MATHAYO 20:23 - Kîrîîkanîro Kîîyerû

²³ Yiesû abeera, “Gîkombe kîra nkaanyua bûgakînyua, îndî ti niû mbagîrîtwe nthuura mbuga i ngania agaakara rûteere rwakwa rwa ûrîo kana rwa ûmotho. Naagu kûthuuranîrîtwe gûkarwa i bara Baaba ataarîîte.”

MATHAYO 20:23 ပူးပေါင်းရင်းမြစ်များ

MATHAYO 13:11

Yiesû abeera, “Biû ibwetwe ûûme bwa kûmenya witho bwa ûnene bwa îgûrû, îndî bo batietwe bu.

MATHAYO 20:24

Arutwa bara bangî îkûmi bakwîgua bûra Njakubu na Njoana beendaga babathûûra.

MATHAYO 25:34

“Rîru eere bara ûkeegua barî bwa ûrîo, ‘Ncûûni, biû Baaba athaarimîîte bûthûkie ûnene bûra aabûthuuranîîre bûrî rûgai rwenu kuuma wo nthîgûrû îkûûmbwa.

MAARIKO 10:40

Îndî ti niû mbagîrîtwe nthuura mbuga i ng'ania agaakara rûteere rwakwa rwa ûrîo kana rwa ûmotho. Naagu kûthuuranîrîtwe gûkarwa i bara Ngai ataarîîte.”

NGÛGÎ 12:2

Njakubu, mûruagina wa Njoana aûragwa na rûyiû.

AROOMA 8:17

Na woona tûrî aana baake agatwa rûgai rwa ithaarimo bira atwaigîrîte. Bionthe bira Ngai eete Kîrîstû bigaatuîka bietû na tiû. Îndî weegua wana tiû tûkaagîa mwago ta wake, nwa mwanka tûnyamaarue ta bûra Kîrîstû aanyamaariirue.

1 AKORINTHO 2:9

Îndî na rîo wata bûra kwandîkirwe *Maandîkooni Maatheru, “Gûtirî muntû oona, gûtirî muntû eegua, na gûtirî muntû aaromenya kîra Ngai aathuuranîrîte bara bamwendeete.”

2 AKORINTHO 1:7

Wîrîgîîro bwetû îgûrû rîenu i bûûnene. Itûkûmenya wabûra bûkûnyamaarua tûkînyamaarua, wana biû ibûkwewa kûûmîîria tûkîewa.

AKOROSAI 1:24

Inkeneete i bûra nnyamaaraga n'ûntû bwenu nkîûyûrîîria kûnyamaara kûra mwîrî wa Kîrîstû ûbatîîrue ûnyamaara kinya îîndî. Mwîrî wa Kîrîstû i kanica. Na mathîîna mama mwîrî wakwa wonaga, wonaga mo n'ûntû bwa kanica.

AIBIRANIA 11:16

Îndî baarî na bata na nthîgûrû îîngî îmbega, nthîgûrû ya îgûrû. Kwoogu Ngai atibeegagua îgi bamwîta Ngai wao, n'ûntû nabathuuranîrîte ntûûra yao.

KÛGWÛRÎRWA 1:9

Niû Njoana ndî mûruanyûkwe. Wana niû innyamaaragua ta bûra bûnyamaaragua, imbîgagua ndî amwe naabi ûneneeni, na mbûmagîîria wata biû n'ûntû bwa Yiesû. N'ûntû bwa ntheto ya Ngai na gûkûûyîîra mantû ma Yiesû, i ntûma ndî gîcîgîîrioni kîa îria gîîtagwa Patimos.