MATHAYO 22:16 - Kîrîîkanîro Kîîyerû

¹⁶ Baatûma arutwa baao na athingati ba Eronde baathi beera Yiesû, “Mwarimû, itwiyî ûrî mwîtîgua na ûrutanaga ûmma bwa Ngai. Ûtitindanagîra na mathûgaania ma antû n'ûntû ûtiendagîîra bamwe ûmena bara bangî.

MATHAYO 22:16 ပူးပေါင်းရင်းမြစ်များ

MATHAYO 22:24

“Mwarimû, Musa aatwandîkîîre watho atwîra, ‘Muntû akagûra mûka îndî agakua mbere ya bagîa na kaana, mûruagina nabatîîrue athûkia mûka ûyu aciarîra mûruagina mbeû.’

MATHAYO 22:26

îndî wana mûruagina ûyu aakua atatigîîte mbeû. Bonthe barî mûgwanja baathûkia mûka ûyu wabagîkuyaga batagûtiga mbeû,

MATHAYO 26:18

Yiesû abatûma abeera bathi Njerusaremu kwa muntû ûmwe bamwîre, “Mwarimû auga îgiita rîake rîrî akubî gûkinya na akaarîîra biakûrîa bia Pasaka amwe na arutwa baake gwaku.”

MATHAYO 26:49

Njundas agûkinya ûgu, aathi kîrî Yiesû amwîra, “Mwarimû, muuga!” Amûcunca.

MAARIKO 10:17

Kagiita kamwe Yiesû athiîte, muntû ûmwe aaya kîrî we na rwîro amûturîria maru amwîra, “Mwarimû ûmwega, n'ata ndûtha nkathi mwoyooni wa tene na tene?”

MAARIKO 12:13

*Abarisai bamwe na bamwe ba bara baarî ba Eronde ibaatûmîîtwe kûgeria gûtega Yiesû na mîgambo yake.

MAARIKO 12:14

Bakûûya kîrî Yiesû, bamwîra, “Mwarimû, itwiyî ûrî mwîtîgua na ûtitindanagîra na mathûgaania ma antû. Ûtiendagîîra bamwe ûmena bara bangî, na ûrutanaga bûra bungwa mantû ma Ngai makari. Twîre kana weegua itwagîrîtwe tûrûngaga ûgooti kîrî Kaisaarî kana tûtiagîrîtwe. Tûrûngage kana tûtikaarûngage?”

MAARIKO 3:6

Abarisai na antû ba kîama kîa Eronde bakwona ûgu bauma nja warîo. Baabanga mûbango wa kûûraga Yiesû.

MAARIKO 8:15

Yiesû abakaania abeera, “Îmenyeereeni îgûrû rîa ndawa îra *Abarisai na Eronde batûmagîra kwimbithia mîgaate.”

RUKA 20:21

Athigaani babu beera Yiesû, “Mwarimû, itwiyî waragia bûra kwagîrîte na ûrutanaga bûra kwagîrîte. Ûtiendagîîra bamwe ûmena bara bangî, na ûrutanaga bûra bungwa mantû ma Ngai makari.

RUKA 7:40

Yiesû naamenyaga bûra Simioni aathûgaanagia. Amwîra, “Simioni, kûrî bu nkwenda gûkwîra.” Simioni amwîra, “Mbîîra, mwarimû.”

NJOANA 14:6

Yiesû auga, “I niû njîra, ûmma na mwoyo. Gûtirî we athiyaga kîrî Baaba atakûrûkîîrîte kîrî niû.

NJOANA 18:37

Piraatû amûûria, “Aabu ûtirî mûnene?” Yiesû amwîra, “Wauga ndî mûnene. Na gîku i kîo gîatûmire nciarwa. Ndaayire nthîgûrû kwîra antû ûmma. Muntû wonthe ûra eendeete ûmma naambîgagua.”

NJOANA 7:18

Ûra aaragia mantû na bwake n'ûkumio eegagua agîîcûîra. Îndî ûra we acûagîra ûra amûtûmîîte ûkumio, ûyu i muntû wa mma na naagîrîte.

2 AKORINTHO 2:17

Tiû tûtikari ta antû baingî bara bacûaga kwona mbia na gûtûmîîria kiugo kîa Ngai. Tûtûmagîîria ntûmwa îra Kîrîstû atwete tûrî aruti ngûgî ba Ngai tûtarî na mantû mangî. Na wana Ngai naiyî ûgu.

2 AKORINTHO 4:2

Itûrekanîîte na mantû ma witho ma îgi. Tûtienagîîria antû kana tûgarûra bûra kiugo kîa Ngai kîrutanaga. Bûra tûrûthaga, i tûrutanaga ûmma na njîra îtarî ya kîrigicano tûkîonagia antû bonthe tûrî ba ûû. Rîru i rîo bamenyaga na nkoro ciao tûrî antû ba mûthemba mûbi. Na Ngai naiyî ûgu.

2 AKORINTHO 5:16

Îgiitaani rîrî tûtithûgaanagîria antû ta bûra antû ba nthîgûrû babathûgaanagîria. Tene twathûgaanagîria Kîrîstû ta bûra antû ba nthîgûrû bamûthûgaanagîria. Îndî îîndî tûtimûthûgaanagîria ûgu.

AGARATIA 1:10

Î rîo rî, ga nkuuga ûgu nkîenda mbendwa n'antû kana i Ngai? Ka ngûcûûgia gûkenia antû? Arî. Ûkaaya kwîgua n'antû nkwenda gûkenia ûtiîgua ndî mûruti ngûgî wa Kîrîstû.

AGARATIA 2:6

Gûtirî kîo babu boonekaga taka baarî gîtûmi boongeera ntûmîîriini îra ntûmagîîria (îndî nwîgue baarî ba ûû, gûtirî mûkûûrani kîrî niû n'ûntû Ngai atitûmagîra kîmenyano).

1 ATHESARONIKE 2:4

Ngai atwete ntheto îmbega tûmîtûmîîria n'ûntû nooneete tûrî eetîgua. Na tûtûmagîîria tûrî na mworooto wa gûkenia Ngai ûra atûgeragia akîenda kwona bûra nkoro cietû ikari, îndî t'antû.

NJAKUBU 3:17

Îndî ûûme bwa kuuma kîrî Ngai i bûûtheru, ibwendeete ûkiri, ûbooreru, kûthikanagîîria na kûûyûrwa i kîao. Bûciaraga mantû meega, bûtirî kîmenyano na bûtiîtuîkithagia kîra muntû atarî.

1 NJOANA 5:20

Itwiyî Mwana wa Ngai naayire na atwa ûmenyo, kaingo tûûmba kûmenya Ngai wa mma. Tûkaraga ndeni ya Ngai wa mma na ndeni ya Mwana wake Yiesû Kîrîstû. Ûyu n'we Ngai wa mma na n'we mweyani wa mwoyo wa tene na tene.