MATHAYO 23:8 - Kîrîîkanîro Kîîyerû

⁸ “Îndî biû bûtikeende gwîtwa ‘Rabai’ n'ûntû Rabai wenu n'ûmwe na bûrî aana ba Baaba ûmwe.

MATHAYO 23:8 ပူးပေါင်းရင်းမြစ်များ

MATHAYO 10:25

Mûrutwa agatuatia mwarimû wake, ûgu ibûmûganîîte. Na mûruti ngûgî agatuatia ûra arutagîra ngûgî, ûgu ibûmûganîîte. Ûkoona i mwene mûciî beetire Bericebuuri, mûnene wa irundu biithûûku, t'wa antû ba mûciî wake.”

MATHAYO 17:5

Petûrû akîaragia woogu, îtu rîîyerû rîaya rîabakunîka. Beegua kayû kauma ku kauga, “Ûyû i Mwana wakwa na immwendeete mûno. Nankenagia mûno, mûthikagîîrieni!”

MATHAYO 23:10

Na bûtikeende gwîtwa ‘Mwarimû’ n'ûntû Mwarimû wenu n'ûmwe, ta we Kîrîstû.

MATHAYO 23:7

Wana rîra barîîkanîîte n'antû beendaga babakeethia na gîtîîyo na babeeta, ‘Rabai.’

MATHAYO 26:25

Njundas ûra aamûkunyanîîre amûûria, “Kana i niû, Mwathani?” Yiesû amwîra, “Ûkuuga.”

MATHAYO 26:49

Njundas agûkinya ûgu, aathi kîrî Yiesû amwîra, “Mwarimû, muuga!” Amûcunca.

MAARIKO 10:51

Yiesû amîûria, “N'ata ûkwenda nkûrûthîra?” Ntûngi înu yamwîra, “Mwarimû, ga nkwenda ntua kwona.”

MAARIKO 11:21

Petûrû aaririkana. Eera Yiesû, “Mwarimû, ene mûkûyû ûra ûrarumire nûraûmire!”

MAARIKO 14:45

Njundas agûkinya ûgu, aathi kîrî Yiesû amwîta, “Mwarimû!” Amûcunca.

MAARIKO 9:5

Petûrû eera Yiesû, “Mwarimû, na kaaba tûrî aaga. Ga twake tûganda tûthatû—gaaku, ka Musa, na ka Eriya.”

RUKA 22:32

Îndî woû, Simioni, indombeete wîtîgio bwaku bûtikaathire. Nyuma ya kûgerua, weerira wîkîre aruanyûkwe wîru.”

NJOANA 1:38

Yiesû akûûndûka oona arutwa babu bamûthingatîîte. Abaûria, “N'ata bûkwenda?” Bamûcookeria bamûûria, “I kû ûkaraga, Rabai?” (Na Kîîbirania ‘Rabai’ i ta kuuga ‘Mwarimû’.)

NJOANA 1:49

Nathanieri amwîra, “Rabai, woû ûrî Mwana wa Ngai na i woû Mûnene wa Isiraeri!”

NJOANA 11:8

Arutwa baake bamwîra, “Mwarimû, anga ti weendî antû bareendaga gûkûringangîra na maiga noogo bakûûraga? I noogo ûkwenda gûcooka kaîrî?”

NJOANA 20:16

Yiesû amwîta, “Maria.” Maria aûndûka amwîtîga, “Rabai!” (Kuuga ûûgû na Kîîbirania i ta kuuga Mwarimû.)

NJOANA 3:2

Ûtugû bûmwe aathi kîrî Yiesû amwîra, “Rabai, itwiyî i Ngai agûtûmîîte ûrî mwarimû, n'ûntû gûtirî we arûtha mantû ma kûrigaria ta mara ûrûthaga twanga Ngai arî amwe n'we.”

NJOANA 3:26

Arutwa ba Njoana baathi kîrî we bamwîra, “Rabai, muntû ûra wagwetaga, ûra bwarî n'we rûteere rûra rûngî rwa muuro wa Njorondani, wana we nakûbaatithania, na kîrîndî kîonthe i noogo gîkwerekera!”

NJOANA 4:31

Kagiitaani gaku i rîo arutwa beeyaga Yiesû irio, bamwîra, “Rabai, itû rûma gantû.”

NJOANA 6:25

Bakwîthîra Yiesû naagu Kaperinaumu bamûûria, “Rabai, i rî ûûyire naaga?”

NJOANA 9:2

Arutwa baake bamûûria, “Mwarimû, n'ûû eeyiirie kaingo muntû ûyû aciarwa arî ntûngi? N'we kana n'aciari baake?”

2 AKORINTHO 1:24

Tika tûkwenda kûbwatha wîtîgioni bwenu. Ibûrikîîte wîtîgioni. Tûrutaga ngûgî amwe naabi i kaingo bûkena.

2 AKORINTHO 4:5

Tûtitûmagîîria mantû meetû. Tûtûmagîîria Yiesû Kîrîstû i Mwathani, tiû naati tûrî aruti ngûgî beenu n'ûntû bwa Yiesû.

AEBEESO 3:15

ûra eete mîgongo yonthe na araîka bonthe mariîtwa.

PIREMONI 1:16

Aticookeete arî ta nkombo akî, acookeete arî ûmwega nkûrûki ya nkombo. I mûruanyûkwe mwendwa. Ûkaaya kwîgua inkûmwona arî mûruayia ûmwega ûûgû rî, î woû ûkaamwona arî ûmwega ata arî nkombo yaku na arî mûruanyûkwe ndeni ya Mwathani?

NJAKUBU 3:1

Aruayia na aarayia, baingî beenu bûtikeerirîîrie gûtuîka arutani ba kiugo kîa Ngai, n'ûntû ibwiyî tiû bara tûrutanaga bara bangî kîo îgamba rîetû ûkeegua rîrî rîûmo nkûrûki ya bara bangî.

1 PETÛRÛ 5:3

Bûtigaatûmîre ûnene bwenu kwinyîîria bara bwetwe bûmenyeera. Îgaguani bûrî ngerekano îmbega kîrî bo.

KÛGWÛRÎRWA 1:9

Niû Njoana ndî mûruanyûkwe. Wana niû innyamaaragua ta bûra bûnyamaaragua, imbîgagua ndî amwe naabi ûneneeni, na mbûmagîîria wata biû n'ûntû bwa Yiesû. N'ûntû bwa ntheto ya Ngai na gûkûûyîîra mantû ma Yiesû, i ntûma ndî gîcîgîîrioni kîa îria gîîtagwa Patimos.

KÛGWÛRÎRWA 19:10

Ndaturia maru ngonga mûraîka ûyu aambîîraga mantû mamu. Îndî nkiuga mmûgonga aambîîra, “Arî, ûtikangonge! Niû ndî mûruti ngûgî ta woû, kana aruanyûkwe na aaranyûkwe bara barikîîtie ntûmwa ya mma ya Yiesû. Gonga Ngai!” (Kûrikia ntûmwa ya Yiesû i kwîgua muntû arî na Kîrundu ûra aaragia gûkûrûkîîra kîrî iroria.)

KÛGWÛRÎRWA 22:9

Îndî warîra nkiuga mmûgonga, mûraîka ûyu aambîîra, “Arî, ûtikangonge! Niû ndî mûruti ngûgî ta woû, kana ta aruanyûkwe iroria, na bara barikîîtie nkorooni ciao mîgambo îno îrî îbukuuni rîrî. Gonga Ngai!”