MATHAYO 21:15 - Kîrîîkanîro Kîîyerû

¹⁵ *Athînjîri bara banene ba Ngai na aarimû ba watho baathûûra mûno n'ûntû bwa mantû mamu Yiesû aarûthire ma kûrigaria, na n'ûntû bwa bûra twana twaugagîîria na inya agu nyomba ya Ngai tûkiugaga, “Ocana kîrî Mwana wa mûciî wa Ndaundi!”

MATHAYO 21:15 ပူးပေါင်းရင်းမြစ်များ

MATHAYO 20:24

Arutwa bara bangî îkûmi bakwîgua bûra Njakubu na Njoana beendaga babathûûra.

MATHAYO 21:23

Bagûcooka Njerusaremu kaîrî, Yiesû aathi aathûngîra nyomba ya Ngai aanjîîria kûrutana. *Athînjîri bara banene ba Ngai na akûrû baaya ku bamûûria, “I kû ûrutîîte watho bwa kûrûtha mantû mama ûkûrûtha? Na n'ûû akwete bu?”

MATHAYO 21:9

Kîrîndî kîonthe kîra kîathiîte kîrî mbere ya Yiesû na kîra kîamuumîîte nyuma kîonthe kîanjîîria kuugîîria gîkiugaga, “Ocana kîrî Mwana wa mûciî wa Ndaundi! N'ûmûthaarime ûra aayîîte kwa riîtwa rîa Mwathani! Ocana kîrî ûra arî îgûrû mûno mûno!”

MATHAYO 22:42

“Bûthûgaanagia Kîrîstû n'ûû? Na i mwana wa ûû?” Bamûcookeria bamwîra, “We i Mwana wa Ndaundi.”

MATHAYO 26:3

*Athînjîri bara banene ba Ngai na akûrû beethîrana amwe nyomba ya Kayabas ûra aarî mûthînjîri ûra mûnene wa Ngai.

MATHAYO 26:59

Athînjîri bara banene ba Ngai na kîama kîra kîarî oogo baacûa antû bagûtuîrîîra Yiesû kaingo aûragwa.

MATHAYO 27:1

Gûgûkea rûûni rûûkîîrî, *athînjîri bara banene ba Ngai bonthe na akûrû bonthe baakomana baabanga bûra bakaûragangithia Yiesû.

MATHAYO 27:20

Îndî amwe na ûgu *athînjîri bara banene ba Ngai na akûrû beera antû bauge i Baraba bakwenda na Yiesû naûragwe.

MATHAYO 9:27

Yiesû akuuma agu athiîte, ntûngi ciîrî ciamûthingata ikiugagîîria na inya, “Mwana wa Ndaundi, twîgue kîao!”

MAARIKO 11:18

*Athînjîri bara banene ba Ngai na aarimû ba watho bakwîgua Yiesû auga ûgu, baanjîîria gûcûa njîra ya kûmûûraga. Îndî ibaamûkuthûkaga n'ûntû antû ibaakeneete n'ûrutani bwake.

RUKA 20:1

Ntugû îmwe Yiesû naarutanaga antû akîbatûmagîîria ntheto îmbega nyomba ya Ngai. *Athînjîri bara banene ba Ngai, aarimû ba watho, amwe na akûrû bangî baaya kîrî we. Bamwîra,

RUKA 22:2

*Athînjîri bara banene ba Ngai na aarimû ba watho ibaacûaga bûra bakîûragithia Yiesû. Bateendaga antû bamenya n'ûntû ibaabakuthûkaga.

RUKA 22:66

Gûgûkea rûûni, kîama gîa akûrû, *athînjîri bara banene ba Ngai, na aarimû ba watho baarîîkana amwe. Yiesû aareetwa.

NJOANA 11:57

Athînjîri bara banene ba Ngai na *Abarisai ibaarutîîte watho bauga, muntû ûra akaamenya ara Yiesû aarî, nwa mwanka abamenyithie kaingo bamûgwata.

NJOANA 12:19

*Abarisai bakwona ûgu beerana, “Ûtikwona gûtirî bu twîteethia na bu aaga! Ene gûtirî muntû atakûmûthingata!”

NJOANA 4:1

Mwathani aaya kûmenya *Abarisai ibaarî bakwîgua bûra aakuuyagia antû baingî nkûrûki ya Njoana bagatuîka arutwa baake akababaatithia. (

NJOANA 7:42

Anga Maandîko Maatheru matiugaga Kîrîstû akeegua arî wa rûrîîyo rwa Ndaundi, na agaaciarîrwa taûni ya Bethireemu, ara Ndaundi aatûûraga?”