MATHAYO 24:31 - Kîrîîkanîro Kîîyerû

³¹ Rîra karumbeeta gakaaringwa na kayû kaanene, agaatûma araîka baake bathi nteere cionthe cia nthîgûrû beethîranie bara bathuure nthîgûrû yonthe.”

MATHAYO 24:31 ပူးပေါင်းရင်းမြစ်များ

MATHAYO 13:41

Mwana wa Muntû agaatûma araîka baake kîrî antû beethîranie kîonthe kîra kîreetaga wîyia na eeyia bonthe

MATHAYO 24:22

Ûkeegua ti bûra Mwathani akubîîtie ntugû inu, gûtirî muntû oonoka. Na aikubîîtie n'ûntû bwa bara athuurîîte.

MATHAYO 24:24

N'ûntû Kîrîstû ba ûrongo na iroria bia ûrongo ûkeegua barî ku. Bakaaringaga biama biinene na bakoonanagia magegania kaingo weegua gûkaûmbîka beeneeria kinya bara Ngai athuurîîte.

MATHAYO 24:32

Yiesû auga, “Thûkiani ngerekano ya mûkûyû bwîrutane na uu. Rîra mpong'i cia uu cianakaga mathangû makaanjîîria kûririma ibûmenyaga i thaano îrî akubî.

MATHAYO 25:31

Yiesû eera arutwa baake, “Rîra Mwana wa Muntû akaaya arî na mwago wake wa ûnene na arî na araîka bonthe, akaaya akare nthî gîtîîni gîake kîa ûnene.

MATHAYO 28:18

Rîra Yiesû aayire abeera, “Impeetwe wathani bunthe îgûrû na nthîgûrû.

MAARIKO 13:27

Atûme araîka bathi nteere cionthe cia nthîgûrû beethîranie bara bathuure nthîgûrû yonthe.”

RUKA 24:47

Na kwa riîtwa rîakwa, kwanjîîria Njerusaremu antû bonthe bagaatûmîîrua mantû ma kwîrira na kûrekerwa meeyia.

NJOANA 11:52

Na aaroragia akoona t'ûntû bwa antû ba Njundea bonka, îndî i kaingo kinya acookanîria amwe aana ba Ngai bara banyageere.

AROOMA 10:18

Ka antû bateegua? I mma bareegua n'ûntû Maandîko Maatheru maugîîte, “Kayû ga tûnyua twao ikaîguîkîîte bantû onthe nthîgûrû. Mîgambo yao nîkinyîîte gûntû kunthe.”

1 AKORINTHO 15:52

Na gûgaakarîka ûgu nthûti îmwe ta gwincia na kûrancûkia. Karumbeeta gakaaringwa bara bakuû bariûke batakîora kaîrî na twinthe tûgarûrwe.

AEBEESO 1:10

Na mûbango ûyu ûkaingîka kûrû rîra îgiita rîgaakinya rîongwa, rîra rîagîrîte. Rîru i rîo akaaringanîra biûmbe bionthe amwe ndeni ya Kîrîstû, bira birî gûkû nthîgûrû na bira birî îgûrû.

1 ATHESARONIKE 4:16

Rîra Mwathani akaaya kuuma îgûrû gûkeeguîka kayû ga kûruta watho, kayû ka mûraîka ûra mûnene, na ga karumbeeta ka Ngai. Na ûntû bwa mbere, i bara baakuire beetîgîîtie Kîrîstû bakaariûka.

2 ATHESARONIKE 2:1

Na îîndî, aruayia na aarayia, tûrî na ûntû bwa kûbwîra. Ûntû bûbû bûkoneetie gûcooka kwa Mwathani wetû Yiesû Kîrîstû na bûra tûkeethîrana amwe tûmûthagaanîîte.

AIBIRANIA 12:19

kayû ga karumbeeta na kayû gakwaria. Rîra Aisiraeri beegiirue kayû kaaria, beerekanire bauga batikwenda kwîgua mûgambo ûngî.

KÛGWÛRÎRWA 1:20

Aambîîra, “Ga nkuumbûrîre bûra nthata ino mûgwanja ûkwona irî njaraani yakwa ya ûrîo, na bûra taa ino mûgwanja cia thaabu ikwonania. Taa ino mûgwanja i makanica mûgwanja. Nthata ino mûgwanja n'araîka ba makanica mamu.”

KÛGWÛRÎRWA 11:15

Mûraîka wa mûgwanja aaringa karumbeeta gaake. Akûringa, ndeegua tûyû twagondoka gûku îgûrû, twauga, “Wathani bwa nthîgûrû îîndî i bwa Mwathani wetû na Kîrîstû mûthuure wake. Akaathana tene na tene.”

KÛGWÛRÎRWA 7:1

Nyuma ya kwona mantû mamu, ndacooka ndoona araîka bana barûngi nteere irî inya cia nthîgûrû, barigîîrîîtie ruuo rûtikaume nteere irî inya rûbuutana nthîgûrû, kana îriani, kana rwenyenyia mûtî.

KÛGWÛRÎRWA 8:2

Ndoona araîka mûgwanja barûngi mbere ya Ngai. Na wakîra ûmwe wa bo aanenkerwa karumbeeta.