MATHAYO 20:1 - Kîrîîkanîro Kîîyerû

¹ Yiesû eera arutwa baake, “Ûnene bwa îgûrû bûkari ta mwene mûciî ûra aaraûkire kuuma rûkîîrî mûno, aathi aacûa antû ba kûmûrutîra ngûgî mûndaani wake wa ncabiibû.

MATHAYO 20:1 ပူးပေါင်းရင်းမြစ်များ

MATHAYO 13:24

Yiesû abaa ngerekano îngî. Abeera, “Mantû ma ûnene bwa îgûrû makari ûûgû. Muntû aandire mbeû ya ngano îmbega mûndaani wake

MATHAYO 13:31

Yiesû kaîrî abaa ngerekano îngî. Abeera, “Ûnene bwa îgûrû bûkari ta gapîndî ka mûtî kara kaniini kîrî mpîndî cionthe kara muntû aathûkiirie aanda mûndaani wake.

MATHAYO 13:33

Yiesû aacooka abeera, “Ûnene bwa îgûrû bûkari ta ndawa ya kwimbithia mîgaate îra mûka aathûkiirie eekîra mûtuuni ûmwingî yaimbithia mûtu ûyu unthe aguukanda.”

MATHAYO 13:47

Yiesû auga, “Na kaîrî ûnene bwa îgûrû bûkari ta neeti îrî ngere îriani îkagwata makûyû ma mîthemba yonthe.

MATHAYO 20:2

Akûboona na baagwatanîra akaabarîa îrîi rîa gîîntugû, aboonia mûnda.

MATHAYO 21:28

Yiesû aathi na mbere kûbaarîria abeera, “Tathûgaaniani. Ikwarî na muntû aarî na aana baîrî. Îgiita rîmwe aathi kîrî ûra mûkûrû amwîra, ‘Bai, îmunthî îthi mûndaani.’

MATHAYO 22:2

“Nwa tûbuanaanie ûnene bwa îgûrû na mûnene ûra aathuuranîîre kîatho kîa wiki bwa mûthaka wake.

MATHAYO 23:37

Yiesû auga, “Antû ba Njerusaremu, bûûragaga iroria bia Ngai abitûma kîrî biû, na bûûragaga atûmwa ba Ngai na maiga abatûma kîrî biû. I maita magana ndeendaga kwîthîrania amwe aana beenu ta ngûkû bûra îîthîranagia tûcwi twa yo îguîkîra, îndî naabi bûkarega!

MATHAYO 25:1

Yiesû auga, “Nwa tûbuanaanie ûnene bwa îgûrû na aarî îkûmi bara ûgoro bûmwe baathûkiirie ntandîka ciao baathi kûthagaana mûgûrani.

MATHAYO 25:14

Yiesû eera arutwa baake, “Na kaîrî nwa tûbuanaanie ûnene bwa îgûrû na muntû ûmwe aathiîte rûgendo. Mbere ya athi eeta aruti ngûgî baake abeera bamûmenyeere into.

MATHAYO 3:2

Augaga, “Îrireeni meeyia meenu n'ûntû ûnene bwa îgûrû bûkûthengeera.”

MAARIKO 13:34

Gûkari ta muntû arî na rûgendo, na mbere ya athi agatiga eera woora mûruti ngûgî wake bûra akaarûtha. Na akeera kinya mûkaria mûrango akarage araithîrîte.

NJOANA 15:1

Yiesû eera arutwa baake, “I niû mûcabiibû wa mma, na Baaba n'we muurîmîri.

1 AKORINTHO 15:58

Kwoogu, aruayia na aarayia, karagaani bwîrikîîtie na bûtikaareke kwîgua kûrî na ûntû bwenyenyia wîtîgio bwenu. Rîonthe rutagîraani Ngai ngûgî, n'ûntû ibwiyî ngûgî îra bûrutagîra Mwathani t'ya ûtheri.

AIBIRANIA 13:21

aroobwaa bira bionthe biega bûrûthe kwenda gwake. Arootûma tûrûthaga bûra bûmûkenagia, n'ûntû bwa Yiesû Kîrîstû. We arookumua tene na tene. Aameni.