MATHAYO 24:7 - Kîrîîkanîro Kîîyerû

⁷ Nthîgûrû îkaarûa na îra îngî, ûnene bûrûe na bûra bûngî, mayûûra makaaya na nthîgûrû îkainaina gûntû na gûntû.

MATHAYO 24:7 ပူးပေါင်းရင်းမြစ်များ

RUKA 21:11

Nthîgûrû îkainaina mûno, mayûûra makeegua marî gûntû na gûntû, na ûkeegua kûrî na ndwari inthûûku. Ûkeegua kûrî na mantû maingî ma kûmakania na magegania ma kûrigaria makoonekana kuuma îgûrû.

NGÛGÎ 11:28

Ûmwe wa iroria bibu eetagwa Agabas, aarûngama. Kwa inya ya Kîrundu Ûmûtheru aaroria auga yûûra rîînene mûno rîkaaya nthîgûrû yonthe (na wabu yûûra rîru irîayire kagiita kara mûnene ûra eetagwa Kîraundia aathanaga Rooma).

NGÛGÎ 2:19

Nkoonania magegania îgûrû na biama nthîgûrû. Gûkeegagua kûrî na gwîtîga kwa nthakame, gwakana kwa mwanki, na kîrûngûrû gîa ntoogo.

AIBIRANIA 12:27

Mûgambo ûyu, “kaîrî,” ûrîonania kîra kîonthe kîaûmbirwe gîkainainua na kîrutarutwe oogo, kaingo bira bitainiinîka bitigwa.

KÛGWÛRÎRWA 6:12

Ndacooka ndoona Kagondu gakîrûmûra mûûra wa îthanthatû. Gakûrûmûra, nthîgûrû yainaina mûno. Riûa rîayirûa biri ta îkara, na mweri unthe watuunea tune ta nthakame.

KÛGWÛRÎRWA 6:5

Kagondu gakûrûmûra mûûra wa îthatû, ndeegua kîûmbe kîa bithatû kîauga, “Ncû!” Ngûcûûba ndoona mbaraathi înjirû na muntû amîtwete agwete thatiiri ciîrî na njara.

KÛGWÛRÎRWA 6:6

Na kuuma kîrî biûmbe bibu ndeegua gîntû ta kayû kauga, “Kathimi kaniini tu ka ngano kariuma îrîi rîa ngûgî ya ntugû yonthe. Na tûthimi tûthatû tûniini twa cayiri tûriuma îrîi rîa ngûgî ya ntugû yonthe. Ûtikeenyangie mîceituuni kana mîcabiibû!”

KÛGWÛRÎRWA 6:8

Ngûcûûba ndoona mbaraathi yarî na rangi ya rûbiti. Ûra aamîtwete eetagwa Gîkuû na ûngî eetagwa Nthiko amûrûmarûmîîte nyuma. Beewa watho îgûrû rîa antû gacuncî kamwe ka bina. Beerwe watho bwa kûûraga antû na njîra ya ndûa, mayûûra, ndwari, na nyamû cia kîthaka.