MATHAYO 24:45 - Kîrîîkanîro Kîîyerû

⁴⁵ Yiesû aathi na mbere na kwaria. Auga, “N'ûû îîndî mûruti ngûgî mwîtîgua na ûmûûme, ûra mwene mûciî aûmba gûtigîra mûciî rîra atarî ku akarûmia bara bangî irio thaa cia kûrîa ciakinya?

MATHAYO 24:45 ပူးပေါင်းရင်းမြစ်များ

MATHAYO 10:16

Yiesû eera arûtwa baake, “Ndabûtûma bûrî ta ng'ondu gûntû kûrî ncûûgi. Kwoogu karagaani bwîmenyeereete bûrî na ûûme ta kayûgû na ûkiri ta îcea.

MATHAYO 13:52

Yiesû abeera, “Mwarimû wa watho wonthe ûra aciûkagîrwa i mantû ma ûnene bwa îgûrû i ta mwene mûciî ûra arutaga ome into biake biiyerû na biikûrû.”

MATHAYO 24:46

Mwene mûciî aacooka nakumagia mûruti ngûgî ta ûyû eethîra arutîîte ngûgî îra aamwere bwega.

MATHAYO 25:2

Bataano kîrî bo baarî baataku îndî babu bangî bataano baarî baûme.

MATHAYO 25:21

“Mûnene wake amwîra, ‘I bwega mûno, mûrutî ngûgî mwîtîgua! N'ûntû ûgûtuîka mwîtîgua na biikai, ngakwaa biingî. Ncû ûkeneere na woû ngîkeneera.’

MATHAYO 25:23

“Mûnene wake amwîra, ‘I bwega mûno, mûruti ngûgî mwîtîgua! N'ûntû ûgûtuîka mwîtîgua na biikai, ngakwaa biingî. Ncû ûkeneere na woû ngîkenera.’

MATHAYO 7:24

Yiesû auga, “Kwoogu ûra wonthe eegagua ntheto ciakwa akairûtha, akari ta muntû ûmûûme ûra aakire nyomba yake rwaraani rwa iiga.

RUKA 19:17

“Mûnene wake amwîra, ‘I bwega mûno, ûrî mûruti ngûgî ûmwega. Na n'ûntû ûgûtuîka mwîtîgua na biikai, ngûgûtuîkithia mûnene ûkaathaga taûni îkûmi, kîrî kîewa.’

NGÛGÎ 20:28

Kwoogu îmenyeereeni bwingwa na menyeeraani bara Kîrundu Ûmûtheru athuurîîte bûbacûûbîra. Rîîthiani kanica ya Ngai îra atuîkithîîtie yake na nthakame ya Mwana wake.

1 TIMOTHEO 1:12

Ingûcookeria Mwathani wetû Kîrîstû Yiesû nkaatho ûra ampete inya ya kûruta ngûgî yakwa. Ndîmûcookeria nkaatho n'ûntû bwa gûmpa ngûgî îra oonire ndî mwîtîgua kûruta na antaara mmûtûmîkîra.

2 TIMOTHEO 2:2

Îthûkia mantû mara monthe weegiirue nkîrutana mbere ya akûûyî baingî mûno, wîre mo bara wîtîgîîtie n'eetîgua, bara bakaûmba kûrutana bangî na bo.

AIBIRANIA 3:5

Musa aarî mûruti ngûgî mwîtîgua, eetîgîîtue na antû ba nyomba ya Ngai bonthe. Kwîgua naarî mwîtîgua i ku kwarî ûkûûyî bwa kwonania mîgambo îra Ngai akaaria.

KÛGWÛRÎRWA 2:13

Imbiyî bûra ara ûtûîre gûkari. Ara ûtûîre noogo Saitaani yandîîte nkunyû, îndî woû wîtîgio bwaku bûrî kîrî niû. Kinya îgiita rîra Antipas, mûkûûyî wakwa wa mma aûragîîrwe naagu, agu Saitaani îtûûraga, ûtankaana.