MATHAYO 23:15 - Kîrîîkanîro Kîîyerû

¹⁵ “Bûkoona thîîna, biû aarimû ba watho na Abarisai, eebwithia baba! Bûriûngaga mwanka mûringo wa îria bûgîcûa muntû bûgarûra atuîka wenu. Na bwatiga bûkwona agûtuîka wenu bûmwînyangagia nkûrûki yenu agatuîka mwana wa îcamaarîro.

MATHAYO 23:15 ပူးပေါင်းရင်းမြစ်များ

MATHAYO 23:13

Yiesû abeera, “Bûkoona thîîna, biû aarimû ba watho na Abarisai, eebwithia baba! Bûrigagîîria bara bangî bathi ûneneeni bwa îgûrû na tika biû bûkaathi ku. Bûtirekaga bara bakûthûngîra bathûngîra. [

MATHAYO 3:7

Njoana akwona *Abarisai na *Asandukai baingî baayîîte ababaatithia, abeera, “Rûciaro rûrû rwa njoka! N'ûû aabweniirie abwîra bwakuthûka mûthûûro wa Ngai ûra ûûyîîte?

MATHAYO 5:22

Îndî naani ga nkûbwîra, ûra akaathûûrîra ûra ûngî nakagambithua. Na ûra akeera ûra ûngî ‘Ûrî wa ûtheri!’, arî na îgamba na kîama. Na ûra ageeta ûra ûngî, ‘Kîaa gîkî!’, nakaathi îcamaarîro.

MATHAYO 5:29

Ûkaaya kwîgua riitho rîaku rîa ûrîo rîtûmaga wîyia, rîtûre. I kaaba wagîîte gacuncî kamwe ka mwîrî waku kîrî mwîrî waku unthe ûgereetwe mwankiini wa îcamaarîro.

NJOANA 8:44

Biû bûrî ba abaagu, Nkoma. Bwendaga kûrûtha mantû wamara abaagu eendaga kûrûtha. Atûîre arî mûûragani kuuma wo tene, na gûtirî rîo aaria ûmma, n'ûntû ûmma bûtirî ndeni yake. Na rîra aaragia ûrongo, aaragia kûringana na bûra akari, n'ûntû we i mûûrongo, na n'we kaumo ka ûrongo bunthe.

NGÛGÎ 13:10

amwîra, “Ûrî mwana wa Nkoma na mûnthû wa bûra bunthe bwega! Ûûyûri ûrongo bwa mîthemba yonthe na wenania. I rî ûgaatiga kûrutana kînyume kîa ûmma bwa Mwathani?

NGÛGÎ 13:43

Antû bakuuma, Paûrû na Baranaba baathingatwa n'Ayaundi baingî na antû bataarî Ayaundi bara baarombaga Ngai. Atûmwa babu beekîra antû wîru babeera bakarage ûtugiini bwa Ngai.

NGÛGÎ 14:19

Ayaundi bamwe baaya baumîîte taûni ya Antiokia na bangî baumîîte Ikoniamu. Beengîîra antû baaringanga Paûrû na maiga. Bamûkururia bamuumagarûkia ome ya taûni bakîthûgaanagia bakûmûûraga.

NGÛGÎ 14:2

Îndî Ayaundi bara baaregire gwîtîgia beengîîra bara bataarî Ayaundi, bara bateetîgia, baatûma bamena bara beetîgiirie.

NGÛGÎ 17:13

Ayaundi ba Thesaronike bakwîgua Paûrû naatûmîîrie kiugo kîa Ngai Berea, baathi noogo beengîîra antû.

NGÛGÎ 2:10

Burugia, Pamburia, na Miisiri. Na bangî i ba kuuma gûntû kûmwe kwa Rîbia akubî na Kureni. Na bangî n'ageni ba kuuma Rooma,

NGÛGÎ 6:5

Eetîgîri bonthe baakeneera îthûgaanio rîru. Baathuura muntû eetagwa Stibini aarî na wîtîgio bûûnene mûno na aûyûrîîtwe i Kîrundu Ûmûtheru. Baacooka baathuura Piripû, Purokooras, Nikanoori, Timooni, Parimenas na Nikooraûs. (Nikooraûs aarî wa kuuma Antiokia, naagarûkîîte atuîka wa ndini ya kîîyaundi.)

AGARATIA 4:17

Antû babu bangî babwenagîîria bakîîriragîîria kûbûkuuyia kîrî bo, îndî ti na wega. Beendaga kûbûtigithania naani kaingo bûboonia bûrî bata na bo.

AGARATIA 6:12

Antû bara bakwenda kûbûkinyîîria bûtaanwa i bara beendaga kwonwa barî beega meethooni ma antû. Na gîtûmi kîra gîgûtûma barûtha ûgu i kîmwe akî. Na kîo i kaingo batanyamaarua n'ûntû bwa mûtharaba wa Kîrîstû.

AEBEESO 2:3

Ûgu i bu tiû twinthe twatûûraga tûkari, tûkîathîkagîra mawîrirîîria ma mîîrî yetû. Twarûthaga bûra bunthe mîîrî yetû na mathûgaania meetû meeriragîîria. Na Ngai naathûûraga mûno i tiû ta bûra aathûûragua i bara bangî.