MATHAYO 20:24 - Kîrîîkanîro Kîîyerû

²⁴ Arutwa bara bangî îkûmi bakwîgua bûra Njakubu na Njoana beendaga babathûûra.

MATHAYO 20:24 ပူးပေါင်းရင်းမြစ်များ

MATHAYO 20:23

Yiesû abeera, “Gîkombe kîra nkaanyua bûgakînyua, îndî ti niû mbagîrîtwe nthuura mbuga i ngania agaakara rûteere rwakwa rwa ûrîo kana rwa ûmotho. Naagu kûthuuranîrîtwe gûkarwa i bara Baaba ataarîîte.”

MATHAYO 20:25

Yiesû abeeta baayanga akubî n'we. Abeera, “Bara barî anene ba nthîgûrû îno beendaga kwonia antû i bo anene, atongoria ba nthîgûrû beekumagia kwonia antû i bo atongoria, wata bûra bwiyî.

MAARIKO 10:14

Yiesû ataakena akwona ûgu. Eera arutwa baake, “Rekanaani na twana tûûye kîrî niû. Bûtigaatûgirie n'ûntû ûnene bwa Ngai i bwa bara bakari ta twana tûtû.

MAARIKO 10:41

Arutwa bara bangî îkûmi bakwîgua bûra Njakubu na Njoana beendaga babathûûra.

RUKA 13:14

Mûtongoria wa sinagoogi aathûûra Yiesû akworania ntugû ya Sabatû. Eera antû, “Kûrî ntugû ithanthatû cia kûruta ngûgî. Rîru i rîo bwagîrîtwe kûûya bûkoorua, îndî ti ntugû ya Sabatû.”

1 AKORINTHO 13:4

Wendo ibwetagîîra, na bûrî kîao. Bûtirî rûriitho, bûtiîbûkagîîria kana bwîkumia,

APIRIPI 2:3

Bûtikaarûthe ûntû na rûriitho kana wîkumia. Muntû nenyiagie kîrî ûra ûngî, na nathûkagie bara bangî ta bo barî gîtûmi nkûrûki yake.

NJAKUBU 3:14

Îndî ûkaaya kwîgua nkorooni yaku ûrî muntû wa rûriitho, marûrû na wa kwenda kûgîta wenka, woû ûtikaarie ûrongo ûgîîkumîria ûûme bwaku.

1 PETÛRÛ 5:5

Na biû naabi, aana beethî, înyithagieni kîrî akûrû. Bwinthe bûbatîîrue wamuntû eenyithagia kîrî ûra ûngî, n'ûntû *Maandîko Maatheru maugîîte, “Ngai atigwatanagîra na eekumia, eeyaga ûtugi bara beenyithagia.”