MATHAYO 23:4 - Kîrîîkanîro Kîîyerû

⁴ Baîkagia antû mîrigo îtakamatîka n'ûrito na barî bo batienda kûmîringithia nwa na kaara babateetheeria kûmîkamata.

MATHAYO 23:4 ပူးပေါင်းရင်းမြစ်များ

MATHAYO 23:23

“Bûkoona thîîna, biû aarimû ba watho na Abarisai, eebwithia baba! Bûrutaga icuncî bia îkûmi bia into bienu bionthe, wana tûnyamû tûniini tûra tûnunkagia irio bwega, îndî bûgatiga mantû mara marî gîtûmi nkûrûki ya watho ta kûrûthagîra antû bûra kwagîrîte, kûbeegua kîao, na kwîgua bûrî na wîtîgio kîrî Ngai. Bwagîrîtwe bûrûthaga mantû ta mama bûtakûriganîrua i mamu mangî wana mo.

MATHAYO 23:3

Kwoogu baathîkagîreeni na rûthagaani monthe mara bakaabwîraga. Îndî bûtikaarûthe bûra barûthaga n'ûntû batirûthaga bûra baugaga kûrûthagwe.

RUKA 11:46

Yiesû abacookeria abeera, “Bûkoona thîîna, biû aarimû ba watho, n'ûntû bwaîkagia antû mîrigo îtakamatîka n'ûrito, îra biû bwingwa bûteenda kûmîringithia nwa na kaara bûbateetheeria kûmîkamata.

NGÛGÎ 15:10

Aabu i kî n'ûntû bûkûgeria Ngai bûkîendaga gwaîkia eetîgîri mûrigo ûtakamatîka? Mûrigo biûyûûyû bietû biaremirwe n'uu na tiû beene!

NGÛGÎ 15:28

Kîrundu Ûmûtheru aroonire ti bwega, na wana tiû nwa bu tûroonire atî, tûtikaabwaîkie mûrigo ûngî tatiga mantû mama ma gîtûmi mûno.

AGARATIA 6:13

Wana bo bongwa barî bataane woogu, twaka baathîkagîra watho. Barîenda bûtaanwa kaingo beekumagîria biû.

1 NJOANA 5:3

Rîra twathîkagîra maathana ma Ngai i rîo twonanagia itûmwendeete na maathana maake ti maûmo.

KÛGWÛRÎRWA 2:24

Îndî kûrî bo bacienu, biû Athiatira, bara bûtathingataga moorutani mamu maake na bûteendeete kûmenya bûra bamwe beetaga mawitho ma Saitaani ma ndeni. Ga nkûbwîra biû gûtirî bu bûngî nkûbwîra bûrûthe,