MATHAYO 22:10 - Kîrîîkanîro Kîîyerû

¹⁰ Aruti ngûgî babu baathi makomanooni ma njîra beethîrania antû bonthe bara baakûrûkaga; beega na baathûûku, mwanka baûyûra gûku kîatho kîarî.

MATHAYO 22:10 ပူးပေါင်းရင်းမြစ်များ

MATHAYO 13:38

Mûnda i nthîgûrû, na mbeû îra mbega n'antû bara barî ba ûnene bwa îgûrû. Nthangarî n'antû ba ûra mûûî,

MATHAYO 22:9

Îthiini makomanooni ma njîra bwîre muntû wonthe ûra bûkoona aaye.’

MATHAYO 25:10

“Aarî babu bakûthi kûgûra, mûgûrani aaya baathi wikiini na bara baarî oogo. Bakûthûngîra kûra kîatho kîathuuranîrîtwe, mûrango waingwa.

MATHAYO 9:15

Yiesû abaûria, “Bwaûmba kwîrîgîîra antû bara beete wikiini barega kûrîa rîra mûgûrani arî oogo? Îndî kûrî kagiita gagaakinya mûgûrani arutarutwe kîrî bo. Rîru nwa barege kûrîa irio.

2 AKORINTHO 12:21

Inkwîrîgîîra rîra nkaaya Ngai atikambooreerie ngwatwa i kîeba n'ûntû bwa baingî beenu bara beeyiirie na bateerira ûthûûku bwao, ûmaramari, na mantû ma îgi mara baarûthire.

1 NJOANA 2:19

Antû baba bataarî ba ngwatanîro yetû. Na gîku i kîo gîatûmire baathûka batûtiga n'ûntû ûkeegua baarî beetû batikîthi. Îndî baathiire kaingo kûmenyeka bwega atî bonthe bataarî ba ngwatanîro yetû.

KÛGWÛRÎRWA 5:9

Akûrû babu na biûmbe bira bina bainîra Kagondu rwîmbo rûûgeni. Rwaugaga, “Nwagîrîte wa kûnenkerwa îbuku rîru na wa kûrûmûra mûûra, n'ûntû nwaûragirwe, watûkûûra na nthakame yaku twatuîka ba Ngai, tiû antû ba mîîrîga yonthe, nthiomi cionthe, rangi cionthe, na mîgongo yonthe.

KÛGWÛRÎRWA 7:9

Nyuma ya ûgu, ndacooka ndoona ntundu înene mûno ya antû batatarîka barûngi mbere ya gîtî kîa ûnene na mbere ya Kagondu. Baarî antû kuuma nthîgûrû cionthe, mîgongo yonthe, rangi cionthe, na nthiomi cionthe. Beekîrîte ndwambambio injerû bagwete nkîndû na njara.