MATHAYO 24:5 - Kîrîîkanîro Kîîyerû

⁵ n'ûntû antû baingî mûno bakaaya bagîtûmagîra riîtwa rîakwa bakauga i bo Kîrîstû na bagaata antû baingî.

MATHAYO 24:5 ပူးပေါင်းရင်းမြစ်များ

MATHAYO 24:11

Gûkaumîra iroria bia ûrongo biingî bieneerie antû baingî baûre.

MATHAYO 24:24

N'ûntû Kîrîstû ba ûrongo na iroria bia ûrongo ûkeegua barî ku. Bakaaringaga biama biinene na bakoonanagia magegania kaingo weegua gûkaûmbîka beeneeria kinya bara Ngai athuurîîte.

NJOANA 5:43

Mbûyîîte ndî na watho kuuma kîrî Baaba, îndî bûtirî bata naani. Îndî muntû ûngî akaaya na bwake we wengwa, ûyu n'we wîgua bûrî bata n'we.

NJOANA 8:24

Na i ntûma nkûbwîra bûgaakua na meeyia meenu. Na weegua bûtiîtîgia ndî ûra nkûbwîra, nwa gûkua bûgaakua na meeyia meenu.”

NJOANA 8:28

Yiesû abeera, “Rîra bûgaûkîîria Mwana wa Muntû, rîru i rîo bûkaamenya ndî ûra nkûbwîra. Na atî, gûtirî ûntû ndûthaga kûringana na bûra nkwenda, mbaragia mantû mara monka Baaba aandutanîîte.

1 NJOANA 2:18

Aana baakwa, mûthiro ûrî akubî. Ibwîgîîtue mûregi Kîrîstû akaaya na îîndî ûgu aregi Kîrîstû ibaumîrîte baingî. Na gîku i kîo gîgûtûma tûmenya mûthiro ûrî akubî.

1 NJOANA 2:22

Îîndî rî, mûûrongo n'ûû? N'ûra augaga Yiesû t'we Kîrîstû. Ûyû n'we mûregi Kîrîstû ûra aregaga Ngai Baaba na Mwana wake.

1 NJOANA 4:3

Îndî kîrundu kîonthe kîra kîugaga Yiesû ataaya arî muntû, kîrundu gîku gîtiumîîte kîrî Ngai. Kîumîîte kîrî mûregi Kîrîstû ûra bwiyî akaaya, na îîndî ûûgû arî gûkû nthîgûrû.

KÛGWÛRÎRWA 13:8

Antû bonthe bamîgonga bara baatûîre nthîgûrû, bara mariîtwa maao mataandîkwa îbukuuni rîa mwoyo mbere ya nthîgûrû yûmbwa. Îbuku rîru rîa mwoyo, i rîra rîa Kagondu kara kaûragirwe.