MATHAYO 2:13 - Kîrîîkanîro Kîîyerû

¹³ Ageni bakûthi, Njosebu aaroota mûraîka wa Mwathani akîmwîraga, “Ûka ûthûkie kaana ûgakuthûkie amwe na gina, bûthi Miisiri bûkare noogo mwanka rîra ngaakwîra n'ûntû Eronde nagûcûa kaana gaka akaûraga.”

MATHAYO 2:13 ပူးပေါင်းရင်းမြစ်များ

MATHAYO 1:20

Njosebu waakîthûgaanagîria mantû mamu, aaroota mûraîka wa Mwathani akîaragia n'we akîmwîraga, “Njosebu wa mûciî wa Ndaundi, ûtikeegue ûguaya bwa kûthûkia Maria arî mwekûrû waku, n'ûntû nda înu arî n'yo n'ya Kîrundu Ûmûtheru.

MATHAYO 10:23

Bûkaaya kûnyamaarua ntûûra îmwe, bûtoorooke bûthi îngî n'ûntû na mma ga nkûbwîra, ûtiîgua bûgûkomania ntûûra cia Isiraeri cionthe mbere ya Mwana wa Muntû aaya.

MATHAYO 2:12

Ngai abakaania kîrootooni abeera, “Bûtigaacookeere kwa Mûnene Eronde kaîrî.” Kwoogu bakîînûka baacookire na njîra îngî.

MATHAYO 2:14

Njosebu agûûka aathûkia kaana na gina wa ko baathi bwa Miisiri.

MATHAYO 2:16

Mûnene Eronde aathûûra mûno akûmenya antû babu baûgî ibaamweneerie. Aatûma acikaarî, abaa watho bwa kûûraga twana twa twîyî tunthe tûra twakinyithîîtie mîanka îîrî kwîndama, tûra twarî Bethireemu na ntûûra ira ciarî akubî n'yo wata bûra aamenyithîîtue n'antû babu.

MATHAYO 2:22

Njosebu akwîgua Arikeraus, mwana wa Eronde, n'we aathanaga Njundea îthe agûkua, aakuthûka kûthi noogo. Ngai amûkaania kîrootooni athi bûngî, aathi bwa gîteere kîa Gariiri

NGÛGÎ 10:22

Antû babu bamwîra, “Tûtûmîîtwe kîrî woû i Koronerias, mûtongoria wa mbûûtû ya ndûa. I muntû ûmwagîru akuthûkaga Ngai na atîîyîtwe n'Ayaundi bonthe. I mûraîka aramwîrire wîtwe ûthi gwake kaingo ûmwîra ntûmwa îra ûrî n'yo.”

NGÛGÎ 10:7

Mûraîka akûthi, Koronerias eeta aruti ngûgî baake ba mûciî baîrî na mûcikaarî ûmwe. Mûcikaarî ûyu aarî ûmwe wa bara baamûkaragia na naarombaga Ngai.

NGÛGÎ 12:11

Petûrû aarîcûkwa. Auga, “Wabu îîndî nkûmenya i Mwathani agûtûmîîte mûraîka wake anduta kîrî Eronde, kaingo bûra Ayaundi bareerîgîîrîîte bûtakarîka.”

NGÛGÎ 12:7

Nthûti îmwe mûraîka wa Mwathani aaya aarûngama gûku ndeni ya kanyomba kara Petûrû aingîrîtwe. Werû bwatharara gûku ndeni. Mûraîka ûyu aaringaringa Petûrû mbaru, amwîra, “Ûka na mpwî!” Nyororo ira Petûrû athaîkîîtwe na cio njara ciakandûkana warîru, ciagwa nthî.

NGÛGÎ 16:36

Mûnene ûyu eera Paûrû, “Anene baatûmana bauga woû na Sairas bûrekue bûthi. Kwoogu nwa bûthi. Na îthiini na ûkiri!”

NGÛGÎ 5:19

Îndî ûtugû bûbu mûraîka wa Mwathani aaya abarugûrîra. Abeera,

NGÛGÎ 7:19

Mûnene ûyu aacegeera antû beetû abanyamaaria. Auga bateeyage tûgenke twao twaciarwa kaingo tûkua.

KÛGWÛRÎRWA 12:14

Mûka ûyu eewa mathabu maîrî ta ma ndiû înene mûno, kaingo abuurûûka athi bantû ara aarûthîrîtwe akara, rwanda. Mûka ûyu aarî akare bantû agu akîmenyagîîrwa na arigîîrîîtue njoka înu kwa îgiita rîgana ûna, na rîngî ta rîo, na rîngî ta rîo kaîrî na nucu.

KÛGWÛRÎRWA 12:4

Njoka înu yakondoria na mûtiro wa yo nthata gîcuncî kîmwe kîa bithatû kuuma îgûrû ciagwa nthîgûrû. Yarûngama agu mbere ya mûka ûyu aarî akubî gûciara kaingo aaciara îrîa kaana.

KÛGWÛRÎRWA 12:6

Mûka ûyu augia rwîro aathi gûkara rwanda, bantû Ngai aamûthuuranîrîte. Agu noogo aakarire ntugû ngiri îmwe na magana maîrî ma mîrongo îthanthatû (1,260) waakîmenyagîîrwa.