MATHAYO 21:19 - Kîrîîkanîro Kîîyerû

¹⁹ Arî kûraaya oona mûkûyû rûteere rwa njîra. Akûthi atoona ûrî na nkûyû, nwa mathangû monka warî na mo. Yiesû acuîra, “Woû ûtikooro ûciara kaîrî!” Mûkûyû ûyu waûma warîru.

MATHAYO 21:19 ပူးပေါင်းရင်းမြစ်များ

MATHAYO 21:20

Arutwa baake bakwona mûkûyû waûma warîo, baarigara mûno i kîama gîku. Baûria, “N'ata mûkûyû ûyû waûma weendî?”

MAARIKO 11:14

Yiesû eera mûkûyû ûyu, “Gûtirî muntû akaarîa nkûyû ciaku kaîrî! Woû ûtikooro ûciara kaîrî!” Arutwa baake ibeegiirue akiuga ûgu.

MAARIKO 11:20

Rûûni rûkîîrî, Yiesû na arutwa baake bathiîte baakûrûkîîra akubî na mûkûyû ûra Yiesû aarumîîte. Boona ûûmîîte na mîri mîene.

RUKA 3:9

Kathoka karî akubî gûkûûra mîtî na mîri mîene. Na mûtî unthe ûra ûtaciaraga rûciaro rwega ûgaakûûrwa ûgerwe mwankiini.”

NJOANA 15:2

Rwong'i rwakwa runthe rûra rûtaciaraga narutemaga, na rûra rûciaraga narutheragia kaingo rûciara nkûrûki.

NJOANA 15:6

Muntû ûra atakaraga ndeni yakwa, akari ta rwong'i rûra rûtemagwa rûgateegwa rûkaûma. Na mpong'i ta inu iciîthîranagua ikagerwa mwankiini, ikabîîthua.

2 TIMOTHEO 3:5

Bakoonekaga taka barî antû ba Ngai, îndî baregane na inya ya Ngai. Ûtikeende kûgwetanirua na antû ta babu.

TITO 1:16

Baugaga ibaiyî Ngai, îndî mantû mara barûthaga matigwatanagîra na ûntû bûbu. N'antû baathûûku mûno, aregi kwathîkîra Ngai na gûtirî ûntû bwega baûmba kûrûtha.

NJUNDA 1:12

Na antû baba rîra baayaga bûkarîyanîra na bo biathooni bia ngwatanîro yenu, bakari ta marooro ma rûko barî amwe naabi. Bakenagîîra kûrîa bagakûrûkîîria na kûnyua nkûrûki ya kîthimi batakûmaka. Bakari ta arîîthi ba ng'ondu bara beemakagîra batakûûrania na ng'ondu. Bakari ta matu matarî na mbura bûra macûgagua i ruuo woogu matakiura. Bakari ta mîtî îtarî maciara yakûûrwa, na i ta baakuû cwe.

KÛGWÛRÎRWA 22:11

Ûra akûrûtha ûthûûku nathi na mbere kûrûtha. Ûra atarî mûtheru nathi na mbere kûrûtha mantû matarî matheru. Ûra mwagîru nathi na mbere kûrûtha mantû maagîru. Na ûra mûtheru nathi na mbere kûrûtha mantû maatheru.”