwoogu, biû karagaani bwîthuuranîrîte n'ûntû Mwana wa Muntû akaaya rîra bûtakûmwîrîgîîra.”

MATHAYO 25:6

“Ûtugû gatî kanene kwaugîîrua na inya kweerwa, ‘Yîî, n'ûyu mûgûrani aayîîte! Mûthagaaneeni.’

MATHAYO 7:21

Yiesû auga, “Ti muntû wonthe ûra ambîtaga ‘Mwathani, Mwathani,’ akaathi ûneneeni bwa îgûrû nwanga ûra arûthaga bûra Baaba ûra arî îgûrû eendaga kûrûthwa.

RUKA 12:35

Yiesû auga, “Karagaani bwîthuuranîrîte na bûmuntîîtie taa cienu.

RUKA 13:25

Îgiita rîgaakinya mwene mûciî ainge mûrango. Na rîra bûkaaya bûkaarûngama nja bwanjîîrie kûringaringa mûrango bûkîmwîraga, ‘Mwathani, tûrugûrire.’ “Îndî akaabwîra, ‘Ntiyî bûra buumîîte!’

AKOROSAI 1:12

bûgîcookagia nkaatho kîrî Baaba. N'we aatûmire twona rûgai ûneneeni bwa werû bûra athuuranîrîte antû baake.

2 TIMOTHEO 4:8

Îîndi kîewa kîa nthûmbî ya ûnene, nthûmbî ya wagîru, ikîmbeteereete n'ûntû bwa kûûmbana. I kîo kîewa kîra nkeewa i Mwathani, Mûgambithania ûmwagîru rîra ntugû îgaakinya. Ti ninka akaa kîewa gîku. Akaa wana bara bangî bonthe bamweteereete na wîrû acooka.

1 PETÛRÛ 1:13

Kwoogu îthuuranîreeni mathûgaaniani meenu. Îmenyagîîreeni na gûtarî ûntû bûngî bwîgwetie îrîgagîîraani kwewa kîewa gîa ûtugi rîra Yiesû Kîrîstû akoonanua.

KÛGWÛRÎRWA 1:7

Ga nkûbwîra, Yiesû naayîîte na matu, na gûtirî we atakîmwona. Wana bara baamûûragire bakamwona akîîya. Antû ba mîgongo yonthe ya nthîgûrû bakamûrîrîra. Na ûgu i bu gûgaakara! Aameni.

KÛGWÛRÎRWA 19:7

Tûkeneeni mûno mûno na tûkumie Ngai, n'ûntû wiki bwa Kagondu bûgûkinya, na mwiki wake neethuuranîrîte.

KÛGWÛRÎRWA 22:20

Ûra augîîte mantû mama, ariuga, “Wabu, imbengeerie kûûya nthûti.” Aameni. Ncû, Mwathani Yiesû!