MATHAYO 20:19 - Kîrîîkanîro Kîîyerû

¹⁹ Na bakamûnenkanîra kîrî antû batarî Ayaundi bamûnyûrûnte, bamûringe ibooko, bamwambe. Îndî akaariûka ntugû ya ithatû.”

MATHAYO 20:19 ပူးပေါင်းရင်းမြစ်များ

MATHAYO 12:40

Wata Njona bûra aakarire nda ya îkûyû ntugû ithatû mûthenya na ûtugû, wana Mwana wa Muntû agaakara nthîgûrû ndeni ntugû ithatû.

MATHAYO 16:21

Kuuma îgiita rîru Yiesû aanjîîria kwonia arutwa baake nwa mwanka athi Njerusaremu anyamaarue mûno n'akûrû, *athînjîri bara banene ba Ngai, na aarimû ba watho bamûûragithie. Îndî akaariûka ntugû ya ithatû.

MATHAYO 17:23

bara bakaamûûraga. Îndî akaariûka ntugû ya ithatû.” Arutwa baake bakwîgua ûgu baagwatwa i kîeba.

MATHAYO 27:26

I rîo Piraatû eetîgîîrie auga Baraba arekue na Yiesû aringwe ibooko. Rîru amûnenkanîra athi kwambwa.

MATHAYO 27:63

beera Piraatû, “Ngabana, n'ûntû rîra mûûrongo ûra araarî mwoyo araugaga akaariûka ntugû ya ithatû,

MAARIKO 14:65

Antû bamwe baanjîîria gûtuîra Yiesû mata na kûmûkunîka meetho bakamûringa bakamwîra, “Taroria [ûtwîre ûra akûringa]!” Acikaarî baathûkia Yiesû baathi n'we bakîmûringangaga.

MAARIKO 15:1

Rûûni rûkîîrî mûno, *athînjîri bara banene ba Ngai, akûrû, aarimû ba watho, na kîama kîonthe baabanga bûra bakaûragangithia Yiesû. Bamûthaîka njara bamwirîra Piraatû ûra aarî ngabana.

MAARIKO 15:15

Na n'ûntû Piraatû neendaga kûbaingîria bûra beendaga, auga Baraba arekue. Aaruta watho auga Yiesû aringwe ibooko. Rîru amûnenkanîra kîrî acikaarî athi kwambwa.

RUKA 18:32

Akaanenkanîrwa kîrî antû batarî Ayaundi bamûnyûrûnte, bamûrumange, na bamûtuîre mata.

RUKA 23:11

Eronde na acikaarî baake baanyûrûnta Yiesû bamûbûthîîria. Bamwîkîra nguo ya goro îndaaya. Eronde auga acookue kîrî Piraatû.

RUKA 24:46

Abeera, “Kwandîkîîtwe ûûgû, Kîrîstû akaanyamaarua îndî akaariûka ntugû ya ithatû.

NGÛGÎ 2:23

Kûringana na mûbango wa Ngai ûra aabangîîte kuuma tene, Yiesû aûragirwe bûkûmûnenkanîra kîrî antû ba meeyia bamwamba mûtharabaani.

NGÛGÎ 21:11

Aathûkia mûcibi wa Paûrû eeboga na uu magûrû na njara. Auga, “Kîrundu Ûmûtheru ariuga ûûgû, ‘Mwene mûcibi ûyû aathi Njerusaremu i bu akoogwa ûûgû n'Ayaundi, anenkanîrwe kîrî antû batarî Ayaundi.’ ”

NGÛGÎ 4:27

“Wabu Eronde, Pontio Piraatû, antû batarî Ayaundi, na antû ba Isiraeri beethîrana amwe aaga taûni îno baregana na mûruti ngûgî waku ûmûtheru, Yiesû, ûra wathuurire atuîka *Mesia.