MATHAYO 22:5 - Kîrîîkanîro Kîîyerû

⁵ Îndî baarega woora muntû aathi bwake. Ûmwe aathi bwa mûnda wake, ûra ûngî aathi biacaaraani ciake,

MATHAYO 22:5 ပူးပေါင်းရင်းမြစ်များ

MATHAYO 13:22

Mbeû îra n'yo yagwîre bantû arî na matî ma mîîgua, i ngerekano ya antû bara beegagua kiugo kîa Ngai, îndî n'ûntû bwa kwîthangîkia bagîciirîria mantû ma ûtûûro bûbû bwa nthîgûrû îno na kwenda ûtonga gûkainyîka kiugo gîkathaata.

MATHAYO 22:4

Aatûma aruti ngûgî bangî kaîrî. Abeera bathi beete bonthe bara eetîîte kîathooni. Abeera babeere kîatho ikîbeeteereete, abathînjîrîte ndeegwa na njaû ciake ira noru na kîra gîntû kîonthe kîrî oogo, kwoogu ibathi.

MATHAYO 22:6

na bamwe baao baagwata atûmwa babu babanyamaaria babaûraga.

NJOANA 2:16

Eera bara beendagia macea, “Rutaani mama gûkû! Bûtigaatuîkithie nyomba ya Baaba thoko!”

NGÛGÎ 2:13

Îndî kûrî antû baabathekagîîra bakauga, “Antû baba ibarî batogoonu.”

NGÛGÎ 24:25

Paûrû akûthi na mbere akîaragîîria mantû ma wagîru, kûrega kwathwa i mwîrî, na mantû ma ntugû îra îkaaya rîra antû bakaagiitîrwa îgamba, Berîksi aagwatwa n'ûguaya. Amwîra, “N'ûûgu îîndî. Îthi, ngagwîta kaîrî rîra ûkeegua ndî na kaanya.”

AROOMA 2:4

Ngai nakwoneetie bûra arî kîao kîgana. Atikweyaga îkaanûkia nthûti îmwe na ainyîkagîria mara ûrûthaga kwa îgiita rîraaya, îndî ûtionaga bûbu ta ûntû. Ka ûtaiyî Ngai i kîao akwîgagua n'ûntû neendaga wîrira?

AROOMA 8:6

Mathûgaania mara maathagwa n'inya ya mûtugo wa kîîmuntû imatûmaga muntû akua. Îndî mathûgaania mara maathagwa i Kîrundu matûmaga muntû eegua arî mwoyo na arî na ûkiri.

2 TIMOTHEO 3:4

batuîke akunyanîri, barûthage mantû batakûmaka bûra gûgaakara, batue kwîthûkagia barî antû ba gîtûmi, beende mîago ya nthîgûrû bantû a Ngai.

AIBIRANIA 2:3

Kwoogu n'ata tûtakîewa îkaanûkia twarega gwîtîgîra wonokio bûbû bûûnene, bûra bûgweteetwe nthetooni îmbega? Wonokio bûbû bwagwetirwe mbere i Mwathani we wengwa, bwacooka bwonanua i bwa mma kîrî tiû i bara baamwîgiirue akîaria.

2 PETÛRÛ 2:3

Na n'ûntû bwa wîrirîîria bwao, aarimû babu bakabweneeria na ntheto itarî cia mma. Îndî Ngai nwa akwona bûra bakûrûtha na naabangire kûbatuîra îgamba wo tene. Na kwoogu kwînyangua ikûbeeteereete.