MATHAYO 21:1 - Kîrîîkanîro Kîîyerû

¹ Yiesû na arutwa baake bathiîte Njerusaremu, barî akubî gûkinya beethîra bantû kwarî na Karîma ka Mîceituuni, gataûni geetagwa Bethipage. Bagûkinya oogo, Yiesû aatûma arutwa baake baîrî bathiyaga.

MATHAYO 21:1 ပူးပေါင်းရင်းမြစ်များ

MATHAYO 20:34

Yiesû abeegua kîao. Aatambûrûkia njara yake abatonga meetho. Nthûti îmwe baatua kwona bamûthingata.

MATHAYO 21:2

Abeera, “Îthiini gataûni gaka karî mbere aaga, na bwakinya ûgu bûkoona îng'ooi rîrî na kayaû rîthaîkîîtwe, bûthaûre rîo bûndeetere.

MATHAYO 24:3

Yiesû akari nthî Karîmaani ka Mîceituuni, arutwa baake baathi kîrî we barî bonka. Bamwîra, “Tatwîre irî mantû mama magaatuîkîka. Na i mbi îkoonania rîra ûkeegua ûûyîîte, rîra mûthiro wa nthîgûrû ûgaakinya?”

MATHAYO 26:30

Nyuma ya ûgu baina rwîmbo, baathi baatwa Karîmaani ka Mîceituuni.

MAARIKO 13:3

Yiesû na arutwa baake baathi bwa Karîma ka Mîceituuni. Yiesû aakara nthî araithîîte bwa nyomba ya Ngai. Petûrû, Njakubu, Njoana na Enderea beera Yiesû barî bonka,

MAARIKO 14:26

Baina rwîmbo. Rwîmbo rûkûthira bauma baathi bwa Karîma ka Mîceituuni.

RUKA 21:37

Wakîra ntugû Yiesû aathiyaga nyomba ya Ngai akarutana antû. Ûgoro bwakinya aathiyaga kûraara Karîmaani ka Mîceituuni.

RUKA 22:39

Yiesû auma taûni înu aathi Karîmaani ka Mîceituuni wata bûra aamenyeereetie. Arutwa baake bamûthingata noogo.

NJOANA 8:1

Yiesû aathi bwa Karîma ka Mîceituuni.

NGÛGÎ 1:12

Bakuuma agu baarî Karîmaani ka Mîceituuni, baacooka baathi bantû ta a kiromita îmwe baakinya Njerusaremu.