MATHAYO 20:34 - Kîrîîkanîro Kîîyerû

³⁴ Yiesû abeegua kîao. Aatambûrûkia njara yake abatonga meetho. Nthûti îmwe baatua kwona bamûthingata.

MATHAYO 20:34 ပူးပေါင်းရင်းမြစ်များ

MATHAYO 14:14

Warîra Yiesû agîkinyûka kuuma îtarûûni oona bûra antû baingîîte bûgana, abeegua kîao mûno. Ooria aayie.

MATHAYO 15:32

Yiesû eeta arutwa baake abeera, “Inkwîgua antû baba kîao n'ûntû tûkarîîte na bo ntugû ithatû na batirî na irio. Ntikwenda beenûka na yûûra n'ûntû baûmba kûgwa njîraani.”

MATHAYO 20:33

Ntûngi inu ciamwîra, “Mwathani, itûkwenda tûtua kwona.”

MATHAYO 21:1

Yiesû na arutwa baake bathiîte Njerusaremu, barî akubî gûkinya beethîra bantû kwarî na Karîma ka Mîceituuni, gataûni geetagwa Bethipage. Bagûkinya oogo, Yiesû aatûma arutwa baake baîrî bathiyaga.

MATHAYO 8:15

Aathi kîrî we amûringithia njara, oora. Aûkîîra aanjîîria kûbagaagûra.

MATHAYO 9:29

Yiesû aatambûrûkia njara abatonga meetho. Abeera, “Kûrookara ûgu bwîtîgîîtie.”

MATHAYO 9:36

Eegua antû kîao akwona bûra baanyamaarîîte bûgana banyageere ta ng'ondu itarî na mûrîîthi.

MAARIKO 7:33

Yiesû aarutaruta muntû ûyu kîrî antû baathi gataaria. Amwîkîra biara matû, aacooka aatuîra mata njara, amûtongithia rûrîmî.

RUKA 18:43

Nthûti weenu muntû ûyu aarî ntûngi aatua kwona, aathingata Yiesû agîkumagia Ngai. Kîrîndî gîkwona ûgu wana kîo gîakaatha Ngai.

RUKA 22:51

Yiesû auga, “Tigaani!” Aaringithia gûtû kwa muntû ûyu amworia.

RUKA 7:13

Mwathani akwona mwekûrû ûyu amwîgua kîao. Amwîra, “Tiga kûrîra.”

NGÛGÎ 26:18

Ngaatûma ûtûme barancûkie, baume mwinduuni baaye werûûni, baume wathooni bwa Saitaani batuîke antû ba Ngai kaingo barekerwa meeyia maao, bathûkie kaanya kaao amwe na bara Ngai athereetie kuumania na wîtîgio bwao kîrî niû.’ ”

AIBIRANIA 2:17

Kwoogu kwarî nwa atuîkire ta aruagina na aaragina na njîra cionthe, kaingo atuîka mûthînjîri ûra mûnene mwîtîgua kîrî Ngai, mûthînjîri arî kîao, aruta kîgongwana gîa kûthiria meeyia ma antû.

1 PETÛRÛ 3:8

Na bûngî na bu bwa mûthia, i kîrî bwinthe. Na bu n'atî, îgaguani bûrî na yerekeeria rîmwe, bûkîîganagua na bûkîendanaga ta muntû na mûruagina kana mwaragina ndeni ya Kîrîstû. Îganaguani kîao. Na muntû neenyithagie kîrî ûra ûngî.