MATHAYO 22:13 - Kîrîîkanîro Kîîyerû

¹³ Mûnene eera aruti ngûgî baake, ‘Mûthaîkeeni njara na magûrû bûmûgere nja mwinduuni.’ Gûku ûkeegua kûrî na kîrîro na kîeba kîînene mûno.

MATHAYO 22:13 ပူးပေါင်းရင်းမြစ်များ

MATHAYO 12:29

“Arîo rî, n'ata muntû abunjia nyomba ya muntû arî na inya akathûkia into biake na taka? Nwanga akaamba akamûthaîka na îkanda, rîru i rîo athûngîra nyomba akamûtunya into.

MATHAYO 13:30

Gaikûranie mwanka îgiita rîa maketha rîkinye. Rîakinya mbîîre akethi baakwa, “Mbere ambaani bwîthîranie nthangarî bûmîoge îgacinue mwanki, rîru bûkethe ngano bûgîîkagîra îkûmbîîni.” ’ ”

MATHAYO 13:42

babagere kîrûngûrûûni kîa mwanki kûra ûkeegua kûrî na kîrîro na kîeba kîînene mûno.

MATHAYO 13:50

Bara bataagîrîte bagerwe kîrûngûrûûni kîa mwanki kûra ûkeegua kûrî na kîrîro na kîeba kîînene mûno.”

MATHAYO 24:51

Aaya amûnyamaarie mûno amûgiitîre îgamba ta mwîbwithia, amûgere nja kûra ûkeegua kûrî na kîrîro na kîeba kîînene mûno.”

MATHAYO 25:30

na mmwingîre ome mwinduuni kûra ûkeegua kûrî na kîrîro na kîeba kîînene mûno.’ ”

MATHAYO 8:12

Îndî bara babatîîrue wîgua i bo bakaathi ûneneeni, bakaagerwa nja mwinduuni barîre barî na kîeba kîînene mûno.”

RUKA 13:28

“Abwîra ûgu bûkîanjîîria kûrîra bûrî na kîeba kîînene mûno bwona Îburaîmu, Isaka, Njakubu, na iroria bionthe birî ûneneeni bwa Ngai, naabi bûtigîîtwe nja.

NJOANA 21:18

Na mma ga ngûkwîra, rîra warî mwana, wekagîra nguo ûkathi wanaara ûkeenda. Îndî rîra ûgaatindira ûgaatambûrûkia njara wogwe cio i muntû ûngî akwire naara ûtakwenda.”

NGÛGÎ 21:11

Aathûkia mûcibi wa Paûrû eeboga na uu magûrû na njara. Auga, “Kîrundu Ûmûtheru ariuga ûûgû, ‘Mwene mûcibi ûyû aathi Njerusaremu i bu akoogwa ûûgû n'Ayaundi, anenkanîrwe kîrî antû batarî Ayaundi.’ ”

NGÛGÎ 7:54

Akîama bakwîgua ûgu, baamuntwa i nkoro, baathûûra mûno.

2 ATHESARONIKE 1:9

Na îkaanûkia rîra akaabaa ûkeegua rîrî kûbeenyangia kûrû, abaathûre baume ara Mwathani arî, ara inya yake îra îrî mwago îrî.

2 PETÛRÛ 2:17

Aarimû babu ba ûrongo bakari ta inyaka biabwere rûûyî, kana ta bûra matu macûgagua i ruuo mbura îtaure. Ngai abarûthîrîte gîkaro kîao kûra kûrumeene mwindu ûmûnene mûno.

2 PETÛRÛ 2:4

Rîra araîka beeyiirie Ngai ataabacaamîra. Aabaingîîre îcamaarîro. Na gûku i ku bakaraga bathaîkîîtwe na nyororo mwinduuni beeteereete ntugû ya kûgiitîrwa îgamba.

NJUNDA 1:13

Bakari ta makûmbî ma rûûyî rwa îria macacîîte. Ngûgî ira barutaga i cia îgi na itirî witho, nwa ta mûbûûyû wa rûko ûra makûmbî ma rûûyî rwa îria matigaga maakûmîîria rûteere. Bakari ta nthata igûcûga. Ngai abathuuranîrîte gîkaro kîao kûra kûrumeene mwindu ûmûnene. Na bagaakara ku tene na tene.

NJUNDA 1:6

Na araîka bara baumire ara baabatîîrue beegua barî, beenda kwîbongeera wathani, Ngai aabaingîîre kûra kûrumeene mwindu. Bakaraga ku abathaîkîîte na nyoyoro itatuîkaga rî kana rî beeteereete ntugû îra nene ya îgamba.

KÛGWÛRÎRWA 21:27

Ûra ateethereetie, kana ûra aarûthaga mantû mara matakenagia Ngai, kana ûra aaragia ûrongo atikîthûngîra gûku. Bara mariîtwa maao maandîkîîtwe îbukuuni rîa mwoyo, ta rîo îbuku rîa Kagondu, i bo bonka baathûngîîre gûku.