MATHAYO 22:40 - Kîrîîkanîro Kîîyerû

⁴⁰ *Watho bunthe na mantû mara iroria biaroriirie makamatîîtwe i maathana mama marî maîrî.”

MATHAYO 22:40 ပူးပေါင်းရင်းမြစ်များ

MATHAYO 7:12

Kwoogu rûthagîraani bara bangî mantû monthe ta bûra wana biû bwenda babûrûthîra, n'ûntû i bu kwandîkîîtwe *wathooni bwa Musa na mabukuuni ma iroria.”

NJOANA 1:17

Ngai aatûmîîre Musa kweyana *watho, îndî ûtugi na ûmma biareetirwe i Yiesû Kîrîstû.

AROOMA 13:9

Maathana mara maugîîte, “Ûtikaathûngîîre,” “Ûtikaûragane,” “Ûtikaiye,” “Ûtigaatuuyanîîre,” “Ûtikeerirîîrie gîntû kîa muntû,” na maathana mara mangî monthe makamatîîtwe i yathana rîrî rîmwe rîra rîkuuga, “Enda mûtûûri waku ta bûra wîbendeete.”

AGARATIA 5:14

Ûkaingia yathana rîra rîmwe riugîîte, “Enda mûtûûri waku ta bûra wîbendeete,” ûkwathîkîra bûra maathana monthe meendaga.

1 TIMOTHEO 1:5

Gîtûmi kîa watho bûbû, i kaingo wîgua kûrî na wendo bûra buumaga kîrî nkoro întheru, mathûgaania magûkwonia ûtirûthîîte mabîtia, na wîtîgio bûra bûrî bwa mma.

NJAKUBU 2:8

Wabu bûkaingia watho bûra bûnene bwa Ngai, bûra bwandîkîîtwe *Maandîkooni Maatheru bwauga, “Enda mûtûûri waku ta bûra wîbendeete,” nabûkamenya ibûkûrûtha bûra kwagîrîte.